1 Kọrẹnt 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọ rọ marho a guọnọre nẹ imuidi na dia ihwo ra vwẹ ẹro so.

1 Kọrẹnt 4:2 ပူးပေါင်းရင်းမြစ်များ

Ivie rẹ Ivẹ 12:15

Kidie a rha nọ ekpẹn rẹ igho eroro vwẹ obọ rẹ ihwo ra vwẹ igho na kẹ vwo iruiruo na-a, kidie ayen vẹ evun fuanfon.

Ivie rẹ Ivẹ 22:7

Ẹkẹvuọvo a rha cha fuẹrẹ obo ra ghwọrọ igho na wa-an, kidie ayen rhẹrhẹ evun gangan.

Isẹ 13:17

Ọyinkọ umwemwu sua okpetu, ẹkẹvuọvo omamọ rẹ ikọn ghwa esivwo cha.

Ukeri 12:7

Ọ dia ọtiọye ọ epha kẹ odibo mẹ Mosis na-a, mi mu uwevwi mẹ ejobi phihọ obọ rọye.

Matiu 25:21

Ọrovworo da ta kẹ nẹ, Wo runọ odibo rẹ esiri na; wọ vwọ dia ọvwata vwẹ oma rẹ ememu nana, ku wọ dia ovie vwẹ enu rẹ emu buebu; mọ rhe ro aghọghọ rẹ ọrovwowe.

Matiu 25:23

Ọrovworo da ta kẹ nẹ, Wo runọ odibo rẹ esiri, wọ vwọ dia ọvwata vwẹ emu otete nana, gba ra re ovie vwẹ enu rẹ emu buebu; mọ rhe ro aghọghọ rẹ Ọrovwowe.

Iyẹnrẹ Esiri ri Luk 12:42

Ọrovwohwo da ta, Kono hẹ odido rẹ esiri rọ ghwanre na, rẹ onini rọye cha vwọ hẹ enu rẹ uwevwi rọye, rọ cha vwẹ emuọre rayen kẹ ayen vwẹ ọke rọye?

1 Kọrẹnt 4:1

E nẹ ohwo kohwo se roro avwanre phihọ, kerẹ idibo ri Kristi kugbe imuidi rẹ igbunu rẹ Ọghẹnẹ.

1 Kọrẹnt 4:17

Fiki rẹ ọtiọye na mi vwo ji Timoti, ọmọ mẹ rẹ ọghaghare ro vwo esegbuyota kpahe Ọrovwohwo, bru ovwan rhe rọ rhe karohọ ovwan kpahe idjerhe mẹ vwi Kristi, kirobo ri mi yono ayen vwẹ asan ejobi vwi ishọshi kishọshi.

1 Kọrẹnt 4:3

Ẹkẹvuọvo vwọ kẹ vwẹ emu otete kẹ vwẹ rẹ ovwan vwẹ ovwẹ guẹdjọ vwẹ ohri rẹ ovwan eyẹ vwẹ ẹguare rẹ ohwo rẹ akpọ. Ekpuyovwi mẹ dede se guẹdjọ rẹ oma mẹ-ẹ.

1 Kọrẹnt 7:25

Asakiephana vwọ kpahe otu re je rọvwọ-ọ, ọnana dia urhi rẹ Ọrovwohwọ jiri-i, ẹkẹvuọvo evun mẹ mi vwo jo kerẹ ohwo ra vwẹroso vwẹ arodọvwẹ rẹ Ọrovwohwo.

2 Kọrẹnt 2:17

Kidie avwanre rha họhọ ihwo buebu, re shẹ ota rẹ Ọghẹnẹ-ẹ; ẹkẹvuọvo kerẹ ihwo rẹ uyota, rẹ Ọghẹnẹ ji uwevwi, vwẹ obaro rẹ Ọghẹnẹ evun ri Kristi avwanre da ta ota na.

2 Kọrẹnt 4:2

Avwanre gba sen emu rẹ omaẹvuọ, rẹ idjerhe ri kini kini, avwanre gbi hworo aghwanre-e eyẹ vwẹ ota rẹ Ọghẹnẹ jọdẹ-ẹ, ẹkẹvuọvo vwẹ uyota na rẹ avwanre ta phia gbonozẹ na kọye avwanre vwọ vwẹ oma rẹ avwanre vwọ phia kẹ udu ri kohwo kohwo vwẹ obaro rẹ Ọghẹnẹ.

Kolose 1:7

Ọtiobo rẹ Epafras odibo ọghaghare na yono ovwan. Omamọ rẹ ohwo kugbe ọyinkọn ri Kristi rẹ uyota vwọ kẹ avwanre;

Kolose 4:17

Ovwan ta kẹ Akipọs, rọ vwẹ ẹro te iruo rẹ Ọrovwohwo sanerọ phihọ na, rere o ru ayen gba.

Kolose 4:7

Taekikọs, omoni ọghaghare na, kugbe usun mẹ vwẹ iruo rẹ Ọrovwohwo na, ko che gbe ikun rẹ obo rẹ avwanre yerẹ te ejobi kẹ ovwan.