1 Pita 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

1 Pita 2:9 ပူးပေါင်းရင်းမြစ်များ

Une rẹ Ejiro 106:5

rere me vwọ mrẹ erhuvwu re ihwo ru wọ jẹreyọ rere me ghọghọ vwe omavwerhe rẹ ẹgborho wẹn, rere me vẹ ireuku wẹn ghọghọ.

Une rẹ Ejiro 118:27

Ọrovwohwo na ọye Ọghẹnẹ, ọye re kẹ avwanre orẹmrẹ. Gba ewanvwe mu usun re orẹ na, re te ighoro rẹ agbada na!

Une rẹ Ejiro 135:4

Kidie Ọrovwohwo jẹ Jekọp reyọ ke oma rọye, Izrẹl kerẹ emuobọ rọye.

Une rẹ Ejiro 22:30

Uvwiẹ rọ cha vwẹ obuko cha ga; ihwo ki che gbe ikun rẹ Ọrovwohwo kẹ uvwiẹ rọ cha na,

Une rẹ Ejiro 33:12

Ebruba kẹ orere rẹ Ọghẹnẹ rọye dia Ọrovwohwo, ihwo rọ jẹreyọ nẹ e dia ireuku rọye!

Une rẹ Ejiro 73:15

Ọ dianẹ ke me tare nẹ, Me ta enẹ, ke me a dia ọvwọrefian kẹ uvwiẹ rẹ emọ wẹn.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 41:8

Ẹkẹvuọvo we, Izrẹl. odibo mẹ, Jekọp, re me jẹreyọ na, uvwiẹ rẹ Ebraham, ugbeyan mẹ.

Aizaya 42:16

Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Aizaya 44:1

Ẹkẹvuọvo Asakiephana nyo, E Jekọp odibo mẹ, Izrẹl re me jẹreyọ na.

Aizaya 61:6

ẹkẹvuọvo ke se we irherẹn rẹ Ọrovwohwo na, ihwo ke ta kpahe owẹ nẹ igbodibo rẹ Ọghẹnẹ rẹ avwanre, ku wọ re vwe efe re otọ na, vwẹ efe rayen wo de vwo ejiro.

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Aizaya 66:21

Evo vwẹ ayen Me reyọ vwo ru irherẹn kugbe Livae, eriyin Ọrovwohwo tare.

Aizaya 9:2

Ihwo re yan vwẹ evun rẹ ebri jovwo rhe mrẹ urhukpẹ rode, ihwo re dia otọ rẹ ebri hwi, ayen urhukpẹ la mu.

Malakae 3:17

Ayen cha dia ọmẹ, eriyin Ọrovwohwo rẹ otuofovwi na tare, ayen ke cha dia oghere rẹ ihwo kẹ vwẹ vwẹ ẹdẹ ri mi de che ru obo re me ta na, ke me cha vwẹ obọ pẹpẹ kirobọ rẹ ohwo da vwẹ obọ pẹpẹ ọmọ rọ ga.

Matiu 4:16

Ihwo ri tidia vwẹ evun rẹ ebri ayen mrẹ urhukpẹ rode, kugbe ihwo re hẹ uhoho rẹ ughwu, Arhọ ọkpokpọ de bru ayen rhe.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Iyẹnrẹ Esiri ri Luk 1:79

ro lo mu ihwo re hẹ ebri kugbe uhoho rẹ ughwu, ro sun avwanre vwẹ idjerhe rẹ ufuoma.

Iyẹnrẹ Esiri ri Jọn 17:19

Fiki rayen mi vwo ru oma mẹ fọn, rere ayen vwọ fọn rhe vwẹ uyota na.

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Iruo rẹ Iyinkọn na 26:28

Agripa da ta kẹ Pọl, Vwẹ ọmọke krẹn na wo ghwe ru vwe phihọ ohwo ri Kristi!

Ọbe ri Pọl si rhe Ihwo ri Rom 9:24

mrẹmrẹ vwọ kẹ avwanre ro seri nẹ ohri ri Ju ọvo rhe-e ẹkẹvuọvo ji nẹ ohri ri Keferi rhe?

