1 Kọrẹnt 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kidie avwanre otu rẹ iruiruo rẹ Ọghẹnẹ; ovwan hẹ udju rẹ Ọghẹnẹ, uwevwi rẹ Ọghẹnẹ na.

1 Kọrẹnt 3:9 ပူးပေါင်းရင်းမြစ်များ

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

2 Kọrẹnt 6:1

Rẹ ayen vẹ ọye vwo ru iruo kuẹgbe na, avwanre ke rẹ ovwan nẹ, ovwan rha reyọ ẹserọphẹ rẹ Ọghẹnẹ na ghevweghe-e.

1 Kọrẹnt 3:16

Ovwan rha riẹn nẹ ovwan hẹ uwevwi rẹ Ọghẹnẹ nẹ Erhi rẹ Ọghẹnẹ dia evun rẹ ovwan?

Iyẹnrẹ Esiri ri Mak 16:20

Ayen da yanran, re ghwoghwo ota na vwẹ asan ejobi, Ọrovwohwo de nene ayen ru iruo, ọ da vwẹ eka nene ota na re o vwo ruo gan. Isẹ.

Matiu 9:37

Ọ da ta kẹ idibo rọye nẹ, orhọ na buru gangan, ẹkẹvuọvo otu rẹ owian rhe bu-u.

Aizaya 61:11

Kirobo rẹ otọ yoro che phia na, kirobo re obo re voro phihọ udju va nẹ otọ cha na, eriyin Ọrovwohwo che ru re ọvwata veẹ ejiro vwọ varhe keẹ ẹgborho na mrẹ.

1 Kọrẹnt 3:6

Me kọnre, Apolọs ku ame ku, ẹkẹvuọvo Ọghẹnẹ kọye nẹrhẹ ayen djẹ.

Kolose 2:7

Rere te erianriẹn rẹ ovwan te esegbnyota rẹ ovwan ejobi vwọ ghwotọ kokoroko, kirobo re yono ovwan, rere ovwan mia vwẹ ẹkpẹvwẹ kẹ.

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

1 Kọrẹnt 6:19

Ovwan rha riẹn nẹ oma rẹ ovwan hẹ uwevwi rẹ Erhi Ọfuanfon na rọ hẹ evun rẹ ovwan, rẹ ovwan vwo nẹ obọ rẹ Ọghẹnẹ rhe? Wo vwo oma wẹ-ẹn;

Iruo rẹ Iyinkọn na 4:11

Ọnana olalọ rẹ ovwan ebọuwevwi na senre kọye rhoma rhe dia ọrovwuyovwi vwẹ ubienyẹ.

3 Jọn 1:8

O fori rere avwanre cha ihwo ọtiọye na uko, rere avwanre vẹ ayen vwo okugbe vwẹ evun rẹ uyota na.

1 Timoti 3:15

o da dianẹ emu da vwẹ ji, re wọ vwọ sa riẹn obo wo ru vwẹ evwruwevwi rẹ Ọghẹnẹ, kọye hẹ ishọshi rẹ Ọghẹnẹ ri bẹdẹ na, osunsun kugbe egbe rẹ uyota na.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Jerimaya 2:21

Omamọ rẹ urhe ri vain me vwọ kọn wẹ, omamọ rẹ ubi ọsoso. Die sorọ wo vwo jẹ ubi ẹmọ ru wo vwo hirhe phihọ vain rẹ ochibẹ.

Une rẹ Ejiro 118:22

Oragha na rẹ ebọn uwevwi senre na da rhoma re dia osusu vwẹ ubienyẹ.

Une rẹ Ejiro 72:16

E jẹn ọka buebu dia otọ na; vwẹ enu rẹ igbenu na etiyin i de kpogho; e jẹn emamọ rọye dia kerẹ Lebanọn; e jẹn ihwo varhe gbọdọ gbọdọ ne irere na rhe kerẹ odi rẹ udju!

Hibru 3:6

ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

Matiu 16:18

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.

Aizaya 61:5

Erhorha ki che mudia re ghẹrẹ uchuru wẹn, erhorha ki che voro ivoro wẹn re rhuẹrẹ vain wẹn,

Aizaya 32:20

Aghọghọ kẹ ovwan re kọn kẹrẹ asan ame, ri si ufi ne awọ re erhuẹn vẹ ekẹtẹkẹtẹ re vwọ sa djẹ obo ri je ayen.

Isẹ 9:1

Aghwanre bọn uwevwi rọye nure, ọ vwẹ osusun ighwrẹ rọye vi nure.

Matiu 15:13

Ẹkẹvuọvo ọ da kpahe ọ da ta nẹ, Kurhe kurhe rẹ Ọsẹ mẹ rọ hẹ obo odjuvwu kọnre-e, ke ghwie kufia.