1 Pita 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kidie e siro phihọ ọbe ọfuanfon na: Nighe, me ra vwẹ oragha ọvo vi vwi Zayọn, oragha rẹ ubienyẹ ra jẹreyọ rọ ghare, ohwo ro sere gbuyota oma gbe vuọ-ọ.

1 Pita 2:6 ပူးပေါင်းရင်းမြစ်များ

Jẹnẹsis 49:24

dede na umurhabọ rọye yegherii, Etiyin abọ rọye ke tua vwẹ obọ rẹ Ogangan ọvuọvo ri Jekọp (vwẹ odẹ rẹ Osuigodẹ, Orhaga rẹ Izrẹl).

Une rẹ Ejiro 40:14

Jẹn oma vo ayen tototo re wo phi ozighi phihọ ayen oma e re guọnọ arhọ mẹ frẹ reyọ! Jẹn a dje ayen rhivwi rere a phọphọ ayen re guọnọ ovwẹ woma!

Une rẹ Ejiro 89:19

Wẹ re ja ta ota vwẹ emramrẹ vwẹ ọke re awanre ke ihwo efuanfon wẹn, tanẹ, Me vwe erhu rẹ ovie tughẹ o ro vwo ẹgba, Me kpare ọvo ra jẹreyọ nẹ uherevie re ihwo na rhe kpenu.

Aizaya 28:16

vwẹ ọtiọye na enẹ Ọrovwohwo Ọghẹnẹ tare, Nighere, me ra reyọ uchivwo vwo mu vwi Zayọn ubiọragha, ubiọragha ra nabọ davwini, uchivwo rẹ ubienye rọ ghanre, uchivwo kokoroko Ohwo ro sere gbuyota gbi se broma-a.

Aizaya 41:11

Nighere, ihwo re vwọ so wẹ ejobi oma cha vo ayen rẹ ayen de beghe, ihwo ri nene uwe họnra ejobi gbi fi emuọvo-o, kẹ ayen ghwọrọ kufia.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 50:7

Kidie Ọrovwohwo Ọghẹnẹ cha vwẹ uko, fiki rẹ ọtiọye na oma gbe vo vwẹ-ẹ, fiki rẹ ọtiọye na ke Me tọn opharo Mẹ vi kerẹ umomo, Me riẹnre nẹ a gbe cha sa phọphọ ovwẹ-ẹ,

Aizaya 54:4

Wọ djẹ oshọ-ọ, kidie oma cha vo we-e; wo jẹ iroro wẹn tighẹ-ẹ, kidie wọ sa mrẹ omaẹvuọ-ọ, kidie omaẹvuọ rẹ ọke-emọ wẹn cha chọrọ owẹ ẹro ehwẹjẹ rẹ ayeuku wẹn wọ gbe sa karo phihọ-ọ.

Daniẹl 10:21

Ẹkẹvuọvo me cha vuẹ wẹ obo re si phihọ ẹbe rẹ uyota o vwo ohwo ọvuọvo ro che none uvwe họnre jokpa ri Maikẹl osun wẹn.

Zekaraya 10:4

Oma rayen oragha rẹ ubienyẹ che nu rhe, oma rayen ichivwo rẹ utughẹ che nu rhe, oma rayen umurhabọ rẹ ofovwi che nẹ cha, oma rayen osun kosun che nẹ cha.

Matiu 12:18

Nighe, odibo mẹ re me jẹreyọ, Ọ ro je vwe rẹ ivun rọye vwerhe ovwẹ; Ki mi phi Erhi mẹ phihọ evun roye. Kọye brorhiẹ rẹ Ikeferi.

Iyẹnrẹ Esiri ri Mak 12:10

Ovwan ji se ọbe ọfuanfon nana-a; Oragha kpekpe rẹ edovwo uwevwi sẹnre rhe dia ọ ro vwo uyovwi vwẹ ubienyẹ;

Iyẹnrẹ Esiri ri Luk 20:17

Ẹkẹvuọvo o ni ayen ọ da ta, Ọnana re siri na kidie. Oragha na dẹn rẹ edovwọn uwevwi senre na ọ rhoma rhe dia ọ ro vwo uyovwi vwẹ ubienyẹ?

Iyẹnrẹ Esiri ri Luk 23:35

Ihwo na de mudia, re rhẹrẹ; ẹkẹvuọvo isun na de mienu phihọ, tanẹ, O sivwi ihwo efa; gbe jẹn o sivwi oma rọye, ọ da dianẹ ọye hẹ Kristi rẹ Ọghẹnẹ, Ọvuọvo rọ Jẹreyọ na.

Iyẹnrẹ Esiri ri Jọn 7:38

Ọ ro se vwe gbuyota, kirobo rẹ ọbe ọfuanfon na tare, Irhie rẹ arhọ ke djẹ nẹ udu rọye rhe.

Iruo rẹ Iyinkọn na 1:16

Imoni, ọbe ọfuanfon na gbare rẹ Erhi Ọfuanfon wan unu rẹ Devid ta jovwo, kpahe Judas, ohwo rọ dia osun kẹ ayen otu ri mu Jesu.

Ọbe ri Pọl si rhe Ihwo ri Rom 10:11

Ọbe ọfuanfọn na tare, Kohwo kohwo ro sere gbuyota oma gbe sa vuọ-ọ.

Ẹfesọs 1:4

mrẹmrẹ kirobo rọ jẹ avwanre reyọ vwẹ evun rọye nẹ ẹtuọhọ rẹ akpọ na rhe, nẹ avwanre fon rere avwanre vwo jẹ abe ẹriọ vwẹ obaro rọye.

Ẹfesọs 2:20

ra bọn phihọ enu rẹ uchivwo rẹ iyinkọn na kugbe emraro na, Kristi Jesu vẹ ekpuyovwi kọye hẹ ubioragha rode re vwo vi ubienyẹ.

2 Timoti 3:16

Ọbe ọfuanfon na ejobi rẹ Ọghẹnẹ kpare erhi rẹ ihwo vwo si ọ vọnre vẹ erere kẹ uyono, ẹghwọkuo, ẹrhnẹrẹ phihọ, kugbe eyouo phihọ ọvwata,

1 Pita 2:4

Bro rhe, bru oragha ro jeghwo na rhe, rẹ ihwo senre na ẹkẹvuọvo ra jẹreyọ ghaghare vwẹ obaro rẹ Ọghẹnẹ.

1 Pita 2:8

kugbe, Oragha rọ cha kprọ ihwo awọ, oragha rọ cha nẹrhẹ ayen she; ọ cha kprọ ayen awọ fikiridie ayen mu ọghọ kẹ ota na-a, kirobo re rhiẹ ayen phihọ nẹ ayen ru.

2 Pita 1:20

Vwẹ ẹsosuọ ejobi we gbe jẹ ọnana ro ovwan, nẹ aroẹmrẹ re hẹ ọbe ọfuanfon na de dia obo rẹ ohwo ọvo di muẹ otọ rọye fa-a,

2 Pita 3:16

rọ vwọ ta ota rẹ nana kirobo ro ruẹ vwẹ evun rẹ ẹbe rọye ejobi. Emu evo hẹ evun rẹ ayen re epha bẹnbẹn re sa ro ohwo-o, re ihwo ughẹghẹ rẹ owọ rayen gan vwẹ otọ-ọ kuẹrhẹriẹ kẹ ẹghwọrọ robọ rayen, kirobo rẹ ayen ruẹ kẹ ẹbe efuanfon ri chekọ na.