1 Pita 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² re dia ajẹreyọ rẹ Ọghẹnẹ Ọsẹ na rẹ Erhi na ru fon vwẹ ọghemuo kẹ Jesu Kristi kugbe ọbara rọye ra fẹrẹ kuo. E jẹ ẹserọphẹ kugbe ufuoma bu phihọ kẹ ovwan.

1 Pita 1:2 ပူးပေါင်းရင်းမြစ်များ

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 65:22

Ayen gbe bọn rẹ ohwo ọfa da dia-a, ayen gbe kọn rẹ ohwo da riọ-ọ, kidie kirobo re ẹdẹ re urhe cha dia ọtiọye ẹdẹ rẹ ihwo Mẹ cha dia, ihwo Mẹ re Me jẹreyo na ke cha ghọghọ krekri vwẹ iruo re ayen vwẹ abọ rayen ru.

Aizaya 65:9

Me cha reyọ uvwiẹ ri Jekọp rhe, i ri nẹ Juda rhe ke reuku rẹ igbenu Mẹ; e re Me jẹreyọ ke vwọ re uku, idibo Mẹ ke cha dia etiyin.

Daniẹl 4:1

Onana ovuẹ rẹ ovie Nebukadreza vwo rhe ihwo ejobi, ẹgborho ejobi, vẹ ephẹrẹ ejobi, re dia otọ rẹ akpọ na ejobi: ufuoma bu phihọ kẹ ovwan!

Daniẹl 6:25

Etiyin Ovie na, Dariọs de si ọbe rhe ihwo na ejobi, ẹgborho, vẹ ephẹrẹ re dia otọ rẹ akpọ na ejobi, E jẹn ufuoma bu phihọ kẹ ovwan.

Livitikọs 1:5

Ko hwe erhuẹn ọshare na vwẹ obaro rẹ Ọrovwohwo na, emeshare re Erọn rẹ irherẹn na ke vwẹ ọbara rọye vwọ nẹ, ayen mi ku ọbara na riariẹ agbada rẹ izobo na ejobi rọ unu rẹ ẹchẹ rẹ utughẹ ra da vwa oma na.

Matiu 24:22

Jokpa nẹ ke ru ẹdẹ na krẹ, o se vwo ohwo ọvuọvo rọ cha rhọ-ọ; ẹkẹvuọvo vwi fiki rẹ ihwo ra sanọre na, ke ru ẹdẹ na krẹ.

Matiu 24:24

Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen.

Matiu 24:31

Ko ji emakashe rọye vẹ owanre rode, ayen ki che se ihwo ra sanọ reyọ ejobi na, nẹ igogo ẹne rẹ akpọ na rhe, nẹ oba rẹ akpọ ọvo re te ọrivẹ.

Iyẹnrẹ Esiri ri Mak 13:20

Ọ dianẹ kẹ Ọrovwohwo gbi bru ẹdẹ na krẹ-ẹ, ohwo rọ rhọ gbe dia-a; ẹkẹvuọvo vwi fiki rẹ otu ra jẹreyọ na, ọye o vwo ru ẹdẹ na krẹ.

Iyẹnrẹ Esiri ri Mak 13:22

Kidie Kristi rẹ efian kugbe emraro rẹ efian che mu, e cha vwẹ eka kugbe imuighunu phia, o de se ru dede ayen phiẹn otu ra jẹreyọ na ghwru.

Iyẹnrẹ Esiri ri Mak 13:27

Etiyin ko che ji emakashe na, re koko otu ra jẹreyọ na nẹ igogo ẹne rẹ akpọ na rhe nẹ oba rẹ akpọ na re rẹ oba rẹ odjuvwu.

Iyẹnrẹ Esiri ri Luk 18:7

Kẹ Ọghẹnẹ rha chọ oja rẹ Ihwo rọ sanọ reyọ, ri kperẹ se te ason te uvo-o? Ko gbe eghẹrẹ vwẹ enu rọ ayen?

Iruo rẹ Iyinkọn na 15:18

Ọrovwohwo na re tarọ, ọ rọ nẹrhẹ a riẹn ọnana nẹ awanre rhe.

