1 Pita 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ rere obo rẹ esegbuyota rẹ ovwan dia uyota te, rọ ghare nọ oro, dede nẹ ọghwọrọ siẹ ra da vwẹ erhanre davwọ, ọ me rho phihọ vwọ kẹ ejiro kugbe urinrin kugbe ọghọ vwẹ ẹdẹ ra da cha vwi Jesu Kristi phia na.

1 Pita 1:7 ပူးပေါင်းရင်းမြစ်များ

ỌBE RẸ JOB 23:10

Ẹkẹvuọvo ọ riẹn idjerhe re me wanre, ọke rọ vwọ davwe ovwẹ ni, ke me cha va phia kerẹ oro.

ỌBE RẸ JOB 28:1

Omuẹro nẹ ọgọdọ rẹ idọnọ ghine herọ, ẹdia rẹ oro ra hworhe fon je herọ.

Une rẹ Ejiro 17:3

Ọ da dianẹ wọ guọnọ otọ rẹ udu mẹ, wọ da vwẹriẹ asan mẹ vwẹ ason, wọ da davwe ovwẹ ni, wọ cha mrẹ umwemwu vwẹ obọ mẹ-ẹ unu mẹ shariẹ ughwru-u.

Isẹ 16:16

Ẹghwanre evwo yovwi nọ oro, o fori ra jẹ ẹruọ reyọ nọ idọnọ efuanfon.

Isẹ 17:3

Ẹphẹre a vwọ wran idọnọ, ẹkuerhanre kọye a vwọ wran oro, Ọrovwohwo re davwa udu rẹ ihwo nẹ.

Isẹ 8:19

Omamọ mẹ yovwi nọ oro, ọ tobọ yovwi nọ omamọ rẹ oro, emamọ mẹ yoma nọ omamọ rẹ idọnọ efuanfọn.

Aghwoghwo 5:14

efe yena mi rhi ghwru vwi idjerhe omiomiovwi; yo vwo ọmọshare ọvo, ẹkẹvuọvo emu ọvuọvo rhere vwẹ obọ-ọ.

Aizaya 48:10

Nighere, Me fa weẹ, ẹkẹvuọvo ọ dianẹ kerẹ idọnọ-ọ. Me davwe owẹ vwe ogidi erhanre rẹ ukpokpogho

Jerimaya 48:36

Ọtiọye na udu mẹ ko vwerhoma oma kẹ Moab kerẹ owanre, udu me je vwerhoma kerẹ owanre kẹ ihwo ri Kaheres; vwẹ ọtiọye na efe rẹ ayen kọn koko da ghwọrọ.

Jerimaya 9:7

Ọtiọye na enẹ Ọrovwohwo rẹ otuofovwi na tare. Nighe, me cha fa ayen re me davwe ayen, kẹ ọvọ mi rhe ru, vwi fiki rẹ ihwo mẹ

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Malakae 3:3

o che tidia kerẹ odjogun rọ hworhẹ idọnọ, kọ cha hworhẹ emeshare ri Lẹvi fuanfon yoyovwi kerẹ idọnọ vẹ oro, bẹsiẹ rẹ ayen cha vwọ vwẹ omamọ rẹ ẹkpẹvwẹ ro fori kẹ Ọrovwohwo na.

Ukeri 5:28

Ẹkẹvuọvo aye na rhe gbe oma rọye ẹgua-a rọ da fon, kọ dia phrẹrẹ kọ sa mrevun ro de vwiẹ emọ.

Matiu 19:28

Jesu da ta kẹ nẹ, Uyota me ta kẹ wẹ, Ovwan ri nene uvwe na, ọke rẹ Ọmọ rẹ ohwo de che tidia vwẹ enu rẹ ekete rẹ urinrin rọye, ovwan ki ji che tidia enu rẹ ekete ihwivẹ na de guẹdjo rẹ Izrẹl.

Matiu 25:21

Ọrovworo da ta kẹ nẹ, Wo runọ odibo rẹ esiri na; wọ vwọ dia ọvwata vwẹ oma rẹ ememu nana, ku wọ dia ovie vwẹ enu rẹ emu buebu; mọ rhe ro aghọghọ rẹ ọrovwowe.

Matiu 25:23

Ọrovworo da ta kẹ nẹ, Wo runọ odibo rẹ esiri, wọ vwọ dia ọvwata vwẹ emu otete nana, gba ra re ovie vwẹ enu rẹ emu buebu; mọ rhe ro aghọghọ rẹ Ọrovwowe.

Iyẹnrẹ Esiri ri Luk 12:33

Shẹ eyere wẹn, ru ẹse, kọn phihọ ekpo ro jẹ bẹrẹ, efe rẹ odjuvwu ro je re, asan rẹ oji se te-e rẹ eghwọghwọ da ria-a.

Iyẹnrẹ Esiri ri Luk 17:30

ọtiọye ọ je cha dia vwọ ẹdẹ ra da cha vwọ Ọmọ rọ ohwo phia.

Iyẹnrẹ Esiri ri Jọn 12:26

Ohwo da ga vwẹ, ko nene uvwe; asan re me epha, kẹ etiyin idibo mẹ je dia rhe; ohwo da ga vwẹ, Ọsẹ na kọ vwẹ ọghọ kẹ.

