1 Pita 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ovwan eya ri kpo orọvwe, wa vwẹ oma kpotọ kẹ eshare rẹ ovwan, rere otu evo, ri se ota na gbuyota-a dede, a sa vwi fiki rẹ uruemu rẹ eya na ku ayen rhẹriẹ,

1 Pita 3:1 ပူးပေါင်းရင်းမြစ်များ

Jẹnẹsis 3:16

Vwọ kẹ aye na ọ da ta, Me kẹ wẹ odjadja buebu vwẹ ọke rẹ evwiẹ wẹn, vwẹ odjadja wo de vwiẹ emọ, ẹguọnọ wẹn kẹ obọ rẹ ọshare wẹn onurhe, ko sun we.

Isẹ 11:30

Omamọ rẹ ọvwata ọye urhe rẹ arhọ, ẹkẹvuọvo ozighi hwe arhọ.

Isẹ 18:19

Ukoecha ra vwọ kẹ oniọvọ ọ họhọ orere ọgangan, ẹkẹvuọvo ẹghwọ họhọ ogbẹn ra vwọ kanrẹ ighẹn.

Matiu 18:15

Omoni wẹn de gbe we ku, vwẹ obo ro ruru vwọ nẹ; o de nyo we ye wọ rease rọye.

Ọbe ri Pọl si rhe Ihwo ri Rom 10:16

Ẹkẹvuọvo ọ dia ayen ejobi re kerhọn rẹ iyẹnrẹ esiri na-a; kidie Aizaya tare, Ọrovwohwo, ono se iyẹnrẹ esiri rẹ avwanre ghwoghwori na gbuyota?

Ọbe ri Pọl si rhe Ihwo ri Rom 6:17

Ẹkẹvuọvo ẹkpẹvwẹ kẹ Ọghẹnẹ, nẹ ovwan re dia eviẹn rẹ umwemwu jovwo na rhoma rhe vwẹ udu rẹ ovwan mu ọghọ kẹ oka rẹ uyono re yono ovwan jovwo,

Ọbe ri Pọl si rhe Ihwo ri Rom 7:2

Ọke rẹ ọshare da hẹ akpọ na otọ rẹ urhi rọye aye rọye epha; ẹkẹvuọvo ọke rẹ ọshare de ghwu nure aye na gbe hẹ otọ rẹ urhi rọye ọfa-a.

1 Kọrẹnt 11:3

Ẹkẹvuọvo mi jẹ ovwan riẹn nẹ Kristi hẹ uyovwi rẹ ọshare kọshare, uyovwi rẹ ayen ke rha vwẹ ọshare rọye, uyovwi ri Kristi ke rha vwẹ Ọghẹnẹ.

1 Kọrẹnt 14:34

eya na mi rhurhu unu vwẹ evun rẹ ishọshi. Kidie a rhọvwe kẹ ayen nẹ e ta ota-a, ẹkẹvuọvo e vwẹ oma kpotọ, kirobo rẹ urhi na tare.

1 Kọrẹnt 7:16

Aye, mavọ wo ru riẹn sẹ owẹ ri che sivwi ọshare wẹn? Ọshare, mavọ wo ru riẹn sẹ owẹ ri che sivwi aye wẹn?

Ẹfesọs 5:33

Vwẹ ọtiọye na, e jẹn ohwo ọvuọvo guọnọ aye rọye kerẹ omobọ rọye, e gbe rhe jẹn aye vwẹ oma kpotọ kẹ ọshare rọye.

Kolose 3:18

Eya ri kpo orọvwe wa vwẹ oma kpotọ kẹ eshare rẹ ovwan, kirobo ro fori kẹ Ọrovwohwo.

Kolose 4:5

Vwẹ aghwanre nene ihwo rẹ obada yeri we kuẹ ọke fia-a.

2 Tẹsalonaika 1:8

kọ cha vwẹ ayen otu re riẹn Ọghẹnẹ-ẹ reihri kugbe ayen otu ti jẹ ọghọ emuo kẹ iyẹnrẹ esiri rẹ Ọrovwavwanre Jesu.

Hibru 11:8

Vwẹ esegbuyota Ebraham vwo mu ọghọ vwẹ ọke re vwo se kpo asan rọ ra reyọ vwọ reuku na; ọ da yanran, yọ riẹn obo ro vwo gbe-e.

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

1 Pita 3:2

siẹ rẹ ayen da mrẹ eyere esiri rẹ ovwan kugbe ọfanrhiẹ rẹ ovwan sioma nu.

1 Pita 3:7

Eriyin rhe ovwan eshare ri vwo eya, wa vwẹ iroro nene eya rẹ ovwan yeri, brigu hẹ ayen oma kidie eya na imihwo yẹghẹ, kidie te ovwan te eya na ri gbe koko reuku rẹ ẹserọphẹ rẹ arhọ na, rere e vwo jẹ ẹrhovwo rẹ ovwan ẹdajo.

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?