1 Pita 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Kere emọ boba, rẹ urhuru rẹ evie rẹ erhi siẹ, rere ovwan vwọ sa rho te esivwo;

1 Pita 2:2 ပူးပေါင်းရင်းမြစ်များ

2 Samuẹl 23:5

E ọ dia ọtiọye uwevwi mẹ vẹ Ọghẹnẹ gbe mudia? Kidie ọ vẹ ovwẹ re ọphọ ri bẹdẹ, ra nabọ ru ro rhuẹrẹ mu kokoroko. Fikiridie o se ru idjerhe mẹ yovwi-i Ọchuko mẹ ejobi kugbe ẹguọnọ mẹ.

ỌBE RẸ JOB 17:9

Yẹ ọvwata ji churu obọ mu idjerhe rọye, ohwo rẹ abọ rọye fonro ra gan phihọ.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Hosia 14:5

Me dia kerẹ irho kẹ Izrẹl; Ọ ghwẹ phihọ kerẹ idodo ọ tan awọ kerẹ afọn,

Hosia 14:7

Ayen che hirhe, rhe dia otọ rẹ ophie mẹ, kọ dia wọnwọnwọn kerẹ udju ro yovwiri ke dia pọkọpọkọ kerẹ vain Ọnrhe ororo rọye kerẹ usi ri Lebanọn.

Hosia 6:3

Jẹn avwanre riẹn, e jẹn avwanre davwe ra riẹn Ọrovwohwo na, e yan phia rọye muẹro kerẹ ọke ro rhie cha; O che bru avwanre rhe kerẹ eghwẹghwẹ rẹ osio, kere isio rẹ ẹsosuọ rọ kpọrhọ otọ.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Matiu 18:3

ọ da ta nẹ, Uyota me ta kẹ ovwan, Jokpa nẹ ovwan rhẹriẹ re rẹ ovwan de hirhe oma vwọ hẹ omotete-e, ovwan sa ro uvie rẹ odjuvwu-u.

Matiu 19:14

Ẹkẹvuọvo Jesu da ta nẹ, Jẹn imitete na bru uvwe rhe, wa da ayen jẹ-ẹ kidie edje nana hẹ uvie rẹ Ọghẹnẹ.

Iyẹnrẹ Esiri ri Mak 10:15

Uyota mẹ ta kẹ ovwan, ohwo kohwo rọ reyọ uvie rẹ Ọghẹnẹ kerẹ omotete-e, ọ sa ruo-o.

Iyẹnrẹ Esiri ri Luk 18:17

Uyota, me ta kẹ ovwan, kohwo kohwo rọ reyọ uvie rẹ Ọghẹnẹ kerẹ omotete-e ọ sa ruọ-ọ.

Ọbe ri Pọl si rhe Ihwo ri Rom 6:4

Vwẹ oma rẹ ame-ẹreyọ rọye e vwo shi avwanre kugbe vwẹ evun rẹ ughwu rọye, kọye re kirobo rẹ vwẹ obọ rẹ urinrin vẹ ogangan rẹ Ọsẹ na vwọ kpare Kristi vrẹn na, eriyin na avwanre ki ji vwo arhọ ọkpokpọ fiki rọye.

1 Kọrẹnt 14:20

Imoni, ovwan rhe se oma rẹ ovwan emọ vwẹ iroro rẹ ovwa-an; wa dia emọ vwẹ umwemwu, ẹkẹvuọvo vwẹ iroro wa dia omiragua.

Ẹfesọs 2:21

Evun Kristi kọye uwevwi na ejobi wan tan kugbe ọ da rho hirhe phihọ uwevwi rẹ ẹga ọfuanfon vwẹ evun rẹ Ọrovwohwo.

Ẹfesọs 4:15

Kpe rọ yena, ta uyota na vwẹ ẹguọnọ, avwanre ke rho bro ra vwẹ idjerhe kidjerhe re te ohwo na rọ hẹ uyovwi na, re te Kristi.

2 Tẹsalonaika 1:3

Ọ gba avwanre ohọre imoni, re a kpẹvwẹ Ọghẹnẹ kẹ ovwan kọke kọke, kirobo ro fori, fikiridie esegbuyota rẹ ovwan ra rhua phihọ, kugbe ẹguọnọ rẹ ovwan ohwohwo vwọ kẹ ohwo re buẹ phihọ rhe.

1 Pita 1:23

A rhoma vwiẹ ovwan ọkpokpọ, ọ dianẹ kẹ ọ rẹ omamọ rọ ghwọrọ-ọ ẹkẹvuọvo ọ ro jẹ ghwọrọ, vwẹ oma rẹ ota rẹ Ọghẹnẹ rẹ arhọ na rọ dia bẹdẹ na.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.