1 Pita 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Hirhe aro kuo, mudia gan vwẹ esegbuyota wẹn, ovwan riẹn imoni rẹ ovwan re hẹ akpọ na duvwu na je reoja buebu ọtiọye.

1 Pita 5:9 ပူးပေါင်းရင်းမြစ်များ

Iyẹnrẹ Esiri ri Luk 22:32

ẹkẹvuọvo me da nẹ ẹrhovwo kẹwẹ rere esegbuyota wẹn vwo je she; ẹkẹvuọvo wo de kurhẹriẹ nu, gbe phi udu vwọ hẹ imoni wẹn awọ.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Iruo rẹ Iyinkọn na 14:22

Ayen da ta ejọghwa phihọ udu rẹ idibo na, o de bru ayen uche rere ayen mudia gan vwẹ esegbuyota na, tanẹ, ukpokpogho buebu a cha wanvrẹn nu tavwe rẹ avwanre ke sa ro uvie rẹ Ọghẹnẹ na.

1 Kọrẹnt 10:13

O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

Ẹfesọs 4:27

wọ vwẹ asan kẹ idẹbono rọ tan owọ muotọ-ọ.

Ẹfesọs 6:16

Ọ rọ ka enu gba reyọ ekpọfia rẹ esegbuyota na, kọye wa vwọ kpọ ibiri rẹ erhanre rẹ idẹbono kufia.

Kolose 2:5

Kidie owenẹ ovwan jẹ uvwe ẹmrẹ vwẹ ugboma dede, ye me vẹ ovwan herọ vwẹ obo erhi, oma ko vwerhe ovwẹ rẹ me da mrẹ obo rẹ ovwan sẹro rẹ oma te, kugbe obo rẹ ovwan mudia gan te vwẹ esegbuyota ri Kristi na.

1 Tẹsalonaika 3:3

Avwanre ru ọnana rere udu vwo jẹ ovwan ekpokpo fiki rẹ ukpokpogho nana. Ekpuyovwi rẹ ovwan riẹnre nẹ ọnana re cha dia ẹkẹn ute rẹ avwanre.

1 Timoti 6:12

Họnre omamọ ọhọnre rẹ esegbuyota; gbanọ arhọ ri bẹdẹ na ra vwi fiki rọye se we na homa, ru wọ rhọvwere vwẹ irharo rẹ iseri buebu na.

2 Timoti 3:12

Uyota ihwo ejobi re guọnọ yere akpọ ọfuanfon rọ herọ vwi Kristi Jesu ke kpokpo,

2 Timoti 4:7

Me họnre omamọ rẹ ohọnre na nure, me djẹ onẹ na nure, me yọnre esegbuyota na nure.

Hibru 11:33

ihwo re wan esegbuyota phi uvie kparobọ, ri brorhiẹ rẹ ọsoso, re ve ive na kẹ, re gba unu rẹ ikpohrokpo,

Hibru 12:8

A rha ghwọ ku ovwan kirobo ra ghwọ ku emọ ri chekọ-ọ, yẹ ovwan kẹ evwọrobọ e dia emọ-ọ.

Jems 4:7

Ovwan gba vwẹ oma kpotọ kẹ Ọghẹnẹ; ẹkẹvuọvo ovwan hirhe aro ku idẹbono, rere ọ mrasan djẹ nẹ ovwan oma.

1 Pita 1:6

Vwẹ evun rẹ ọnana ovwan ke ghọghọ, dede nẹ vwẹ ọmọke krẹn ovwan cha reoja rẹ odavwini sansan,

1 Pita 2:21

Kidie ọna e se ovwan rhe, fikiridie Kristi re-oja kẹ ovwan, re ovwan vwo no ru, rere ovwan vwẹ ẹro kere.

1 Pita 3:14

Ẹkẹvuọvo ọ da dianẹ ovwan reoja vwi fiki rẹ ọvwata, ke bruphihọ kẹ ovwan. Wa djẹ oshọ rẹ aye-en, eyẹ we bru udu-u,

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

Ẹvwọphia 1:9

Mẹvwẹ ri Jọn, oniọvo rẹ ovwan, rọ vọ ovwan gbe vwo ẹkẹn vwẹ ukpokpogho ri Jesu kugbe uvie rọye kugbe erhiori rẹ akoechiro rọye, da hẹ ubrotọ re se Patmọs vwi fiki rẹ ota rẹ Ọghẹnẹ kugbe oseri ri Jesu.

Ẹvwọphia 6:11

A da vwẹ adagba ọfuanfon vwọ kẹ ayen ohwo ọvuọvo a da ta kẹ ayen nẹ i rovwoma emerha, bẹsiẹ rẹ unu rẹ idibo rayen ri chekọ kugbe imoni rayen ri chekọ vwọ gba, ihwo re hweri kirobo re ji hwe okpuyovwi rẹ ayen.

Ẹvwọphia 7:14

Me da ta kẹ, ọrovwori, wẹ re riẹnrẹ. Ọ da ta kẹ vwẹ, Enana hẹ ihwo ri nẹ evun rẹ ukpokpogho rode na rhe; ayen fọnrhọn edagba rayen fon vwẹ ọbara rẹ Omogodẹ na.