1 Pita 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

1 Pita 2:5 ပူးပေါင်းရင်းမြစ်များ

1 Ivie 7:11

Obenu na ji vwo eragha eghaghare, re sheri uchuche, kugbe igedu.

Une rẹ Ejiro 141:2

Jẹn e kere ẹrhovwo mẹ kerẹ insẹns vwẹ obaro wẹn, abọ ẹkparọ kpenu mẹ kerẹ izobo rẹ ovwọnvwọn!

Une rẹ Ejiro 50:14

Ze izobo re ẹkpẹvwẹ kẹ Ọghẹnẹ, re wọ hwa osa rẹ ive wẹn ke Ọ ro Me Kpenu na;

Une rẹ Ejiro 50:23

Ohwo rọ vwe ẹkpẹvwẹ re izobo rhe yo mu ọghọ kẹ vwẹ, ohwo rọ kpọ idjerhe rọye vi kọye me cha vwẹ esivwo rẹ Ọghẹnẹ vwọ nẹ.

Ẹyano 19:6

ku wọ cha dia uvie rẹ irherẹn kẹ vwẹ orho ọfuanfon. Enana keye eta ru wọ ta kẹ emọ rẹ Izrẹl na.

Isẹ 9:1

Aghwanre bọn uwevwi rọye nure, ọ vwẹ osusun ighwrẹ rọye vi nure.

Aizaya 61:6

ẹkẹvuọvo ke se we irherẹn rẹ Ọrovwohwo na, ihwo ke ta kpahe owẹ nẹ igbodibo rẹ Ọghẹnẹ rẹ avwanre, ku wọ re vwe efe re otọ na, vwẹ efe rayen wo de vwo ejiro.

Aizaya 66:21

Evo vwẹ ayen Me reyọ vwo ru irherẹn kugbe Livae, eriyin Ọrovwohwo tare.

Hosia 14:2

Gba reyọ eta rẹ uvwerhe re wo rhivwi bru Ọrovwohwo: ru wọ ta kẹ, si orukuruku mẹ nu, reyọ obọ ri yovwiri ke ma vwọ kẹ wẹ emamọ rẹ ẹbẹrunu rẹ avwanre.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

Ọbe ri Pọl si rhe Ihwo ri Rom 15:16

nẹ a vwo vwẹ ru ọyinkọn ri Kristi Jesu vwọ kẹ otu ri Keferi vwẹ ẹga rẹ orherẹn rẹ iyẹnrẹ rẹ Ọghẹnẹ na, rere a vwọ mrasan reyọ izobo rẹ otu ri Keferi na, rẹ Erhi Ọfuanfon na ru fon na.

1 Kọrẹnt 3:16

Ovwan rha riẹn nẹ ovwan hẹ uwevwi rẹ Ọghẹnẹ nẹ Erhi rẹ Ọghẹnẹ dia evun rẹ ovwan?

1 Kọrẹnt 3:9

Kidie avwanre otu rẹ iruiruo rẹ Ọghẹnẹ; ovwan hẹ udju rẹ Ọghẹnẹ, uwevwi rẹ Ọghẹnẹ na.

1 Kọrẹnt 6:19

Ovwan rha riẹn nẹ oma rẹ ovwan hẹ uwevwi rẹ Erhi Ọfuanfon na rọ hẹ evun rẹ ovwan, rẹ ovwan vwo nẹ obọ rẹ Ọghẹnẹ rhe? Wo vwo oma wẹ-ẹn;

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Galesha 6:10

Vwẹ ọtiọye na rẹ avwanre mrẹ obọ na, e jẹn avwanre ru emu esiri kẹ ihwo ejobi, marho, kẹ ayen otu re hẹ evwruwevwi rẹ esegbuyota na.

Urhi Rivẹ 18:2

Ayen che vwo ukuẹriọ vwọ uherevie rẹ imoni raye-en, Ọrovwohwo re cha dia ẹkẹn uku rayen, kirobo ro ve kẹ ayen.

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Filipae 2:17

Ọ da tobọ dianẹ e bru uvwe ku iye vwi fiki rẹ esegbuyota dede, oma vwerhe ovwẹ me vẹ ovwan ejobi ke ghọghọ.

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Kolose 3:17

Kemu kemu rẹ ovwan ruẹ ejobi vwẹ ota eyẹ uruemu, we ru ayen vwẹ odẹ rẹ Ọrovwohwo Jesu, rere ovwan wan oma rọye vwẹ ẹkpẹvwẹ kẹ Ọghẹnẹ rẹ Ọsẹ na.

1 Timoti 3:15

o da dianẹ emu da vwẹ ji, re wọ vwọ sa riẹn obo wo ru vwẹ evwruwevwi rẹ Ọghẹnẹ, kọye hẹ ishọshi rẹ Ọghẹnẹ ri bẹdẹ na, osunsun kugbe egbe rẹ uyota na.

Hibru 3:6

ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?

Ẹvwọphia 1:6

ọ da rhe dẹ uvie kẹ avwanre ọ da vwẹ avwanre ru irherẹn kẹ Ọghẹnẹ Ọsẹ na, kọye a vwẹ urinrin kugbe isuesun kẹ bẹdẹ bẹdẹ. Isẹ.

Ẹvwọphia 20:6

Ebruba kugbe ẹfuọn kẹ ohwo ro vwo obọ vwẹ evrẹnushi rẹsosuọ na! Ughwu rivẹ na rhe vwo ogangan vwẹ enu rẹ ohwo ọtiọye-e, ẹkẹvuọvo ayen ke cha dia irherẹn rẹ Ọghẹnẹ kugbe ọ ri Kristi, ayen vẹ ọye ke re ikpe uriori.

Ẹvwọphia 3:12

Ohwo ro phi kparobọ, ki mi che vwo ru uchivwo vwẹ evun rẹ uwevwi rẹ Ọghẹnẹ mẹ; e rhe se ghwie no bẹdẹ-ẹ, ki mi si odẹ rẹ Ọghẹnẹ mẹ vwọ tamuo, kugbe odẹ rẹ orere rẹ Ọghẹnẹ mẹ na, Jerusalẹm Ọkpokpọ na ro nẹ obọ rẹ Ọghẹnẹ rọ hẹ obo odjuvwu rhe otọ na, kugbe odẹ mẹ ọkpokpọ na.

Ẹvwọphia 5:10

ọ da vwẹ ayen ru uvie kugbe irherẹn kẹ Ọghẹnẹ rẹ avwanre, kẹ ayen cha re vwẹ akpọ na.