1 Kọrẹnt 4:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Rhi te ọke nana dẹn na owẹvwe vẹ urhuru rẹ ame hwe avwanre, erharhe rẹ emwa avwanre vwo rhuo, a ghwiẹ avwanre ọhwa, uwevwi dede avwanre vwori-i,

1 Kọrẹnt 4:11 ပူးပေါင်းရင်းမြစ်များ

ỌBE RẸ JOB 22:6

Kidie wo gborho ivienwa rẹ imoni wẹn reyọ ekueku, wọ da ban emwa nẹ ayen ehu.

Matiu 8:20

Jesu da kpahe kẹ nẹ, irhirako vwo mu, ephran vwo ẹho, ẹkẹvuọvo ọmọ rẹ ohwo vwo asan rọ vwẹ uyovwi hwa-a.

Iruo rẹ Iyinkọn na 14:19

Ẹkẹvuọvo ihwo ri Ju de nẹ Antiọk vẹ Aikoniọm rhe; rẹ ayen vwọ riẹriẹ ihwo na phihọ nu, ayen da vwẹ ikpokpo phi Pọl ayen de kpono nẹ orere na, kẹ ayen roro nẹ o ghwu nure.

Iruo rẹ Iyinkọn na 16:23

Ọke re vwo hwe ayen oma bruku nu, e de phi ayen phihọ uwodi, a da vwẹ ayen kẹ ọnọkpa rẹ uwodi na yọnre.

Iruo rẹ Iyinkọn na 23:2

Orherẹn rode na Ananayas da ta kẹ ayen otu ri mudia kẹrẹ nẹ a ghwiẹ unu rọye.

Ọbe ri Pọl si rhe Ihwo ri Rom 8:35

Kono sa hẹriẹ avwanre nẹ ẹguọnọ ri Kristi? Kẹ ukpokpoghọ, gbinẹ emiavwe, gbinẹ imu, gbinẹ omẹvwe, gbinẹ ẹban, gbinẹ okpetu, gbinẹ ọlọkọ?

1 Kọrẹnt 9:4

Avwanre rhe vwo ogangan rẹ emuọre vẹ udi?

2 Kọrẹnt 11:20

Kidie wo se vwo odiri ọ da dianẹ ohwo vwẹ owẹ ru ọviẹn, eyẹ rọ da ghwa wẹ ria, eyẹ ro de she nyẹ wẹ, eyẹ ro de muẹ oma kpenu, eyẹ rọ da ghwiẹ wẹ opharo.

2 Kọrẹnt 4:8

A lagha avwanre vwẹ idjerhe kidjerhe, ẹkẹvuọvo yẹ a pẹtiẹ avwanre-e; ofu dje avwanre, ẹkẹvuọvo ye siẹro nu-u;

Filipae 4:12

Me riẹn obo rọ kanre ohwo, me je riẹn obo rọ lọhọ kẹ ohwo; vwẹ idjerhe kidjerhe ejobi. Mi yono odjahọ rẹ obo re chirẹ owẹvwe, obo re vwo obuebu kugbe obo rọ kanre ohwo.

2 Timoti 3:11

Enu mẹ, oja mẹ, obo re phia kẹ vwẹ vwẹ Antiọk, vwẹ Aikoniọm, kugbe vwi Listra, emuemu ri mi chirako rọye; yẹ Ọrovwohwo si vwe nẹ ayen ejobi.