1 Pita 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ dianẹ ke do ku ayen otu ra vwọ kẹ wẹ yọnre na-a ẹkẹvuọvo dia oniru kẹ uchuru na.

1 Pita 5:3 ပူးပေါင်းရင်းမြစ်များ

Une rẹ Ejiro 33:12

Ebruba kẹ orere rẹ Ọghẹnẹ rọye dia Ọrovwohwo, ihwo rọ jẹreyọ nẹ e dia ireuku rọye!

Une rẹ Ejiro 74:2

Karohọ ukoko wẹn, ru wo vwori nẹ awanre rhe, ru wọ tan hirhe nẹ ọ dia orua rẹ uku wẹn! Karohọ Ugbenu ri Zayọn, asan ro wọ diare jovwo na.

Izikiẹl 34:4

Ọ rẹ oma ghwọre wọ vwẹ ogangan kẹ-ẹ, ọ rọ mwa ọga wo sivwiro-o, ọ ro vwirhi owọ wọ gbarọ-ọ, ọ ro suosuo ghwru wọ guọnerọ rhe-e, ọ ro ghwruru wọ ra guọnọ-ọ, obọ ọgangan rẹ omẹdja wo vwo sun ayen.

Maika 7:14

Vwẹ ọkpọ wẹn sun ihwo wẹn, igegede re wọ vwọ reuku, rẹ ayen ọvo dia evun rẹ egbo ọvo sogolo vwẹ ohri rẹ okogbe; jẹn ayen ghẹrẹ oma vwo Bashan vi Gilẹad kerẹ ọke rẹ awanre.

Ukeri 18:7

Te owẹ te ẹmo wẹn vẹ owẹ ki gbe ru iruo rẹ orherẹn na vwọ kpahe iruo rẹ agbada na ejobi kugbe obo re evun rẹ asan ra vwẹ amwa tan na, ku wọ cha ga ẹga. Me vwẹ iruo rẹ orherẹn na ru ẹse kẹ wẹ, ohwo ọfa ro rhi si kẹrẹ owẹ ejobi ka teyọ hwe.

Iyẹnrẹ Esiri ri Jọn 13:15

Kidie mẹ kẹ ovwan oniru nure, rere ovwan ji ru obo ri mi ru kẹ ovwan na rhe.

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

1 Kọrẹnt 11:11

(Dede na, vwẹ evun rẹ Ọrovwohwo aye ọvo sa dia kẹ omobọ rọye-e eyẹ ọshare ọvo je sa dia kẹ omobọ rọye-e;

1 Kọrẹnt 3:5

Kono hẹ Apolọs? Kidie Pọl epha? Idibo rẹ ovwan wan oma rayen segbuyota, kirobo rẹ Ọrovwohwo ghare kẹ ohwo ọvuọvo.

1 Kọrẹnt 3:9

Kidie avwanre otu rẹ iruiruo rẹ Ọghẹnẹ; ovwan hẹ udju rẹ Ọghẹnẹ, uwevwi rẹ Ọghẹnẹ na.

2 Kọrẹnt 1:24

O dianẹ avwanre suẹn esegbuyota rẹ ovwa-an, avwanre nene ovwan ruẹ iruo fiki rẹ aghọghọ rẹ ovwan, kidie we mudia gan vwẹ esegbuyota rẹ ovwan.

2 Kọrẹnt 4:5

Kidie ọ dia oma rẹ avwanre avwanre ghwoghwo na-a, ẹkẹvuọvo Kristi avwanre ghwoghwo kerẹ Ọrovwohwo, avwanre ke rha vwẹ idibo rẹ ovwan fiki ri Jesu.

Urhi Rivẹ 32:9

Kidie ẹkẹn rẹ Ọrovwohwo ọye ihwo rọye, Jekọp ọye ẹkẹn uku rọye.

Filipae 3:17

Imoni, ovwan koko vwẹ ẹro kere uvwe, rere a ka oka phihọ ayen otu re vwẹ avwanre ru oniru na.

Filipae 4:9

Obo rẹ ovwan yonori rẹ ovwan reyọre rẹ ovwan nyori rẹ ovwan mrẹre vwẹ obọ mẹ, ruo; Ọghẹnẹ rẹ ufuoma kọ vẹ ovwan dia.

1 Tẹsalonaika 1:7

Ọda nẹrhẹ ovwan dia oniru kẹ ayen ejobi ri segbuyota vwi Masidonia kugbe Akaya.

2 Tẹsalonaika 3:9

Ọ dianẹ kẹ avwanre jẹ ogangan evwo rẹ avwanre vwọ nọ ekpẹn rẹ emuọre-e, ẹkẹvuọvo avwanre vwẹ oma ru oniru rere wa vwẹ ẹro kere avwanre.

1 Timoti 4:12

E jẹn ohwo ọvuọvo ni we saka fiki rẹ obo wo vwọ hẹ omotete-e, ẹkẹvuọvo gba vwẹ oma wẹn ru oniru kẹ otu ri segbuyota na vwẹ ota vẹ uruemu, vwẹ ẹguọnọ, vwẹ esegbuyota, vwẹ ẹfuọn.

Taitọs 2:7

Wọ vwẹ oma wẹn ru oniru rẹ iruo esiri vwi kemu kemu ejobi, wọ vwẹ uyono wẹn jọdẹ-ẹ, se uyono wẹn gbe oja.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.