1 Kọrẹnt 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie dede nẹ ugboma mẹ hẹ etiyi-in na yẹ erhi mẹ herọ kerẹsiẹ ra da mrẹ nẹ me hẹ etiyin, mi brorhiẹ hwe ohwo ro ru emu na nure,

1 Kọrẹnt 5:3 ပူးပေါင်းရင်းမြစ်များ

1 Kọrẹnt 5:12

Kidie mi vwo guẹdjọ rẹ ihwo re hẹ obo otafe? Ọ dia ihwo rẹ hẹ evun rẹ ishọshi eye evwo guẹdjọ?

2 Kọrẹnt 10:1

Mẹvwẹ, Pọl, rẹ ovwan, vẹ omaevwo-kpotọ kugbe edẹndẹn ri Kristi–mẹvwẹ rọ vẹ udu rẹ oshọ vwẹ ọke re me vẹ ovwan de hirhe opharo ku ohwohwo, ẹkẹvuọvo ro yivwaro vwẹ obuko rẹ ovwan!–

2 Kọrẹnt 10:11

Gbe jẹn ọ ro ihwo etiọye nẹ obo rẹ avwanre ta phihọ ọbe vwẹ obuko, ọye avwanre ruẹ vwẹ ọke rẹ avwanre da hẹ etiyin.

2 Kọrẹnt 13:2

Me ta kẹ ayen otu ri ru umwemwu jovwo kugbe efa ejobi, me je ta kẹ ayen asakiephana re me hẹ etiyi-in na, kirobo ri mi ruru re me vẹ ovwan vwọ herọ vwẹ ẹcha mẹ rivẹ, nẹ me da rhọma rhe mi che ni ohwo opharo-o–

Kolose 2:5

Kidie owenẹ ovwan jẹ uvwe ẹmrẹ vwẹ ugboma dede, ye me vẹ ovwan herọ vwẹ obo erhi, oma ko vwerhe ovwẹ rẹ me da mrẹ obo rẹ ovwan sẹro rẹ oma te, kugbe obo rẹ ovwan mudia gan te vwẹ esegbuyota ri Kristi na.

1 Tẹsalonaika 2:17

Ẹkẹvuọvo imoni, re vwo mu avwanre phihọ uwodi jẹ ovwan vwo na, vwẹ ọmọke krẹ na, vwẹ ugboma ọ dia erhi-i na, avwanre ke ro ẹnwan, urhuru rẹ ovwan ko siẹ avwanre rẹ avwanre vwọ mrẹ ohwohwo opharo.