1 Kọrẹnt 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Yẹ ovwan phuoma! We se muomahọ-ọ? E jẹn e si ohwo ro ru emu nana nẹ ohri rẹ ovwan.

1 Kọrẹnt 5:2 ပူးပေါင်းရင်းမြစ်များ

Ivie rẹ Ivẹ 22:19

Fikiridie udu wẹn kurhẹriẹ, wọ da vwẹ oma wẹn kpotọ vwẹ obaro rẹ Ọrovwohwo na, ọke wo vwo nyo obo me ta kpahe etinẹ na, vẹ ihwo rọye, nẹ ayen cha kua fiotọ, wọ da bẹrẹ emwa djẹ oma, wọ da viẹ vwẹ obaro mẹ, Mi ji nyo wẹn rhe, ọtiọye Ọrovwohwo tare.

Une rẹ Ejiro 119:136

Ẹro mẹ ra djẹ ọkẹre rẹ oviẹ fikiridie ihwo sa yọnrọn urhi wẹ-ẹn.

Jerimaya 13:17

Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Izikiẹl 9:6

hwe emare na ejobi ghwu, emeshare vẹ emetẹ, imitete vẹ eya, ẹkẹvuọvo wọ vwẹ obọ te ohwo ra ka oka phihọ na-a. Gba dia asan ẹshẹ na de muophihọ. Ọtiọye ayen da vwẹ ekpakọ re uwevwi na muophihọ.

Ukeri 25:6

Nighere, ohwo rẹ Izrẹl ọvo da rhe ọ da reyọ aye rẹ ohwo ri Midian rhe ekru rọye, vwẹ irharo ri Mosis kugbe irharo rẹ ukoko rẹ ihwo rẹ Izrẹl na ejobi, vwẹ ọke rẹ ayen vwo viẹ vwẹ asan anurhoro rẹ utughẹ ra da vwa oma na.

1 Kọrẹnt 4:18

Evo re phuoma, kerẹsiẹ ra da mrẹ nẹ mi gbi che bru ovwan rhe-e.

1 Kọrẹnt 5:13

Ọghẹnẹ ri guẹdjọ rẹ otu re hẹ obo otafe. Djẹ ohwo umwemwu na nẹ ohri rẹ ovwan.

2 Kọrẹnt 12:20

Oshọ mu uvwe nẹ ọkeọvo me da rhe me cha mrẹ ovwan kirobo re me guọnọre-e, yẹ ovwan je cha mrẹ vwẹ kirobo rẹ ovwan guọnọre-e; ọkeọvo yẹ ẹghwọ herọ, omaẹriọ, ophu, urhuru, ophọphọvwe, iguegu, omaephuo, kugbe ọyangha.

2 Kọrẹnt 12:21

Oshọ mu uvwe nẹ ọke me da rhoma rhe Ọghẹnẹ mẹ gbe ru uvwe vwọ vwẹ oma kpotọ vwẹ obaro rẹ ovwan, ki mi rhe che muoma phihọ kẹ ayen otu buebu ri ru umwemwu jovwo yẹ ayen ji kurhẹriẹ nẹ ijẹfuọn, ọfaurhiẹ, kugbe ozighi rẹ ayen gbe.