1 Pita 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

1 Pita 1:3 ပူးပေါင်းရင်းမြစ်များ

1 Ivie 8:15

ọ da ta, Ebruba kẹ Ọrovwohwo, Ọghẹnẹ rẹ Izrẹl, rọ vwẹ obọ rọye ru ive rọ vwẹ unu rọye ve kẹ Devid ọsẹ mẹ gba, tanẹ,

1 Ikun rẹ Ivie 29:20

Etiyin Devid da ta kẹ ọghwẹgbe na ejobi, Bruphihọ kẹ Ọrovwohwo rẹ Ọghẹnẹ wẹn. Ọghwẹgbe na ejobi de bruphihọ kẹ Ọrovwohwo na, Ọghẹnẹ rẹ esẹ rayen, ayen de gbe uyovwi rayen kpotọ; ayen da ga Ọrovwohwo na, ayen da vware ovie na.

2 Ikun rẹ Ivie 31:8

Ọke rẹ Hẹzikaya vẹ isun na rhe vwọ mrẹ ẹko na, ayen de bruba kẹ Ọrovwohwo kugbe ihwo rọye Izrẹl.

Une rẹ Ejiro 41:13

Ebruba kẹ Ọrovwohwo, Ọghẹnẹ re Izrẹl, nẹ bẹdẹ bẹdẹ re te bẹdẹ bẹdẹ! Isẹ kugbe Isẹ.

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Ẹyano 34:6

Ọrovwohwo da ka obaro rọye, o de ghwoghwo, Ọrovwohwo, Ọrovwohwo, Ọghẹnẹ rọ ria ehrọre vẹ arodọvwẹ, ọ fobọ muophu-u ọ vẹ ẹguọnọ vẹ uyota.

Aizaya 26:19

Irivwi wẹn ri ghwuru cha rhọ, ugboma rayen che vrẹn. E ihwo re dia iwurhie na, we vrẹn wa so ine wa ghọghọ! Kidie evwru wẹn ọye evwru rẹ urhukpẹ vwẹ otọ rẹ uhoho kọye ọ cha la mu.

Jona 4:2

Ọ da nẹ ẹrhovwo kẹ Ọrovwohwo ọ da ta, Me rẹ wẹ, Ọrovwohwo, ọnana dia obo re me tare re me vwọ obo orho mẹ? Ọye sorọ me vwọ djẹ kpo Tarshishi, Kidie me riẹnre nẹ wọwẹ Ọghẹnẹ rẹ ehrọre vẹ arodọvwẹ, wọ fobọ mu ophu-u, wọ vọnre vẹ ẹguọnọ ro jẹrhẹriẹ wọ me rha kparẹ ẹwẹn vrẹ emu ọbrabra ru wọ guọnọ ru.

Iyẹnrẹ Esiri ri Jọn 1:13

Ihwo re vwiẹri, ọ dia ọ rẹ obara-a eyẹ vwẹ ọhọre rẹ ugboma-a eyẹ ọhọre rẹ ohwo-o, ẹkẹvuọvo ọ rẹ Ọghẹnẹ.

Ọbe ri Pọl si rhe Ihwo ri Rom 12:12

Ghọghọ vwẹ evun rẹ iphiẹrohọ wẹn, chirako vwẹ ukpokpoghọ, wo gbe ẹdẹ rẹ ẹrhovwo-o.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Ọbe ri Pọl si rhe Ihwo ri Rom 4:25

re hwe ghwu fiki rẹ oruchọ rẹ avwanre ra kpare vrẹn fiki rẹ ase-ẹriọ rẹ avwanre.

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Ọbe ri Pọl si rhe Ihwo ri Rom 8:11

Ọ dianẹ Erhi rẹ ohwo rọ kpare Kristi vrẹn nẹ ughwu na da hẹ evun rẹ ovwan, ohwo rọ kpare Kristi vrẹn nẹ ughwu na kọ je vwẹ arhọ kẹ ugboma rẹ ovwan ro ghwẹ na fiki rẹ Erhi rọye rọ hẹ evun rẹ ovwan.

