1 Pita 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

1 Pita 5:5 ပူးပေါင်းရင်းမြစ်များ

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

Isẹ 3:34

Otu re jẹ ọjẹfia ọ je ghwa je ayen fia, ẹkẹvuọvo ọ vwẹ ẹroesiri ni ohwo rọ vwẹ oma kpotọ.

Ẹfesọs 5:21

Ohwohwo vwẹ oma kpotọ kẹ ohwohwo vwẹ oshọ ri Kristi.

Ọbe ri Pọl si rhe Ihwo ri Rom 12:10

Wa guọnọ ohwohwo vẹ omamọ rẹ ẹguọnọ; we sivwi oseghe rẹ ọghọemuo.

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Ọbe ri Pọl si rhe Ihwo ri Rom 13:14

Ẹkẹvuọvo gbe ku Ọrovwavwanre Jesu Kristi phihọ, wọ vwẹ asan kẹ ugboma-a rere ẹguọnọ rẹ ugboma vwo je ovwan esioghwro.

1 Pita 4:5

ẹkẹvuọvo ayen cha nẹ iyẹnrẹ kẹ ohwo ro choma ro vwo guẹdjọ rẹ ihwo ẹkpokpọ vẹ ighweghwu.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

Livitikọs 19:32

Ovwan mi vrẹn mudia kẹ ohwo rẹ uyovwi rọye fonro, rere we mu ọghọ kẹ opharo rẹ ọmọmare, wọ Me rha djẹ oshọ rẹ Ọghẹnẹ wẹn: Mẹvwẹ Ọrovwohwo na.

1 Pita 4:1

Ri Kristi vwọ reoja vwẹ ugboma nure na, gba vwẹ iroro ọvuọvo yena choma, kidie kohwo kohwo rọ reoja vwẹ ugboma nure yọ vabọ rẹ imwemwu,

Une rẹ Ejiro 132:9

Jẹn a vwẹ ọvwata rhuo irherẹn wẹn, jẹn ihwo efuanfon wẹn kperi ukperi rẹ aghọghọ.

ỌBE RẸ JOB 29:14

Mi de ku ọvwata phihọ, ọ de rhuọ vwe; orhiebro mẹ da họhọ adagha vẹ erhu.

ỌBE RẸ JOB 22:29

Kidie Ọghẹnẹ si ọvweheri kpotọ, o mi sivwi ohwo rọ pha dẹndẹn.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

2 Ikun rẹ Ivie 6:41

Asakiephana gbe vrẹn, E Ọrovwohwo Ọghẹnẹ rere wo kpo asan rẹ omaerovwo wẹn, re owọwẹ te ekpeti rẹ ẹgba wẹn. Jẹn irherẹn wẹn, E Ọrovwohwo Ọghẹnẹ, vwẹ esivwo rhuo oma, gbe jẹn ihwo efuanfon wẹn ghọghọ vwẹ erhuvwu wẹn.

Une rẹ Ejiro 132:16

Me vwẹ esivwo rhuo irherẹn rọye, ihwo efuanfon rọye ki kperi ukperi rẹ aghọghọ.

Une rẹ Ejiro 138:6

Dede na obo rẹ Ọrovwohwo kpenu te na, o ji se ohwo ro kpotọ gbẹ ohwo; ẹkẹvuọvo ohwo vẹ ọnko ogboko o dẹ vughe.

Izikiẹl 26:16

Etiyin isun re hẹ obo abadi ki wotọ nẹ ekete rayen rhe, ayen me ghwiẹ edagha rayen nu, iwun re rhuori na ejobi ayen me ghwiẹ ayen nu, kẹ ayen vwẹ ophariẹ guegue vwo rhuo oma, ayen ki tidia otọ ke phariẹ guegue kọke kọke, ofu ko dje ayen kẹ wẹ.

Iyẹnrẹ Esiri ri Luk 22:26

Ẹkẹvuọvo ọ dia ọtiọye kẹ ovwa-an; kpe rẹ ọtiọye jẹn ohwo rọ ma rho ejobi rhe dia kerẹ omotete ejobi, osun kerẹ ohwo ro gbe odibo.

1 Timoti 5:1

Wọ ghwọ kuẹ okpako-o ẹkẹvuọvo vwẹ obọ tete kerẹ ọsọmọ; yọnre imighele na kerẹ iniọvo,

1 Pita 3:8

Ọ rọ ka oba, ovwan ejobi, ku evun gbe vwẹ erhi, re ehrọre, guọnọ imoni na, vwo udu ọlọlọhọ-kugbe udu dẹndẹn.

Isẹ 25:7

kidie oyoma ra vwọ ta kẹ ohwo nẹ, Yanrhe obenu obonẹ, vrẹn ọ re vwo ru ohwo kpotọ vwẹ irharo rẹ osun.

Daniẹl 11:12

Ọke rọ de phi urogho na kparobọ nure, kọ cha kparẹ oma kpenu, ko che gere uriori ihwe she teye otọ, ẹkẹvuọvo o che se phi kparobọ-ọ.