Iyẹnrẹ Esiri ri Jọn 5:44

Mavọ ovwan vwo vwo segbuyota kpahe otu re guọnọ urinrin rẹ ohwohwo yọ gbe rha guọnọ urinrin ro nẹ obọ rẹ Ọghẹnẹ ọvuọvo rhe-e?

Iruo rẹ Iyinkọn na 8:20

Ẹkẹvuọvo Pita da ta kẹ, Te owẹ vẹ idọnọ efuanfon wẹn ghwọrọ kufia, fikiridie wo rori nẹ wọ sa vwẹ igho de okẹ rẹ Ọghẹnẹ!

Ọbe ri Pọl si rhe Ihwo ri Rom 2:10

ẹkẹvuọvo urinrin kugbe ọghọ kugbe ufuoma kọ dia kẹ ohwo kohwo ro ru ọ rẹ esiri, ẹsosuọ kẹ ihwo ri Ju kugbe ihwo ri Grik rhe.

Ọbe ri Pọl si rhe Ihwo ri Rom 2:29

Ẹkẹvuọvo omamọ rẹ ohwo ri Ju vwenẹ, ọye ohwo rọ diarọ nẹ otọ rẹ evun rhe, rẹ oyanvwe rọye nẹ evun rẹ udu rhe kugbe ọ rẹ erhi ọ dia ọ rẹ unu ofefe-e. Rẹ ejiro rọye dia ọ rẹ ohwo rẹ akpọ-ọ ẹkẹvuọvo obọ rẹ Ọghẹnẹ o nurhe.

Ọbe ri Pọl si rhe Ihwo ri Rom 2:7

Ihwo re vwẹ erhiori ru omamọ rẹ iruo re guọnọ urinrin vẹ ọghọ kugbe erhi ro jeghwo, kọ vwẹ arhọ ri bẹdẹ kẹ ayen.

Ọbe ri Pọl si rhe Ihwo ri Rom 8:19

Kidie emama na ra hẹrhẹ i ro rhẹro gangan vwọ kpahe ọke rẹ ẹvwọphia rẹ emọ rẹ Ọghẹnẹ;

1 Kọrẹnt 3:13

a cha vwẹ iruo rẹ ohwo ọvuọvo phia; kidie Ẹdẹ na cha vwọ phia, fikiridie erhanre cha vwọ phia, erhanre na kọ cha davwẹ iruo rẹ ohwo ovuọvo ruru.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

1 Pita 1:5

Ihwo ra vwẹ ogangan rẹ Ọghẹnẹ rhẹrẹ fiki rẹ esegbuyota vwọ kẹ esivwo ra cha vwọ phia vwẹ ẹdẹ rẹ obo oba na.

1 Pita 2:4

Bro rhe, bru oragha ro jeghwo na rhe, rẹ ihwo senre na ẹkẹvuọvo ra jẹreyọ ghaghare vwẹ obaro rẹ Ọghẹnẹ.

1 Pita 2:7

Vwẹ kẹ ovwan ri seregbuyota, ọ epha ghaghare, ẹkẹvuọvo vwọ kẹ otu ri seregbuyota-a, Oragha na kpekpe rẹ ebọn ebabọn senre o rhi hirhe phihọ ọ ro vwo uyovwi vwẹ ubienyẹ

1 Pita 4:12

Imoni, we jẹ ọdavwini rẹ odjadja rẹ erhanre ro bru ovwan rhe rhe davwe ovwan ni na gbe ovwan unu-u, kerẹsiẹ ra mrẹ nẹ emu ọkpokpọ re phia kẹ ovwan.

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

2 Pita 1:4

Vwẹ oma rọye ọ wan kẹ avwanre ive rọye rode ghaghare, rere vwẹ oma rẹ enana avwanre vwọ sa vabọ rẹ emu igbegbe re hẹ evun rẹ akpọ na fiki rẹ urhuru si vwe, rere avwanre se vwo obọ vwẹ oma rẹ ọrho rẹ Ọghẹnẹ na.

2 Pita 3:14

Vwẹ ọtiọye na, imoni, rẹ ovwan vwọ hẹrhẹ onana na, gbe jẹ oruru yena dia ovwan oma rere upe eyẹ ekan vwo jẹ ovwan oma ẹdia, re ovwan dia vwẹ ufuoma.

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,

Ẹvwọphia 1:7

Nighe, ọ cha vwẹ irharheghe, ẹro kẹro ke mrẹ, ohwo kohwo ro duvwuro; uvwiẹ rẹ akpọ na ki kuenu rẹ oviẹ. Eriyin ọ dia. Isẹ.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.

Ẹvwọphia 3:10

Fikiridie wọ yọnrọn ota mẹ vwe erhiori vẹ akoechiro na, ke me yọnrọn owẹ vwẹ ọke rẹ odavwini rọ cha akpọ na ejobi na, rọ cha davwe ihwo ejobi re dia akpọ na ni.

Ẹvwọphia 3:18

Kọye mi vwo dje aghwanre kẹ wẹ nẹ dẹ oro rọ epha wrowro mie vwe, re wo fe; kugbe ewun ọfuanfon wo ku phihọ rere wo rhurhu ẹban wẹ re oma vwo jẹ uwe ẹvuọ, rere wọ rhọghọ ẹro wẹn, re wọ mrorẹ.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.