1 Pita 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kidie fiki rẹ ọnana e vwo ghwoghwo iyẹnrẹ esiri na kẹ otu ri ghwuru, dede nẹ a vwẹ ayen guẹdjọ vwẹ ugboma kerẹ ihwo na, re ayen sa dia vwẹ erhi kerẹ Ọghẹnẹ.

1 Pita 4:6 ပူးပေါင်းရင်းမြစ်များ

Matiu 24:9

Ka cha vwẹ okpetu so ovwan ke hwe ovwan; ivun rẹ ovwan ko che miovwo ẹgborho ejobi fiki rẹ odẹ mẹ.

Ọbe ri Pọl si rhe Ihwo ri Rom 8:2

Kidie urhi rẹ Erhi rẹ arhọ vwi Kristi Jesu rhe rhan vwẹ nẹ obọ rẹ urhi rẹ umwemwu vẹ ughwu.

Galesha 2:19

Kidie me wan oma rẹ urhi na ghwu kẹ urhi nure rere me vwọ mrasan rhọ kẹ Ọghẹnẹ.

Galesha 5:25

Ọ da dianẹ avwanre de yeri vwẹ evun re Erhi na, gbe jẹn avwanre yan vwẹ oma rẹ Erhi na.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

1 Pita 3:19

etiyin o nu ra de re ghwoghwo kẹ erhi re hẹ uwodi,

Ẹvwọphia 14:18

Etiyin amakashe ọfa de nẹ enu rẹ agbada na rhe, amakashe ro vwo ogangan vwẹ enu rẹ erhanre, ọ da van se ohwo ro vwo ubiakpa ọdandan na, Reyọ ubiakpa wẹn rhe, re wo bru erheghe ri vain rẹ akpọ na, kidie grep rọye ghwore.