1 Pita 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Eriyin rhe ovwan eshare ri vwo eya, wa vwẹ iroro nene eya rẹ ovwan yeri, brigu hẹ ayen oma kidie eya na imihwo yẹghẹ, kidie te ovwan te eya na ri gbe koko reuku rẹ ẹserọphẹ rẹ arhọ na, rere e vwo jẹ ẹrhovwo rẹ ovwan ẹdajo.

1 Pita 3:7 ပူးပေါင်းရင်းမြစ်များ

ỌBE RẸ JOB 42:8

Asakiephana gba reyọ irhuẹn eshare ighwrẹ kugbe egbo ighwrẹ, re wo bru odibo mẹ Job, re wo re ze izobo kẹ oma wẹn izobo rẹ ẹtorhẹ, odibo mẹ Job kọ nẹ ẹrhovwo kẹ wẹ, kidie me reyọ ẹrhovwo mi gbi nenesi rẹ ugheghẹ wẹ-ẹn; kidie wọ ta ota oyoyovwi kpahe ovwẹ-ẹ, kirobo rẹ odibo mẹ Job ruru-u.

Matiu 18:19

Me je ta kẹ ovwan nẹ, ovwan ivẹ de kuoma gbe vwọ nọ ekpẹn rẹ emu, Ọsẹ rẹ obo odjuvwu kọ ruo kẹ ayen.

1 Kọrẹnt 7:3

Ọshare na mi se nene aye rọye vwerhẹ, aye vẹ oshare rọye me je sa vwerhẹ rhe.

Ẹfesọs 3:6

Kọye hẹ, obo ri Keferi na koko reuku na kugbe, rẹ ayen da dia ekuakua rẹ ugboma ọvuọvo na, kugbe ayen otu ri ji vwo obọ vwẹ ive na vwẹ evun ri Kristi Jesu vwẹ oma rẹ iyẹnrẹ esiri na.

Ẹfesọs 4:30

We jẹn ophu muẹ Erhi Ọfuanfon rẹ Ọghẹnẹ ra vwọ kẹ ovwan nẹ ọ yonre ovwan re te ẹdẹ rẹ etanhirhe na-a.

Ẹfesọs 5:33

Vwẹ ọtiọye na, e jẹn ohwo ọvuọvo guọnọ aye rọye kerẹ omobọ rọye, e gbe rhe jẹn aye vwẹ oma kpotọ kẹ ọshare rọye.

Ẹfesọs 6:18

Nẹ ẹrhovwo kọke kọke vwẹ evun rẹ Erhi na, vwẹ ẹrhovwo ẹnẹ ejobi kugbe oyare. Vwẹ ọtiọye na gbe jeje oma vẹ ẹrhiori, rere wa yare oyare kẹ ihwo efuanfon na.

Kolose 3:19

Eshare ri vwo eya ovwan guọnọ eya rẹ ovwan ovwan djẹ oma ku aye-en.

1 Tẹsalonaika 4:4

rere ohwo ọvuọvo vwọ riẹn obo ra rọvwọ aye ọvo vwẹ ẹfuọn kugbe ọghọ.

Taitọs 3:7

rere ọke rẹ ẹserọphẹ rọye de brorhiẹ kẹ avwanre nu, avwanre sa vwọ reuku rẹ iphiẹrohọ rẹ arhọ ri bẹdẹ.

Hibru 1:14

Ayen ejobi dia irhi ri gbe odibo re ji rhe rhe gẹ ga, fiki rẹ ayen otu ri che vwo esivwo na?

1 Pita 3:1

Ovwan eya ri kpo orọvwe, wa vwẹ oma kpotọ kẹ eshare rẹ ovwan, rere otu evo, ri se ota na gbuyota-a dede, a sa vwi fiki rẹ uruemu rẹ eya na ku ayen rhẹriẹ,