1 Pita 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ ẹkẹvuọvo e jẹn dia ohwo rọ djahere vwẹ obo udu vẹ evwarha ri jẹghwọrọ re dẹndẹn bọrọ bọrọ, rọ ghare gangan vwẹ obaro rẹ Ọghẹnẹ.

1 Pita 3:4 ပူးပေါင်းရင်းမြစ်များ

Une rẹ Ejiro 131:2

Ẹkẹvuọvo me vwẹ ẹnwẹ mẹ te otọ fọfọ riei, kerẹ ọmọfofa rọ fọre gbiẹi vwe unu re evie re oni rọye, kere ọmọfofa ro fọre gbiẹi ọye ẹnwẹ mẹ epha.

Une rẹ Ejiro 147:6

Ọrovwohwo kpara ohwo re chiyi muotọ vrẹn, ọ vwẹ ohwo umwemwu phiotọ

Une rẹ Ejiro 149:4

Kidie Ọrovwohwo na vwo omavwerhe vwẹ ihwo rọye, ọ da vwẹ obọẹkparọ rhuẹrẹ ohwo dẹndẹn oma.

Une rẹ Ejiro 25:9

O suẹn ihwo dẹndẹn phihọ idjerhe rẹ esiri, o mi yono ihwo dẹndẹn phihọ Idjerhe rọye.

Une rẹ Ejiro 45:13

vẹ oghoghẹre rẹ efe rọye. Ọvwọrọ rẹ oviẹ a nabọ rhuẹrẹ oma vwẹ ẹvun rẹ uvun rọye vẹ edagba ra vwẹ oro rhuo;

Une rẹ Ejiro 51:6

Nighere, wọwẹ re guọnọ uyota ro ne evun rhe; fiki rẹ ọtiọye na gbe yono uvwe aghwanre vwẹ udu mẹ.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Jerimaya 51:59

Ota ri Jerimaya ọmraro na ji urhi kẹ Siraya ọmọ ri Neraya ọmọ ri Masiya, ọke ro vwo nene Zẹdikaya ovie ri Juda kpo Babilọn, vwẹ ukpe rẹ ẹne rẹ ẹriọ rọye. Siraya da dia ohwo rọ vwẹ ẹro te emuọre.

Matiu 11:29

Mu urhekpe mẹ ghwa re wo yono uruemu mẹ; kidie me pha vworovworo fuefu vwẹ udu mẹ, kẹ wo mrẹ ufuoma vwọ kẹ erhi wẹn.

Matiu 21:5

Ta kẹ ẹmẹtẹ ri Zayọn, Nighe, ovie rẹ ovwan bru ovwan cha, Fuefu, ọ rọ gua vwẹ enu rẹ ẹkẹtẹkẹtẹ, upene rọyẹ.

Matiu 23:26

Ovwan Farisi ri rhuẹro na, ovwan ka hworhẹ evun rẹ uko kugbe ọsete na tavwe, rere wa ke hworhẹ obuko rẹ ayen.

Matiu 5:5

Ebruba kẹ ihwo ri ruẹ dẹndẹn; kidie ayen cha reuku rẹ akpọ na.

Iyẹnrẹ Esiri ri Luk 11:40

Wẹ ẹkpa na, ọ dia ohwo ọvuọvo rọ ma obuko na re je ma obo evu-un?

Iyẹnrẹ Esiri ri Luk 16:15

Ẹkẹvuọvo ọ da ta kẹ ayen, Ovwan hẹ ihwo ri brorhiẹ kẹ oma rẹ ayen vwẹ obaro rẹ ihwo, ẹkẹvuọvo Ọghẹnẹ riẹn udu rẹ ovwan; kidie obo rẹ ihwo kpara kpenu yẹ ẹgua vwẹ obaro rẹ Ọghẹnẹ.

Ọbe ri Pọl si rhe Ihwo ri Rom 1:23

ayen de wene urinrin rẹ Ọghẹnẹ ro jeghwo na phihọ uhoho rẹ ohwo rẹ akpọ ro ghwẹ eyẹ ọphran eyẹ eranvwe vẹ esẹn.

Ọbe ri Pọl si rhe Ihwo ri Rom 2:29

Ẹkẹvuọvo omamọ rẹ ohwo ri Ju vwenẹ, ọye ohwo rọ diarọ nẹ otọ rẹ evun rhe, rẹ oyanvwe rọye nẹ evun rẹ udu rhe kugbe ọ rẹ erhi ọ dia ọ rẹ unu ofefe-e. Rẹ ejiro rọye dia ọ rẹ ohwo rẹ akpọ-ọ ẹkẹvuọvo obọ rẹ Ọghẹnẹ o nurhe.

