1 Samuẹl 1:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Etiyin Eli da ta, Yanran vwẹ ufuoma, Ọghẹnẹ rẹ Izrẹl o ru obo ru wọ yare mie na kẹ wẹ.

1 Samuẹl 1:17 ပူးပေါင်းရင်းမြစ်များ

Jẹnẹsis 25:21

Aizik da nẹ ẹrhovwo kẹ Ọghẹnẹ fiki rẹ aye rọye, kidie ẹga oruẹ, Ọrovwohwo de nyo ẹrhovwo rọye, Rebeka rẹ aye rọye da rhi mrevun.

2 Samuẹl 15:9

Ovie da ta kẹ, Yanran ufuoma. Etiyin o vrẹnri ọ da yanran Hebrọn.

Ivie rẹ Ivẹ 5:19

Ọ da ta kẹ, yanran vwẹ ufuoma. Neman de kuoma rhẹriẹ, ọ da yanran nẹ obaro rọye umuvwre krẹkrẹ.

1 Ikun rẹ Ivie 4:10

Jabẹz de se Ọghẹnẹ rẹ Izrẹl, ọ da ta, Manẹ kẹ wo bruphihọ kẹ vwẹ rere wo ji ru otọ mẹ rho, re wo nene uvwe dia re wọ sẹro mẹ nẹ ukpokpogho rere o ju vwe oma ẹwan! Ọghẹnẹ de ru obo rọ nọre kẹ.

Iyẹnrẹ Esiri ri Mak 5:34

Ọ da ta kẹ, Ọmọtẹ esegbuyota wẹn sivwi uwe, yanran vwẹ ufuoma, e sivwi uwe nẹ emiavwe wẹn re.

Iyẹnrẹ Esiri ri Luk 7:50

Ọ da ta kẹ aye na, Esegbuyota wẹn o sivwi uwe; kpo vwẹ ufuoma.

Iyẹnrẹ Esiri ri Luk 8:48

Ọ da ta kẹ, Ọmọtẹ, esegbuyota o sivwi uwe; yanran vwẹ ufuoma.

Iguẹdjọ 18:6

yanran egberhẹnẹdẹ. Ọrovwohwo vwẹ ẹro te oyan rẹ ovwan na.

1 Samuẹl 1:16

Wọ vwẹ odibo rẹ ọmọtẹ wẹn roro aye fanrhiẹ fanrhiẹ-ẹ, kidie ẹnwan kugbe ivuemiovwo rọ hẹ udu mẹ ọye me ta phia na.

1 Samuẹl 1:23

Ẹlkanah rẹ ọshare rọye da ta kẹ, Ru obo ri shephihọ kẹ wẹ, hẹrhẹ bẹsiẹ rẹ ọmọ na vwo brevie nu; takpe, jẹn ota rẹ Ọrovwohwo sẹ. Etiyin aye na da daji ọ da ghẹrẹ ọmọ rọye, bẹsiẹ ro rhi vwo brevie nu.

1 Samuẹl 20:42

Etiyin Jonatan da ta kẹ Devid, kpo egbẹrhẹnẹdẹ, kidie ọ gua kẹ avwanre duvwu iyori kẹ ohwohwo vwẹ odẹ rẹ Ọrovwohwo nure, tanẹ, Ọrovwohwo dia uvwre mẹ vẹ owẹ, vẹ uvwre rẹ emọ mẹ vẹ ewẹn, bẹdẹ. ọ vrẹnri ọ da yanran; Jonatan de rhivwi kpo obo orere.

1 Samuẹl 25:35

Etiyin Devid de mie obo rọ ghwa rhe; ọ da ta kẹ, Yanran kpo uwevwi wẹn egbẹrhẹnẹdẹ. Nighere, mi nyo obo ru wọ tare, orẹ re wọ rẹ vwẹ mi nyori.

1 Samuẹl 29:7

Vwẹ ọtiọye na gbe rhivwi asakiephana; re wo kpo egbẹrhẹnẹdẹ, rere ophu wẹn vwo jẹ igbuyovwi ri Filistia na emuo.