1 Pita 4:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

1 Pita 4:7 ပူးပေါင်းရင်းမြစ်များ

Jẹnẹsis 19:35

Etiyin ayen da je vwẹ udi kẹ ọsẹ rayen da vwẹ ason yena rhe, ọ rẹ otete vrẹnri, ọ vẹ ọye de shevwerhẹ, ọ riẹn ọke ro vwo sherhẹ-ẹ ọ je riẹn ọke ro vwo vrẹ-ẹn.

Jẹnẹsis 6:13

Ọghẹnẹ da ta ki Noa, Me guọnọre ne Me guọghọ emu ejobi nẹ akpọ na, kidie akpọ na vọnre vẹ ozighi fiki rẹ ayen, nighe, Me guọghọ ayen vẹ akpọ na.

Aghwoghwo 7:2

Ofori re vwo kpo uwevwi rẹ uvweri nọ uwevwi rẹ ọriotu; kidie ọnana oba rẹ ihwo ejobi, rere ihwo rẹ akpọ na vwọ vwẹ udu kpahọ.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Izikiẹl 7:6

Oba rhire, oba na rhire, o vrẹn vwọ kpahe owẹ. Nighe, ọ cha.

Matiu 24:42

Gba rhẹrẹ; kidie wọ cha riẹn ẹdẹ rẹ Ọrovwohwo cha vwọ rhe-e.

Matiu 25:13

Rhẹrẹ kidie wa riẹn ọkẹ eyẹ ẹdẹ rẹ Ọrovwohwo vwọ rhe-e,

Iyẹnrẹ Esiri ri Luk 21:34

Ẹkẹvuọvo kẹnoma wẹn ọ dia eriyi-in iroro wẹn da rhe vọn vẹ oseghe kugbe idiẹda vẹ enwan rẹ akpọ nana, rẹ ẹdẹ yena da rhe vwa wẹ kpregede kerẹ ufi;

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

Iyẹnrẹ Esiri ri Luk 22:46

ọ da ta kẹ ayen, Die wa vwọ vwerhẹ? Vrẹn wa nẹ ẹrhovwo rere we vwo jẹ odavwini ẹruọ.

Ọbe ri Pọl si rhe Ihwo ri Rom 12:12

Ghọghọ vwẹ evun rẹ iphiẹrohọ wẹn, chirako vwẹ ukpokpoghọ, wo gbe ẹdẹ rẹ ẹrhovwo-o.

1 Kọrẹnt 15:24

Tavwe rẹ oba na ki rhi te, ọke rọ da ghwọrọ isuesun kisuesun kugbe ọrho kugbe ogangan nu kọ vwẹ uvie na kẹ Ọghẹnẹ rẹ Ọsẹ na.

1 Kọrẹnt 7:29

Imoni mẹ, obo re me ta na na, ọke re bruru na rhe krẹ phihọ; kẹ etinẹ yanran, jẹn otu ri vwo eya nure yeri kerẹsiẹ ra da mrẹ nẹ ayen vwori-i,

Ẹfesọs 6:18

Nẹ ẹrhovwo kọke kọke vwẹ evun rẹ Erhi na, vwẹ ẹrhovwo ẹnẹ ejobi kugbe oyare. Vwẹ ọtiọye na gbe jeje oma vẹ ẹrhiori, rere wa yare oyare kẹ ihwo efuanfon na.

Filipae 4:5

E jẹn Ihwo riẹn akoechiro rẹ ovwan. Ẹcha rẹ Ọrovwohwo te otọ re.

Kolose 4:2

Ovwan phi obọ phihọ ẹrhovwo ẹnẹ, rhẹrẹ rere ovwan kpẹvwẹ.

2 Timoti 4:5

Vwọ kẹ wẹ, choma kọke kọke, ehiri oja, ru iruo rẹ aghwoghwo gbe odibo wẹn gba.

Taitọs 2:12

Ọ ro yono avwanre ne siobọ nẹ egagọ rẹ ofian kugbe ẹguọnọ rẹ akpọ ofefe na, rere avwanre yere akpọ rẹ avwanre dẹndẹn yoyovwi vwẹ evun rẹ akpọ na.

Hibru 10:25

e jẹn avwanre ghwẹ oma koko, a rha hẹrhiẹ oma kirobo rẹ otu evo ruẹ-ẹ, ẹkẹvuọvo e bru ohwohwo uche, marho kẹ ọke nana rẹ ovwan vwọ mrẹ nẹ Ẹdẹ na si kẹre re.

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

1 Pita 3:7

Eriyin rhe ovwan eshare ri vwo eya, wa vwẹ iroro nene eya rẹ ovwan yeri, brigu hẹ ayen oma kidie eya na imihwo yẹghẹ, kidie te ovwan te eya na ri gbe koko reuku rẹ ẹserọphẹ rẹ arhọ na, rere e vwo jẹ ẹrhovwo rẹ ovwan ẹdajo.

1 Pita 5:8

Jẹn ẹro hiẹ wẹ, rhẹrẹ. Ukọn wẹn idẹbono na ọ rọ rhẹrẹ kerẹ okpohrokpo rọ guan, ro guọnọ obo rọ rọ.

Ẹvwọphia 16:15

(Nighe, me cha kerẹ oji. Ebruba kẹ ohwo rọ sa hẹrhẹ, rọ sẹro rẹ iwun rọye rere o vwo je ban phihọ a da rha mrẹ ẹbẹban!)