1 Kọrẹnt 4:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Avwanre kẹ ẹkpa fiki ri Kristi, ẹkẹvuọvo ovwan ghwanre vwẹ evun ri Kristi. Avwanre evwiẹrẹ, ẹkẹvuọvo ovwan ganre. E mu ọghọ kẹ ovwan, ẹkẹvuọvo a phọphọ avwanre.

1 Kọrẹnt 4:10 ပူးပေါင်းရင်းမြစ်များ

Ivie rẹ Ivẹ 9:11

Ọke ri Jehu vwọ ro otafe bru idibo rẹ ọrovworo rhe, ayen da ta kẹ, Arherha? Die nẹrhẹ ọrhuẹ nana bru we rhe? Ọ da ta kẹ ayen, Wọ riẹn ohwo nana vẹ ota rọye.

Isẹ 11:12

Ohwo ro nẹ ọrivẹ rọye hahavwe yo vwo iroro-o, ẹkẹvuọvo ohwo ro vwo ẹruọ me fo gbiei.

Aizaya 53:3

A jẹrẹfia ihwo serọ, ohwo re oja, ivuemiovwo rierierẹ oma, kerẹ ohwo ra mrẹ si opharo djẹ, a jẹrẹfia, avwanre sere gbe ohwo-o.

Hosia 9:7

Ẹdẹ rẹ ojẹriọ na rhire, ẹdẹ rẹ osa ẹ hwa tere Izrẹl cha riẹn. Ọmraro na vwonẹ ẹkpa, ohwo rẹ erhi rheri yọ mwa orhuẹ, fiki rẹ orukuruku rode wẹn kugbe omaetuo rode.

Matiu 24:9

Ka cha vwẹ okpetu so ovwan ke hwe ovwan; ivun rẹ ovwan ko che miovwo ẹgborho ejobi fiki rẹ odẹ mẹ.

Matiu 5:11

Ebruba kẹ ovwan, vwẹ ọke rẹ ihwo da ghwọ ku ovwan, rẹ ayen de mu ovwan, rẹ ayen da ta ota ọbrabra kpahe ovwan fiki mẹ.

Iyẹnrẹ Esiri ri Luk 10:16

Ọ ro nyo ota rẹ ovwan yo nyo ọ mẹ, ọ rọ sen ovwan yọ sen vwẹ, ọ rọ sen vwẹ yọ sen ọ ro ji vwe rhe.

Iyẹnrẹ Esiri ri Luk 18:9

O de ji kpe itẹ nana kẹ ẹvo re vwẹ ẹro so omaobọ rẹ ayen nẹ ayen ma dia ọvwata kẹ ayen jẹ ihwo efa fia.

Iyẹnrẹ Esiri ri Luk 6:22

Ebruba kẹ ovwan vwẹ ọke rẹ ihwo de tuoma rẹ ovwan, rẹ ayen da hẹriẹ ovwan nẹ oma re ayen da ghwọ ku ovwan, rẹ ayen de mu odẹ umwemwu kẹ ovwan, fiki rẹ Ọmọ rẹ ohwo!

Iruo rẹ Iyinkọn na 17:18

Evo vwẹ otu rẹ Epikuirian kugbe otu ri Stọik egbaghwanre da vwa. Evo da ta, Die ọbrẹbrẹ na tobọ ta? Efa herọ tanẹ, Ọ họhọ ohwo ro ghwoghwo ẹdjọ rẹ isiorho fikiridie o ghwoghwo Jesu kugbe ohwo ro vrẹnushi.

Iruo rẹ Iyinkọn na 17:32

Asakiephana rẹ ayen vwo nyo kpahe evrẹnushi rẹ irivwi, evo ke vwọ jehwe; ẹkẹvuọvo efa da ta, Avwanre cha rhoma nyo mie we kpahe emu nana.

Iruo rẹ Iyinkọn na 26:24

Ọke ro vwo guẹ ẹkẹn unu rọye, Fẹstọs da van ta, Pọl, wọ mwa orhuẹ; erianriẹn wẹn rode na phi we phihọ ọrhuẹ re.

Iruo rẹ Iyinkọn na 9:16

Mi che dje kẹ ojoja ro cha re fiki mẹ.