Ọbe ri Pọl si rhe Ihwo ri Rom 8:24

Kidie iphiẹrohọ nana avwanre wan rhọ. Asakiephana iphiẹrohọ rẹ obo re rhiẹ ẹro mrẹ rha dia iphiẹrohọ-ọ. Kidie kono rha rhoma phiẹrohọ obo rọ mrẹ nure?

1 Kọrẹnt 13:13

Ọtiọye na esegbuyota, iphiẹrohọ, ẹguọnọ gba dia, enana erha na; ẹkẹvuọvo ọ rọ marho vwẹ enana kẹ ẹguọnọ.

1 Kọrẹnt 15:20

Ẹkẹvuọvo vwẹ ọ rẹ uyota Kristi ghine vrẹn nẹ ughwu rhe, ọye hẹ omamọ rẹsosuọ rẹ ayen otu ri ke ghwu.

2 Kọrẹnt 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, Ọsẹ rẹ aruẹdọn kugbe Ọghẹnẹ rẹ uchebro,

Galesha 6:16

Ufuoma kugbe arodọvwẹ dia kẹ ayen ejobi re yan nene urhi nana, vwẹ enu rẹ Izrẹl rẹ Ọghẹnẹ.

Ẹfesọs 1:17

rere Ọghẹnẹ rẹ Ọrovwavwanre Jesu Kristi, Ọsẹ rẹ urinrin na, sa kẹ ovwan erhi rẹ aghwanre kugbe ẹvwọphia vwẹ evun rẹ erianriẹn rọye,

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Ẹfesọs 1:7

Evun rọye avwanre wan vwo ẹtanhirhe vwẹ oma rẹ ọbara rọye, evwoghovwo rẹ urhi ẹchọ rẹ avwanre, kirobo rẹ ẹserọphẹ rọye bute

Ẹfesọs 2:4

Ẹkẹvuọvo Ọghẹnẹ, rọ vẹ arodọvwẹ buebu, vwẹ evun rẹ ẹguọnọ rode ro vwo kẹ avwanre na,

Ẹfesọs 3:20

Asakiephana vwọ kẹ ohwo ro sa kẹ okẹ ro buru vwẹ ogangan rọye rọ hẹ udu rẹ avwanre vwẹ emu ejobi rẹ avwanre nọre eyẹ rẹ avwanre roro,

Kolose 1:23

Ọ da dianẹ ovwan yọnrọn esegbuyota rẹ ovwan na gan, rẹ ovwan de mudia kokoroko, rẹ odju rhe dju ovwan she nẹ ota rẹ iyẹnrẹ esiri na rẹ ovwan nyori na re ghwoghwo kẹ akpọ na ejobi re na fiki rẹ oye a vwo reyọ Pọl mu ọyinkọn na.

Kolose 1:27

Ihwo re evun rẹ ayen vwerhe Ọghẹnẹ, rọ da vwẹ odjahọ nana phia kẹ ayen rere ayen ghwoghwo kẹ otu ri Keferi, kọye hẹ Kristi na iphiẹrohọ rẹ urinrin na.

1 Tẹsalonaika 1:3

Avwanre karohọ ovwan vwọ kẹ Ọghẹnẹ kugbe Ọsẹ na iruo rẹ eseghuyota rẹ ovwan kugbe owian rẹ ẹguọnọ kugbe emudia gan rẹ iphiẹrohọ rẹ ovwan vwẹ evun rẹ Ọrovwavwanre Jesu Kristi.

1 Tẹsalonaika 4:13

Imoni mẹ, avwanre rha guọnọ nẹ ovwan dia ogbori, kpahe ayen otu re vwerhẹ na-a, rere ovwan vwo jẹ ayen evwerhe kerẹ ayen otu ri jẹ iphiẹrohọ evwo.

