1 Pita 3:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọ rọ ka oba, ovwan ejobi, ku evun gbe vwẹ erhi, re ehrọre, guọnọ imoni na, vwo udu ọlọlọhọ-kugbe udu dẹndẹn.

1 Pita 3:8 ပူးပေါင်းရင်းမြစ်များ

Une rẹ Ejiro 103:13

Kirobo re ọsẹ pẹpẹ emọ rọye, ọtiọye Ọrovwohwo je vwẹ obọ pẹpẹ otu re djẹ oshọ rọye.

Isẹ 28:8

Ohwo rọ vwẹ igho emomo vẹ igho esuo vwo fe o koko ayen kẹ ohwo ro nẹ aruẹdọ kẹ ivwiogbere.

Zekaraya 7:9

E nẹ Ọrovwohwo rẹ otuofovwi tare, Eru omamọ rẹ ọrhiẹn, we ru uruemu esiri vẹ arodọvwẹ ke dohwo domoni rọye,

Matiu 18:33

Kidie wo gbi vwo ghovwo ọrivẹ wẹn kirobo mi ni aruẹdọn wẹ-ẹ?

Iyẹnrẹ Esiri ri Luk 10:33

Ẹkẹvuọvo ohwo ri Sameria ọvo, rọ vwọ yanran re, o de rhi te asan rọ hẹ epha, rọ vwọ mrẹ, aro rọye da dọn,

Iruo rẹ Iyinkọn na 2:1

Rẹ ẹdẹ ri Pẹntikọst na vwo te, ayen ejobi de koko asan ọvo.

Iruo rẹ Iyinkọn na 27:3

Ẹdẹ rivẹ avwanre de duvwu Saidọn, Juliọs da nabọ vwẹ ẹro te Pọl, ọ da vwẹ ọke kẹ nẹ ọ ra mrẹ igbeyan rọye rere ayen ghẹrẹ.

Iruo rẹ Iyinkọn na 28:7

Asakiephana otọ ọvo rọ kẹrẹ ayen vwẹ etiyin na kẹ otọ rẹ osun rẹ ubrotọ na, re se odẹ rọye Pọbliọs, ọ reyọ avwanre nu ọ ke rha ghẹrẹ avwanre gangan ẹdẹ erha soso.

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

Ọbe ri Pọl si rhe Ihwo ri Rom 12:10

Wa guọnọ ohwohwo vẹ omamọ rẹ ẹguọnọ; we sivwi oseghe rẹ ọghọemuo.

Ọbe ri Pọl si rhe Ihwo ri Rom 15:5

Asakiephana Ọghẹnẹ rẹ erhiori kugbe uchebro ru ovwan vwọ dia evun ọvo, vwẹ oma ri Jesu Kristi,

1 Kọrẹnt 1:10

Me rẹ ovwan, imoni mẹ, vwẹ odẹ rẹ Ọrovwavwanre Jesu Kristi, nẹ ovwan ku evun gbe nẹ ohẹriẹ rha dia vwẹ ohri rẹ ovwa-an, ẹkẹvuọvo rere ovwan ku evun gbe ọvo rere we bru orhiẹ ọvo.

1 Kọrẹnt 12:26

Ọ da dianẹ ekuakua ọvo reoja, ayen ejobi ke reoja kugbe; e de mu ọghọ kẹ ekuakua ọvo, ayen ejobi kẹ ghọghọ kugbe.

Ẹfesọs 4:2

Vwẹ omaevwokpotọ kugbe edẹndẹn, vẹ akoechiro, ohwohwo chirako rẹ ohwohwo vwẹ evun rẹ ẹguọnọ,

Ẹfesọs 4:31

We siobọ nẹ ivuemiovwo kugbe ẹghwọ kugbe ophu kugbe oseghe kugbe ọphọphọvwe vwẹ ohri rẹ ovwan, vẹ ọnko.

Ẹfesọs 4:32

Ni arodọvwẹ kẹ ohwohwo, we siẹ ohwo aro-o, vwo ghovwo ohwohwo, kirobo rẹ Ọghẹnẹ wan oma ri Kristi vwo ghovwo ovwan.

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

Filipae 3:16

Uche asan rẹ avwanre riẹn te na e gbe jẹ a yọnrọn ọyena gan.

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Hibru 13:1

E jẹn ẹguọnọ rẹ iniọvo na dje ebuebuo.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Jems 3:17

Ẹkẹvuọvo aghwanre ro nẹ obenu rhe kọ dia yoyovwi tavwe, o ke rha vọn vẹ ufuoma, dẹndẹn, ọ fobọ kuomagbe, ọ vọnre vẹ arodọvwẹ kugbe uruemu esiri, o vwo ofẹnẹ-ẹ ọ phiẹn oma rọye-e.

Jems 5:11

Nighe, ebruba kẹ ihwo ri chirako rhi te oba; ovwan ji nyo usi rẹ obo rẹ Ọrovwohwo ru kẹ Job te, vwẹ okuko rọye, obo ro nẹ arodọvwẹ kẹ te.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

1 Pita 2:17

Mu ọghọ kẹ ihwo ejobi, Guọnọ imoni. Djẹ oshọ rẹ Ọghẹnẹ. Vwẹ ọghọ kẹ ovie.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

2 Pita 1:7

ẹfuọn vẹ ẹguọnọ rẹ imoni, ẹguọnọ rẹ imoni vẹ ẹguọnọ.

1 Jọn 3:14

Avwanre riẹnre nẹ avwanre nẹ abọ rẹ ughwu kpo arhọ nure, fikiridie avwanre guọnọ imoni na. Ohwo ro vwo ẹguọnọ-ọ yọ hẹ evun rẹ ughwu.