1 Kọrẹnt 8:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ẹkẹvuọvo ohwo da guọnọ Ọghẹnẹ, ko riẹn ohwo yena.

1 Kọrẹnt 8:3 ပူးပေါင်းရင်းမြစ်များ

1 Ivie 3:3

Solomọn guọnọ Ọrovwohwo, ọ da yan nene iji ri Devid ọsẹ rọye; jẹ, o ji ze izobo, ọ je torhẹ insẹns vwẹ asan ri kpenu na.

Une rẹ Ejiro 1:6

Kidie Ọrovwohwo riẹn idjerhe rẹ ọvwata ẹkẹvuọvo idjerhe rẹ oruimwemwu che gbe.

Une rẹ Ejiro 17:3

Ọ da dianẹ wọ guọnọ otọ rẹ udu mẹ, wọ da vwẹriẹ asan mẹ vwẹ ason, wọ da davwe ovwẹ ni, wọ cha mrẹ umwemwu vwẹ obọ mẹ-ẹ unu mẹ shariẹ ughwru-u.

Ẹyano 33:12

Mosis da ta kẹ Ọrovwohwo, Nighe wọ ta kẹ vwẹ nẹ, Reyọ ihwo nana rhe obenu, ẹkẹvuọvo wo ji rhi ju vwe riẹn ohwo ru wo ji nene uvwe-e. Yẹ wọ tare nẹ, Me riẹn odẹ wẹn, nẹ wọ je mrẹ aroesiri mẹ nure.

Ẹyano 33:17

Etiyin Ọrovwohwo da ta kẹ Mosis, Emu nana re wọ tare na Mi ruo; kidie wọ mrẹ ẹruesiri vwẹ obọ mẹ, Me riẹn odẹ wẹn.

Jerimaya 1:5

Tavwe me ke mama owẹ vwẹ obo evun, me riẹn wẹ, tavwe re ki vwiẹ wẹ yi mi ru we fon nure; me da vwo owẹ mu ọmraro kẹ irere na.

Emọs 3:2

Wẹ ọvo Me riẹnre vwẹ usun rẹ erua rẹ akpọ na ejobi, fiki rẹ ọtiọye na ki mi hwe we fiki rẹ orukuruku wẹn ejobi.

Nahum 1:7

Ọrovwohwo na yoma, asan odjahọ vwẹ ẹdẹ rẹ ukpokpogho; ọ riẹn ihwo re djẹ sioma nu vwẹ evun rọye.

Matiu 7:23

Ki mi nyo kẹ ayen nẹ, mi vughe ovwa-an, we bi te oboyi, ovwan iruimwemwu na.

Iyẹnrẹ Esiri ri Jọn 10:14

Mẹvwẹ hẹ osuigegede rẹ esiri; me riẹn e robọ mẹ e robọ mẹ je riẹn vwẹ,

Iyẹnrẹ Esiri ri Jọn 21:17

Ọ da ta kẹ obọ rerha, Saimọn, ọmọ ri Jọn, wọ guọnọ ovwẹ? Ophu de mu Pita rọ vwọ nọ asiarha gbagba nẹ, Wọ guọnọ ovwẹ? Ọ da ta kẹ, Ọrovwohwo, wọ riẹn emu ejobi re; wọ riẹnre nẹ me guọnọ owẹ. Jesu da ta kẹ, Ghẹrẹ igegede mẹ.

Ọbe ri Pọl si rhe Ihwo ri Rom 11:2

Ọghẹnẹ sa siẹn ihwo rọye rọ riẹnre rhabae na-a. We nyo obo rẹ ọbe ọfuanfon na ta kpahe Ilaija, obo rọ rẹ Ọghẹnẹ kẹ Izrẹl te?

1 Kọrẹnt 13:12

Kidie asakiephana avwanre mrẹ orẹ phorophoro kerẹ ughegbe, ẹkẹvuọvo ọke yena ohwohwo kọ mrẹ ohwohwo. Asakiephana ubro me riẹnre, ọke yena ki mi che vwo ẹruọ gbagba, kirobo rẹ obo re me ta je ro ihwo na.

1 Kọrẹnt 2:9

Ẹkẹvuọvo, kirobo re siro, Obo rẹ ẹro je mrẹ dẹvo-o, eyẹ erhọn ji nyo-o, eyẹ udu rẹ ohwo rẹ akpọ ji roro phia-a, obo rẹ Ọghẹnẹ rhuẹrẹ phihọ otọ kẹ ayen otu re guọnerọ,

Galesha 4:9

ẹkẹvuọvo vwẹ asakiephana rẹ ovwan rhe vwọ riẹn Ọghẹnẹ nure na, rẹ Ọghẹnẹ je vwọ riẹn ovwan nure na, komavọ ovwan rhe vwo rhivwi bru erharhe vẹ ebaghẹrẹ rẹ erhi rẹ akpọ na re wa rhe rhoma dia eviẹn rẹ ayen?

2 Timoti 2:19

Ẹkẹvuọvo uchivwo rẹ ota rẹ Ọghẹnẹ na mudia kokoroko, oka nana ri nene. Ọrovwohwo riẹn otu re dia ọrọye, E jẹn ohwo kohwo ro se odẹ rẹ Ọrovwohwo siohọ nẹ orukuruku.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

1 Jọn 4:19

Avwanre guọnerọ, fikiridie ọye re ka guọnọ avwanre.

1 Jọn 4:7

Imoni re ghare, e jẹn avwanre guọnọ ohwohwo; kidie ẹguọnọ hẹ ọ rẹ Ọghẹnẹ, ohwo ro vwo ẹguọnọ yẹ Ọghẹnẹ ri vwiẹrẹ kọ riẹn Ọghẹnẹ.

Ẹvwọphia 2:13

Me riẹn asan re wọ dia, asan rẹ ekete rẹ idẹbono epha; wọ da yọnrọn odẹ mẹ kokoroko wọ sa sen esegbuyota mẹ-ẹ marho kẹ ọke rẹ Antipas oseri mẹ na, ro se vwe gbuyota na, re hweri vwẹ ohri rẹ ovwan na, vwẹ asan rẹ Idẹbono dia na.

Ẹvwọphia 2:19

Me riẹn iruo wẹn, ẹguọnọ wẹn kugbe esegbuyota wẹn kugbe ẹga kugbe erhiori vẹ akoechiro, wọ ke rha wian vwẹ ucheke na nọ ọke rẹsosuọ.

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.