Ọbe ri Pọl si rhe Ihwo ri Rom 6:6

Avwanre riẹnre nẹ a kanre oma rẹ avwanre rẹ awanre na mu agbagba vẹ ọye rere oma rẹ umwemwu rẹ avwanre vwọ mrasan ghwọrọ, rere avwanre vwo jẹ ọviẹn rẹ umwemwu ẹdia.

Ọbe ri Pọl si rhe Ihwo ri Rom 7:22

Kidie oma rẹ urhi rẹ Ọghẹnẹ vwerha ovwẹ, vwẹ obo otọ rẹ evun mẹ,

2 Kọrẹnt 10:1

Mẹvwẹ, Pọl, rẹ ovwan, vẹ omaevwo-kpotọ kugbe edẹndẹn ri Kristi–mẹvwẹ rọ vẹ udu rẹ oshọ vwẹ ọke re me vẹ ovwan de hirhe opharo ku ohwohwo, ẹkẹvuọvo ro yivwaro vwẹ obuko rẹ ovwan!–

2 Kọrẹnt 4:16

Ọtiọye na avwanre gbe ro ẹnwa-an. Owenẹ ugboma rẹ avwanre vwọ ghwọrọ kufia dede, yẹ obo udu rẹ avwanre hẹ ọkpokpọ kẹdẹ kẹdẹ.

Galesha 5:23

dẹndẹn, oma echiro; enana gbi vwo urhi ọfa ro mu aye-en.

Ẹfesọs 4:2

Vwẹ omaevwokpotọ kugbe edẹndẹn, vẹ akoechiro, ohwohwo chirako rẹ ohwohwo vwẹ evun rẹ ẹguọnọ,

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

Kolose 3:3

Kidie ovwan ghwuru arhọ rẹ ovwan da hẹ obọ ri Kristi vwẹ evun rẹ Ọghẹnẹ.

1 Tẹsalonaika 4:11

Ovwan pharhe re we ru dẹndẹn, we nenesi rẹ iruo rẹ obọ rẹ ovwan, wa vwẹ abọ rẹ ovwan wian owian, kirobo rẹ avwanre yono ovwan.

2 Tẹsalonaika 3:12

Asakiephana me ji urhi kẹ oghẹre rẹ ihwo tiọye na, me de rhe bru ayen uche vwẹ evun rẹ Ọrovwohwo Jesu Kristi nẹ ayen ru iruo rayen dẹndẹn rere ayen mrẹ emu rẹ obo rẹ ayen re.

1 Timoti 2:2

vwọ kẹ Ivie kugbe ihwo ride, rere avwanre vwo yere akpọ dẹndẹn vẹ ufuoma, yoyovwi vẹ ọghọ vwẹ idjerhe kidjerhe.

2 Timoti 2:25

rọ vwẹ aghwanre bru otu re ghwọ uche. Ọke ọvo Ọghẹnẹ me sa kẹ ayen ekuorhẹriẹ re da rhe mrẹ uyota na vughe,

Taitọs 3:2

Wa ta ota omiomiovwi kpahe ohwo ọvuọvo-o, we sivwi oseghe-e, ru dẹndẹn, vwẹ oma kpotọ kẹ kohwo kohwo.

Jems 1:21

Fiki rẹ eriyin na, ovwan gbe siobọ nẹ eta imiomiovwi na kugbe imwemwu rẹ ovwan, re wa vwẹ oma kpotọ reyọ ota ra kọn phihọ udu rẹ ovwan na, ro se sivwi erhi rẹ ovwan.

1 Pita 1:23

A rhoma vwiẹ ovwan ọkpokpọ, ọ dianẹ kẹ ọ rẹ omamọ rọ ghwọrọ-ọ ẹkẹvuọvo ọ ro jẹ ghwọrọ, vwẹ oma rẹ ota rẹ Ọghẹnẹ rẹ arhọ na rọ dia bẹdẹ na.

1 Pita 3:15

ẹkẹvuọvo mu ọghọ kẹ Kristi kerẹ Ọrovwọhwo vwẹ obo udu wẹn. Choma kọke kọke re wọ vwọ chọ ochọ rẹ iphiẹrohọ rọ hẹ evun wẹn, dede na ruo dẹndẹn vẹ ọghọ;

1 Samuẹl 16:7

Ẹkẹvuọvo Ọrovwohwo da ta kẹ Samuel, wo nẹ ekroma rọye-e eyẹ obo rọ rhuoma te eyẹ ugrogro-o, fikiridie Me senrọ nure; kidie Ọrovwohwo nẹ kirobo rẹ ohwo rẹ akpọ nẹ-ẹ; ohwo rẹ akpọ nẹ ekroma, ẹkẹvuọvo Ọrovwohwo nẹ evun rẹ udu.