2 Tẹsalonaika 2:16

Asakiephana gbe jẹ ekpuyovwi rẹ Ọrovwavwanre Jesu Kristi, kugbe Ọghẹnẹ Ọsẹ rẹ avwanre, rọ guọnọ avwanre rọ da kẹ avwanre ufuoma ri bẹdẹ kugbe omamọ rẹ iphiẹrohọ rẹ ẹserọphẹ,

1 Timoti 1:14

ẹserọphẹ rẹ Ọrovwavwanre de rhi reghe nvwe phihọ vẹ esegbuyota vẹ eguono re hẹ evun ri Kristi Jesu.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

Hibru 3:6

ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Pita 1:23

A rhoma vwiẹ ovwan ọkpokpọ, ọ dianẹ kẹ ọ rẹ omamọ rọ ghwọrọ-ọ ẹkẹvuọvo ọ ro jẹ ghwọrọ, vwẹ oma rẹ ota rẹ Ọghẹnẹ rẹ arhọ na rọ dia bẹdẹ na.

1 Pita 2:2

Kere emọ boba, rẹ urhuru rẹ evie rẹ erhi siẹ, rere ovwan vwọ sa rho te esivwo;

1 Pita 3:15

ẹkẹvuọvo mu ọghọ kẹ Kristi kerẹ Ọrovwọhwo vwẹ obo udu wẹn. Choma kọke kọke re wọ vwọ chọ ochọ rẹ iphiẹrohọ rọ hẹ evun wẹn, dede na ruo dẹndẹn vẹ ọghọ;

1 Pita 3:21

Ame ẹreyọ na, rẹ ọ vẹ ọnana shephihọ na, o sivwẹ ovwan vwẹ asakiephana, o dia inuhu rẹ ugboma a hworhẹ fia-a ẹkẹvuọvo ọye ota rẹ evun ọfuanfon kẹ Ọghẹnẹ, vwẹ oma rẹ evrenushi ri Jesu Kristi,

1 Pita 3:5

Ọtiọye eya efuanfon rẹ awanre re vwẹ ẹro so Ọghẹnẹ ja sẹ osẹnvwe rẹ ayen da vwẹ oma kpotọ kẹ eshare rayen,

1 Jọn 2:29

Ọ da dianẹ ovwan riẹnre nẹ ọvwata o ruẹ, gbe jo mu ovwan ẹro nẹ kohwo kohwo rọ dia ọvwata ejobi kẹ ọmọ rọye o ruẹ.

1 Jọn 3:3

Kohwo kohwo ro phiẹrohọ ọtiọye ko ru oma rọye fuanfon kirobo rẹ ekpuyovwi rọye fonro.

1 Jọn 3:9

Kohwo kohwo rẹ Ọghẹnẹ vwiẹri se ruẹ umwemwu-u; kidie omamọ uruemu rẹ Ọghẹnẹ na hẹ evun rọye, o rhe se ru umwemwu-u fikiridie Ọghẹnẹ ri vwiẹrẹ.

1 Jọn 4:7

Imoni re ghare, e jẹn avwanre guọnọ ohwohwo; kidie ẹguọnọ hẹ ọ rẹ Ọghẹnẹ, ohwo ro vwo ẹguọnọ yẹ Ọghẹnẹ ri vwiẹrẹ kọ riẹn Ọghẹnẹ.

1 Jọn 5:1

Kohwo kohwo ro sere gbuyota nẹ Jesu ghine hẹ Kristi yẹ ọmọ rẹ Ọghẹnẹ o ruẹ, kohwo kohwo rọ guọnọ ọsẹ kugbe oni kọ je guọnọ ọmọ rẹ ayen vwiẹri.

1 Jọn 5:18

Avwanre riẹnre nẹ kohwo kohwo rẹ Ọghẹnẹ vwiẹri se ruẹ umwemwu-u, ẹkẹvuọvo ohwo rẹ Ọghẹnẹ vwiẹri na ọ nabọ yọnrọn, ohwo umwemwu gbe sa vwẹ obọ te-e.

1 Jọn 5:4

Kidie kohwo kohwo rẹ Ọghẹnẹ vwiẹri se phiẹ akpọ na kua; Ọnana kọye obọẹkparọ ro phi akpọ na kua na, kọye hẹ esegbuyota rẹ avwanre.