1 Kọrẹnt 3:17

Ọ da dianẹ ohwo guọghọ uwevwi rẹ Ọghẹnẹ na, Ọghẹnẹ kọ guọghọ ohwo yena. Kidie uwevwi rẹ Ọghẹnẹ na ọfuanfon, ovwan hẹ uwevwi na.

Ẹfesọs 1:14

Kọye hẹ iviẹnwa rẹ ukuẹriọ rẹ avwanre bẹsiẹ ro ki te avwanre obọ, vwọ kẹ ejiro vẹ urinrin rọye.

Ẹfesọs 1:6

vwọ kẹ ejiro rẹ urinrin rẹ ẹserọphẹ rọye rọ de vwọ kẹ avwanre ọphọphẹ vwẹ evun rẹ Ọrọguọnọre na.

Ẹfesọs 3:21

ọye a vwẹ urinrin kẹ vwẹ evun rẹ ishọshi kugbe vwẹ evun ri Jesu Kristi ra ro uvwiẹ rẹ akpọ na ejobi, bẹdẹ bẹdẹ. Isẹ.

Urhi Rivẹ 10:15

Ọrovwohwo ọvo vwo ivuavwerhe kpahe esẹ rẹ ovwan je guọnọ ayen, ọ da jẹn emọ rayen re cha vwẹ uko reyọ, kọye ovwan vwọ enu rẹ ihwo na ejobi, kirobo rọ epha nonẹ na.

Urhi Rivẹ 14:2

Kidie wọwẹ ohwo ọfuanfon kẹ Ọrovwohwo rẹ Ọghẹnẹ wẹn na, Ọrovwohwo na sanọ owẹ vwo dia oghẹre re ohwo ko omobọ rọye, nọ ihwo na ejobi re hẹ enu rẹ akpọ na.

Urhi Rivẹ 18:2

Ayen che vwo ukuẹriọ vwọ uherevie rẹ imoni raye-en, Ọrovwohwo re cha dia ẹkẹn uku rayen, kirobo ro ve kẹ ayen.

Urhi Rivẹ 4:20

Ẹkẹvuọvo Ọrovwohwo reyọ ovwan, o de si ovwan nẹ erhanre rẹ utehru rhe, nẹ Ijipt rhe, rere wa dia ihwo rẹ obọ rọye, kirobo rọ epha nonẹ na.

Urhi Rivẹ 7:6

Kidie ovwan ihwo efuanfon kẹ Ọrovwohwo rẹ Ọghẹnẹ rẹ ovwan na; Ọrovwohwo Ọghẹnẹ wẹn re sanọ owẹ re wọ dia oghẹre rẹ ohwo kẹ omobọ rọye, nọ ihwo rẹ herọ vwẹ evun rẹ akpọ na ejobi.

Filipae 3:14

me ra pharha kpo obaro fiki rẹ osa rọ hẹ use na vwẹ obenu vwẹ evun ri Kristi Jesu.

Kolose 1:13

Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

2 Timoti 1:9

ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

1 Pita 1:2

re dia ajẹreyọ rẹ Ọghẹnẹ Ọsẹ na rẹ Erhi na ru fon vwẹ ọghemuo kẹ Jesu Kristi kugbe ọbara rọye ra fẹrẹ kuo. E jẹ ẹserọphẹ kugbe ufuoma bu phihọ kẹ ovwan.

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

Ẹvwọphia 1:6

ọ da rhe dẹ uvie kẹ avwanre ọ da vwẹ avwanre ru irherẹn kẹ Ọghẹnẹ Ọsẹ na, kọye a vwẹ urinrin kugbe isuesun kẹ bẹdẹ bẹdẹ. Isẹ.

Ẹvwọphia 20:6

Ebruba kugbe ẹfuọn kẹ ohwo ro vwo obọ vwẹ evrẹnushi rẹsosuọ na! Ughwu rivẹ na rhe vwo ogangan vwẹ enu rẹ ohwo ọtiọye-e, ẹkẹvuọvo ayen ke cha dia irherẹn rẹ Ọghẹnẹ kugbe ọ ri Kristi, ayen vẹ ọye ke re ikpe uriori.

Ẹvwọphia 5:10

ọ da vwẹ ayen ru uvie kugbe irherẹn kẹ Ọghẹnẹ rẹ avwanre, kẹ ayen cha re vwẹ akpọ na.

1 Samuẹl 12:22

Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.