1 Kọrẹnt 1:21

Kidie, vwẹ evun rẹ aghwanre rẹ Ọghẹnẹ, akpọ na gbe vwẹ aghwanre yena riẹn Ọghẹnẹ na-a, o de jẹ Ọghẹnẹ nẹ vwẹ oma rẹ ugheghẹ rẹ avwanre ghwoghwo na o vwo se sivwi ayen otu ri segbuyota.

1 Kọrẹnt 1:23

ẹkẹvuọvo avwanre ghwoghwo Kristi ra kanre mu agbagba na, uchukurhe umwemwu kẹ otu ri Ju ke rha vwẹ ughẹghẹ kẹ otu ri Keferi,

1 Kọrẹnt 1:25

Kidie ugheghẹ rẹ Ọghẹnẹ ghwanre nọ ọ rẹ ihwo, ovwiẹre rẹ Ọghẹnẹ ọ ga oma nọ ọ rẹ ihwo.

1 Kọrẹnt 10:12

Fiki rẹ ọtiọye na e jẹn ohwo kohwo ro rori nẹ ọye mudia kẹnoma re o vwo je she.

1 Kọrẹnt 2:14

Ohwo ro vwo erhi na-a se vwo ẹse rẹ Erhi rẹ Ọghẹnẹ na-a, kidie ugheghẹ ọ dia kẹ, o se vwo ẹruọ rọye-e fikiridie erhi e vwo dje ayen.

1 Kọrẹnt 2:3

Me vẹ ovwan da dia vwẹ ovwiẹrẹ kugbe oshọ rode kugbe ẹphariẹ.

1 Kọrẹnt 3:18

E jẹn ohwo ọvuọvo phiẹn oma rọye-e. Ọ da dianẹ ohwo ọvo vwẹ ohri rẹ ovwan na rori nẹ ọye ghwanre vwẹ oge nana, e gbe jẹn ọ rhoma dia ẹkpa rere ọ ke rhoma ghwanre.

1 Kọrẹnt 3:2

Ameivie me vwọ ghẹrẹ ovwan, ọ dia emu ọganga-an; kidie yẹ ovwan je sa riọ-ọ; rhi te ọke nana ovwan je sa riọ-ọ,

1 Kọrẹnt 4:8

Evun vọn ovwan nure! Ovwan fe nure! Avwanre rha herọ-ọ ovwan kẹ ivie! Mane kẹ ovwan a re uvie, rere avwanre vẹ ovwan ghare isuesun na!

2 Kọrẹnt 10:10

Kidie ayen ta, Ẹbe rọye vwo ọnye e ke je gan, ẹkẹvuọvo ugboma rọye epha puẹchẹ, ota rọye rue emuọvo-o.

2 Kọrẹnt 11:19

Kidie wo se vwo odiri kẹ ẹkpa vẹ omavwerhovwẹ, kidie yẹ ekpuyovwi rẹ ovwan ghwanre!

2 Kọrẹnt 11:29

Ono oma rhọ, rẹ oma de jẹ uvwe ẹrhọ? Ono ri sheri, rẹ ivun de jẹ uvwe emiovwo?

2 Kọrẹnt 13:9

Kidie oma vwerhe avwanre vwẹ ọke rẹ avwanre da hẹ ọvwiẹrẹ rẹ ovwan da rha gan oma. Obo rẹ avwanre nẹ ẹrhovwo kẹ na, kẹ ọna nẹ, ovwan yovwi phihọ.

2 Kọrẹnt 4:12

Ọtiọye na ughwu ko ruẹ iruo vwẹ evun rẹ avwanre, ẹkẹvuọvo arhọ kọye rhe ruẹ iruo vwẹ evun rẹ ovwan.

2 Kọrẹnt 6:8

vwẹ ọghọ vẹ ijọghọ evwo, vwẹ odẹ omiomiovwi vẹ odẹ oyoyovwi. Kẹ ru avwanre kerẹ ihwo ri muẹ ọrho bare oma, yẹ ayen ihwo rẹ uyota;

1 Tẹsalonaika 4:8

Vwẹ ọtiọye na ohwo ro se uyono nana gbe emu-u, ọ dia ohwo rẹ akpọ ọ jefia-a ẹkẹvuọvo Ọghẹnẹ, rọ vwẹ Erhi Ọfuanfon rọye na kẹ ovwan.

1 Pita 4:14

A da ghwọ ku ovwan fiki rẹ odẹ ri Kristi, yẹ e bruba kẹ ovwan, fikiridie erhi rẹ urinrin kugbe ọ rẹ Ọghẹnẹ vẹ ovwan herọ.