1 Pita 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ihwo ra vwẹ ogangan rẹ Ọghẹnẹ rhẹrẹ fiki rẹ esegbuyota vwọ kẹ esivwo ra cha vwọ phia vwẹ ẹdẹ rẹ obo oba na.

1 Pita 1:5 ပူးပေါင်းရင်းမြစ်များ

ỌBE RẸ JOB 19:25

Kidie me riẹnre nẹ Ọ rọ tavwẹ hirhe herọ nẹ o che mudia enu rẹ akpọ na vwẹ ukuko rọye,

Une rẹ Ejiro 37:28

Kidie Ọrovwohwo guọnọ ọsoso, ọ cha sa sen ihwo efuanfon rọye na-a ọ sẹro rẹ ọvwata bẹdẹ, ẹkẹvuọvo emọ rẹ oruimwemwu ka nyavwe ayen kufia.

Isẹ 2:8

O muẹdia kẹ idjerhe rẹ uyota ọye re je sẹro rẹ idjerhe rẹ ihwo efuanfon rọye.

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 51:6

Kpare ẹro kpo obo odjuvwu, re wo ni akpọ rọ he obo otọ, kidie idjuvwu na cha ravwiẹn kerẹ ivwirhi akpọ na cha phoriẹn kerẹ ewun, ihwo re dia evun rọye na ki che ghwu kerẹ oro; ẹkẹvuọvo esivwo Mẹ kọ dia bẹdẹ, esivwo Mẹ gbi se vwo oba bẹdẹ-ẹ.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Aizaya 66:22

Kirobo rẹ odjuvwu ọkpokpọ kugbe akpọ ọkpokpọ ri mi che ru cha dia vwẹ obaro Mẹ, eriyin Ọrovwohwo tare; eriyin uvwiẹ wẹn kugbe odẹ wẹn cha dia.

Jerimaya 23:4

Me cha vwẹ isuigegede re vwẹ ẹro te ayen mu kẹ ayen, oshọ rhe mu ayen ọfa-a, udu gbi bru aye-en, ọvuọvo gbi ghwru no-o, eriyin Ọrovwohwo tare.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Iyẹnrẹ Esiri ri Jọn 12:48

Ọ rọ sen vwẹ rọ reyọ eta mẹ-ẹ o vwo oguẹdjọ ọvo; ota na re me tare na ọye cha dia oguẹdjọ rọye vwẹ ẹdẹ rẹ obo oba na.

Iyẹnrẹ Esiri ri Jọn 17:15

Me rẹ re nẹ wo si ayen nẹ evun rẹ akpọ na-a, ẹkẹvuọvo rere wọ vwọ sẹro rẹ ayen nẹ obọ rẹ ohwo umwemwu na.

Iyẹnrẹ Esiri ri Jọn 4:14

ẹkẹvuọvo kohwo kohwo rọ da ame re me cha vwọ kẹ na urhuru rẹ ame gbi che hwe ọfa-a; ame re me cha vwọ kẹ na ko che hirhe phihọ ogbugbu rẹ ame ro duvwẹ cha re te arhọ ro vwo oba-a.

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

Ọbe ri Pọl si rhe Ihwo ri Rom 11:20

Ọyena uyota. Fiki ri jesegbuyota rayen a vwọ nyavwe ayen kufia, ẹkẹvuọvo fiki rẹ esegbuyota kọye a rha vwọ reyọ owẹ tamuọ. Wọ ghwa yan eya-an, djẹ oshọ rẹ Ọghẹnẹ.

Ọbe ri Pọl si rhe Ihwo ri Rom 8:18

Mi rori nẹ a sa vwẹ oja rẹ ọke nana dje urinrin ra cha vwọ phia vwẹ oma rẹ avwanre-e.

1 Kọrẹnt 1:21

Kidie, vwẹ evun rẹ aghwanre rẹ Ọghẹnẹ, akpọ na gbe vwẹ aghwanre yena riẹn Ọghẹnẹ na-a, o de jẹ Ọghẹnẹ nẹ vwẹ oma rẹ ugheghẹ rẹ avwanre ghwoghwo na o vwo se sivwi ayen otu ri segbuyota.

2 Kọrẹnt 1:24

O dianẹ avwanre suẹn esegbuyota rẹ ovwa-an, avwanre nene ovwan ruẹ iruo fiki rẹ aghọghọ rẹ ovwan, kidie we mudia gan vwẹ esegbuyota rẹ ovwan.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Ẹfesọs 2:8

Kidie fiki rẹ ẹserọphẹ e vwo sivwi ovwan vwẹ oma rẹ esegbuyota; ọnana dia iruo rẹ obọ rẹ ovwa-an, okẹ rẹ Ọghẹnẹ.

Ẹfesọs 3:17

rere Kristi sa rhe wan esegbuyota dia udu rẹ ovwan; rẹ ẹguọnọ rẹ ovwan da rhe ghwaotọ kokoroko nure,

Filipae 1:6

O mu uvwe ẹro nẹ ohwo rọ to iruo esiri nana phihọ vwẹ evun rẹ ovwan na o ji che ruo gba vwẹ ẹdẹ ri Jesu Kristi da rhe.

Filipae 4:7

Ufuoma rẹ Ọghẹnẹ ro nẹ ẹruọ ejobi, kọ yọnrọn udu vẹ iroro rẹ ovwan vwi Kristi Jesu.

2 Timoti 3:15

nẹ ọke emọ wẹn rhe ọye wọ vwọ riẹn ọhe ọfuanfon na rọ sa kẹ aghwanre vẹ esivwo fiki rẹ esegbuyota kpahe Kristi Jesu.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Hibru 6:12

Ọtiọye na ovwan rha dia lọkpọ lọkpọ-ọ, ẹkẹvuọvo vwẹ ẹro keri otu re wan oma rẹ esegbuyota kugbe erhiori reuku rẹ ive na.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

2 Pita 1:3

Ogangan rọye kẹ avwanre emu ejobi ro fori kẹ arhọ vẹ ẹfuọn, vwẹ oma rẹ erianriẹn rẹ ohwo ro se avwanre rhe urinrin rọye kugbe erhuvwu rọye.

1 Jọn 3:2

Imoni re ghare, asakiephana avwanre kẹ emọ rẹ Ọghẹnẹ; yẹ obo rẹ avwanre cha dia vwẹ obọ e ji vughe-e, yẹ ẹkẹvuọvo avwanre riẹnre nẹ ọke rọ da phia, avwanre ke dia kerẹ ọye, kidie avwanre ki rhie ẹro mrẹ obo rọ epha.

Ọbe ri Jud 1:1

Jud, odibo ri Jesu Kristi, kugbe oniọvo ri Jems ri si ọbe nana rhe ayen otu re seri, re ghare vwẹ obọ Ọghẹnẹ Ọsẹ na ra sẹro hẹrhẹ Jesu Kristi:

Ọbe ri Jud 1:24

Asakiephana vwọ kẹ ohwo ro se si ovwan nẹ eshe rọ da vwẹ ovwan phia vwẹ obaro rọye o vwo upe-e vẹ aghọghọ,

1 Samuẹl 2:9

Ọ sẹro rẹ awọ rẹ ihwo esiri, ẹkẹvuọvo ka nyavwe ihwo umwemwu kufia vwẹ ebri, kidie ọ dia ẹgba ohwo cha vwọ rhọ-ọ.