Iruo rẹ Iyinkọn na 2:23

Jesu nana, ọye a vwọ kẹ ihwo re riẹn urhi-i re kanrọ mu agbagba hwe, kerẹ iroro rẹ Ọghẹnẹ jẹ kpahọ vẹrhe.

Iruo rẹ Iyinkọn na 20:32

Asakiephana mi mu ovwan phihọ obọ rẹ Ọghẹnẹ kugbe ota rẹ ẹsẹrọphẹ rọye, rọ sa kpọ ovwan vi rọ ke rha ghare uku kẹ ovwan vwẹ ohri rẹ ihwo re rufon nure na.

Ọbe ri Pọl si rhe Ihwo ri Rom 1:5

oma rọye avwanre wan vwo ẹserọphẹ vwọ dia ọyinkọn rere mi vwo se ihwo re vwẹ ọghọ kẹ ri vwo esegbuyota kpahe odẹ na vwẹ ohri rẹ ẹgborho na ejobi,

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

Ọbe ri Pọl si rhe Ihwo ri Rom 11:2

Ọghẹnẹ sa siẹn ihwo rọye rọ riẹnre rhabae na-a. We nyo obo rẹ ọbe ọfuanfon na ta kpahe Ilaija, obo rọ rẹ Ọghẹnẹ kẹ Izrẹl te?

Ọbe ri Pọl si rhe Ihwo ri Rom 11:28

Vwẹ oma rẹ iyẹnrẹ esiri na ayen kẹ ọvweghrẹ rẹ Ọghẹnẹ fiki rẹ ovwan; ẹkẹvuọvo vwẹ oma rẹ ẹjẹreyọ ayen kẹ ihwo eghaghare fiki rẹ esẹ rayen ride.

Ọbe ri Pọl si rhe Ihwo ri Rom 15:16

nẹ a vwo vwẹ ru ọyinkọn ri Kristi Jesu vwọ kẹ otu ri Keferi vwẹ ẹga rẹ orherẹn rẹ iyẹnrẹ rẹ Ọghẹnẹ na, rere a vwọ mrasan reyọ izobo rẹ otu ri Keferi na, rẹ Erhi Ọfuanfon na ru fon na.

Ọbe ri Pọl si rhe Ihwo ri Rom 16:19

Rẹ usi rẹ ọghọemuo rẹ ovwan vwo kperi ro asan ejobi na, re me vwọ ghọghọ kẹ ovwan na, me guọnọ nẹ ovwan ghwanre kpahe obo ri yovwiri re we jẹ abe-ẹriọ vwẹ oma rẹ obo re brare;

Ọbe ri Pọl si rhe Ihwo ri Rom 16:26

ẹkẹvuọvo ra rhe vwọ phia vwẹ asakiephana vwẹ oma rẹ isiesi rẹ emraro na ẹgborho rẹ akpọ na ejobi riẹnre na, kirobo re urhi rẹ Ọghẹnẹ ro jeghwo epha, ro nẹrhẹ e mu ọghọ kẹ esegbuyọta na–

Ọbe ri Pọl si rhe Ihwo ri Rom 8:13

Kidie ovwan de nenesi rẹ ugboma ku we ghwu, ẹkẹvuọvo ọ da dia ọ rẹ Erhi rẹ ovwan da fọ kẹ ugboma re o ghwu ovwan ke rhọ.

Ọbe ri Pọl si rhe Ihwo ri Rom 8:33

Kono se kere oruchọ ba ihwo rẹ Ọghẹnẹ sanọre obọ? Ọghẹnẹ ri se brorhiẹ.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

2 Kọrẹnt 10:5

Avwanre guọghọ aphro kugbe eyan ri hirhe phihọ ukọn kẹ erianriẹn rẹ Ọghẹnẹ, rọ da vwẹ iroro kiroro vwo ru ọviẹn re e vwo jẹ ọghọ emuọ kẹ Kristi,

2 Kọrẹnt 13:14

Ẹserọphẹ rẹ Ọrovwohwo Jesu Kristi kugbe ẹguọnọ rẹ Ọghẹnẹ kugbe ugbeyan rẹ Erhi Ọfuanfon nene ovwan ejobi dia.

