1 Pita 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ko gbe ayen unu nẹ asakiephana ovwan gbi rhe nene ayen do edo yangha yangha na-a, kẹ ayen harha ovwan;

1 Pita 4:4 ပူးပေါင်းရင်းမြစ်များ

Matiu 23:25

Ekan kẹ ovwan, isiẹbe kugbe Farisi, evwọrọn efian! kidie ovwan hworhẹ obuko rẹ uko vẹ ọsete, ẹkẹvuọvo yẹ obo evun rọyen vọnre vẹ ọghware kugbe umwemwu.

Iyẹnrẹ Esiri ri Luk 15:13

O ji ghwe krinọ-ọ, ọ rẹ otete na ghwe kru eghwa rọye koko o ghwe muẹ o de kpo isiorho, kẹ oboyi ọ da rhaphiẹ ekuakua na ejobi kufia.

Iruo rẹ Iyinkọn na 13:45

Ọke rẹ ihwo ri Ju na vwo mrẹ urogho na, ayen da rhe vọn vẹ omaẹriọ, ayen de gbe ota phihọ Pọl unu ayen da harhọ.

Iruo rẹ Iyinkọn na 18:6

Ọke rẹ ayen vwọ phra vwo djekan, o de tuetue iwun rọye ọ da ta kẹ ayen, Ọbara rẹ ovwan dia iyovwi rẹ ovwan! Abọ mẹ fonro. Kẹ ọke na yanran ki mi bru ihwo ri Keferi ra.

Ọbe ri Pọl si rhe Ihwo ri Rom 13:13

E gbe jẹn avwanre vwẹ oma kpotọ yan vwẹ uvo koko na, ọ dia o rẹ emu ẹriọ kugbe udi-ẹda-a, ọ dia ophiẹvwe kugbe ozighi-i, ọ dia ohọre kugbe omaeriọ-ọ.

Ẹfesọs 5:18

We gbi jẹ idi muẹ ovwa-an, kidie ọye ozighi; ẹkẹvuọvo gbe jẹ Erhi na vọn ovwan oma.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

1 Pita 3:16

jẹ evun wẹn fon, rere, ọke ra da harhe owẹ, ayen otu re harhe uruemu esiri ru wo ru kẹ Kristi oma vwọ vo ayen.

2 Pita 2:12

Ẹkẹvuọvo ihwo nana, kerẹ eranvwe ri jẹ ọhọ evwo na, emama ri di muẹ bo, re di vwiẹ re muẹ ra teyọ hwe, di muẹ ekan harha vwẹ oma rẹ ota rẹ ayen riẹn emuọvo kpahe-e, ka cha ghwọrọ ayen kugbe vwẹ evun rẹ ẹghwọrọ ọvuọvo na.

2 Pita 2:22

Ọ rhe phia kẹ ayen kirobo rẹ itẹ rẹ uyota na epha, Eranko rọ kpa nu rhoma mu egerẹn rọye re, esi rọ họ nu rhoma vwẹ oma ghworo ibehre.

Ọbe ri Jud 1:10

Ye ihwo nana di muẹ ekan harha kpahe emu rẹ ayen riẹn otọ rọye-e, kerẹ eranvwe re riẹn emuọvo-o, kẹ eriyin ayen di muẹ ruẹ, ọ da nẹrhẹ a ghwọrọ ayen.