1 Samuẹl 1:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ẹkẹvuọvo Hanah da kpahe, Ẹjo, ọrovwovwe, Mẹvwẹ aye rẹ ivun dia djọghọ djọghọ; Me da wain siẹvo kẹ udi ọganga-an, ẹkẹvuọvo ọdavwẹ mẹ ọye me ta kẹ Ọrovwohwo.

1 Samuẹl 1:15 ပူးပေါင်းရင်းမြစ်များ

ỌBE RẸ JOB 30:16

Asakiephana erhi mẹ kọ mwavwa hwẹ vwẹ evun mẹ, ẹdẹ rẹ ukpokpogho gba vwẹ koko hwẹn.

Une rẹ Ejiro 143:6

Me riẹn obọ mẹ bru we rhe; urhuru wẹn re si vwe kerẹ otọ re ọsha.

Une rẹ Ejiro 42:4

Imu nana me karophihọ, re vwọ họrhọ ne ẹnwẹ mẹ cha, obo re me ve ogbotu na vwọ yan Me da vwe ayen tere usun kpo uwevwi rẹ Ọghẹnẹ, ve ekpere rẹ aghọghọ kugbe ine re ẹkpẹvwẹ, obibinagba re ihwo re re orẹ.

Une rẹ Ejiro 62:8

Vwẹ ẹro suọ vwẹ ọke ejobi, E ihwo; ku udu wẹn ejobi phihọ otọ vwẹ obaro rọye; Ọghẹnẹ ọye odjahọ rẹ avwanre.

Une rẹ Ejiro 62:9

Ihwo ri kpotọ emu ghevweghe, ihwo ri kpenu ji ophiẹnvwe; a da vwavwọn ayen; ayen pharhe nọ emu diodi.

Isẹ 14:10

Udu rẹ ohwo ọvo re riẹn ọdjarhe rọ hẹ evun rọye, eriyin na ohwo ọfa je sa riẹn aghọghọ rọ evun rọye-e.

Isẹ 15:1

Ota vwiọrọ vwiọrọ fuẹ ophu, ẹkẹvuọvo ota gbaegbae kpara ophu.

Isẹ 25:15

Erhiori ọye a vwọ bọrọ udu rẹ osun rẹ ihwo, ota bọrọ bọrọ vwirhẹ ubeku.

Uvwerhe 2:19

Evrẹn, kperi vwẹ ason, vwẹ ẹtuọhọ rẹ orhẹrẹ na! Kpare udu wẹn ku kerẹ amẹ vwẹ obaro rẹ Ọrovwohwo! Kpare abọ rẹ ovwan kpenu kẹ fiki rẹ arhọ rẹ emọ wẹn ri sherua fiki rẹ owẹvwe vwẹ obo oba rẹ urhuvwu kurhuvwu.

1 Samuẹl 1:16

Wọ vwẹ odibo rẹ ọmọtẹ wẹn roro aye fanrhiẹ fanrhiẹ-ẹ, kidie ẹnwan kugbe ivuemiovwo rọ hẹ udu mẹ ọye me ta phia na.

1 Samuẹl 7:6

Etiyin ayen da ra ghwẹ koko vwi Mizpah, ayen de vo ame kpare ku hẹ obaro rẹ Ọrovwohwo, ayen de chiri owẹvwe vwẹ ẹdẹ yena, ayen da ta vwẹ etiyin, Avwanre ru umwemwu kpahe Ọrovwohwo. Samuẹl da vwẹ ihwo rẹ Izrẹl gu ẹdjọ vwi Mizpah.