Urhi Rivẹ 7:6

Kidie ovwan ihwo efuanfon kẹ Ọrovwohwo rẹ Ọghẹnẹ rẹ ovwan na; Ọrovwohwo Ọghẹnẹ wẹn re sanọ owẹ re wọ dia oghẹre rẹ ohwo kẹ omobọ rọye, nọ ihwo rẹ herọ vwẹ evun rẹ akpọ na ejobi.

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

2 Tẹsalonaika 2:13

Imoni rẹ Ọrovwohwo guọnọre, obo re gba phihọ avwanre ohọre rere kọke ejobi avwanre a kpẹvwẹ Ọgbẹnẹ kẹ ovwan, rọ vwọ sanọ ovwan reyọ kẹ esivwo, vwẹ oma rẹ orufuọn rẹ Erhi na, kugbe obo rẹ ovwan vwo se uyota na gbuyota.

2 Timoti 2:10

Fiki rẹ ọtiọye na ki mi chiri kemu kemu fiki rẹ ihwo ra sano reyọ na, rere ayen se vwo esivwo rọ herọ vwẹ evun ri Kristi Jesu rọ vẹ urinrin ri bẹdẹ na gba yan usun.

Taitọs 1:1

Pọl, odibo rẹ Ọghẹnẹ kugbe ọyinkọn ri Jesu Kristi, ro ghwoghwo esegbuyota na kẹ ihwo rẹ Ọghẹnẹ sanọ reyọ, rere ayen vwọ riẹn uyota na vẹ uyoyovwi rọye,

Hibru 10:22

e gbe jẹ avwanre vwẹ udu esiri rọ vọnre vẹ esegbuyota vwo si kẹrẹ, re avwanre si emu ọbrabra nẹ iroro rẹ avwanre ra vwẹ omamọ rẹ ame họ ugboma rẹ avwanre.

Hibru 11:28

Vwẹ esegbuyota ọye ọ vwọ re Ewanvrẹn na ọ da fẹrẹ ọbara na, rere Ughwu ro hwe emekpako na vwo jẹ ayen oma ete.

Hibru 12:24

kugbe Jesu o vwrohọre rẹ ọphọ ọkpokpọ na, kugbe ọbara ra fẹre rọ ta ota esiri nọ ọbara rẹ Ebẹl.

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

1 Pita 1:14

Kerẹ emọ ri muẹ ọghọ, ovwan rha gba oma vwra urhuru sivwe rẹ ughẹghẹ rẹ awanre-e,

1 Pita 1:19

ẹkẹvuọvo ọbara ọghaghare ri Kristi na, kerẹ omogodẹ ro vwo eka-an eyẹ upe-e.

1 Pita 1:20

E rhiro nẹ ẹtuọhọ rẹ akpọ na rhe ẹkẹvuọvo a da rhe vwọ phia vwẹ obo oba rẹ ẹdẹ na fiki rẹ ovwan.

1 Pita 1:22

Rẹ ovwan vwọ hworhẹ ẹnwẹn rẹ ovwan fon vwẹ oma rẹ ọghọ rẹ ovwan mu kẹ uyota na rẹ ovwan vwo vwo ẹguọnọ kpahe imoni na, ovwan gba guọnọ ohwohwo nẹ otọ rẹ evun rhe.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

2 Pita 1:2

E jẹn ẹserọphẹ kugbe ufuoma buphihọ kẹ ovwan vwẹ evun rẹ erianriẹn rẹ Ọghẹnẹ kugbe Jesu Ọrovwavwanre.

2 Jon 1:1

Ọkpako na ri si ọbe na rhe ọmọtẹ ra sanọreyọ na vẹ emọ rọye, re me guọnọre vwẹ uyota, ọ dia omẹvwẹ ọvo-o ẹkẹvuọvo ji te ihwo ejobi re riẹn uyota na,

2 Jon 1:13

Emọ rẹ oniọvo wẹn rẹ ọmọtẹ nẹ eyere uwe.

Ọbe ri Jud 1:2

E gbe jẹn arodọvwẹ, ufuoma, kugbe ẹguọnọ buphihọ kẹ ovwan.