1 Kọrẹnt 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Eta mẹ kugbe ovuẹ mẹ dia eta rẹ avwerhe rẹ aghwanre-e, ẹkẹvuọvo vwẹ idjedje rẹ Erhi na vẹ ogangan,

1 Kọrẹnt 2:4 ပူးပေါင်းရင်းမြစ်များ

Isẹ 20:19

Ohwo rọ ta ọpata vẹn umẹ, vwẹ ọtiọye na wọ rha vwẹ oma te ohwo ro muẹ eta ta-a.

Isẹ 7:21

Eta avwerhe buebu kọye ọ vwọ riẹriẹ, unuẹrarọ kọye ọ vwọ gba phihọ.

Jerimaya 20:10

Kidie mi nyo ophiọrọ buebu. Imuọshọ ọ hẹ asan ejobi! phọphọ! Jẹn avwanre phọphọ! emamọ rẹ igbeyan mẹ ejobi tarọ rẹ ayen vwọ rhẹrẹ eshe mẹ. Ọkeọvo ya cha phiẹ, avwanre ki che phiọ kparobọ rẹ avwanre de ruo keri.

Izikiẹl 13:6

Ayen vwọrọ efian ayen bọn epha rẹ efian; ayen tare, Ọtiọye Ọrovwohwo tare, dede na yi mi ji aye-en ye ayen phiẹrohọ nẹ o ru ota ayen gba.

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.

Iruo rẹ Iyinkọn na 26:28

Agripa da ta kẹ Pọl, Vwẹ ọmọke krẹn na wo ghwe ru vwe phihọ ohwo ri Kristi!

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Ọbe ri Pọl si rhe Ihwo ri Rom 15:19

Vwẹ ogangan rẹ eka kugbe igbunu, vwẹ ogangan rẹ Erhi Ọfuanfon na, ọtiọye na nẹ Jerusalẹm re duvwu Irikọm ọye me da nabọ ghwoghwo iyẹnrẹ esiri ri Kristi na.

Ọbe ri Pọl si rhe Ihwo ri Rom 16:18

Kidie oghẹre rẹ ihwo ọtiọye na dia Ọrovwohwo Kristi ayen ga-a, ẹkẹvuọvo urhuru sivwe rẹ oma rayen, ihwo re vwẹ eta avwerhe kugbe unuẹrarọ vwọ phiẹn igbori kugbe ihwo ughẹnghẹn.

1 Kọrẹnt 1:17

Kidie Kristi ju vwe nẹ me rhe vwẹ ame kẹ ihwo-o ẹkẹvuọvo nẹ mi re ghwoghwo iyẹnrẹ esiri na, ọ dia ọ rẹ aghwanre rẹ ohwo-o, e de rhe si ogangan rọ hẹ agbagba ri Kristi na no.

1 Kọrẹnt 2:1

Imoni mẹ, ọke ri mi vwo bru ovwan rhe, ọ dia eta ride ifefe eyẹ aghwanre mi vwo ghwoghwo iseri rẹ Ọghẹnẹ na kẹ ovwa-an.

1 Kọrẹnt 2:13

Avwanre ki yono ọnana vwẹ eta ra vwẹ aghwanre rẹ ohwo rẹ akpọ yono-o ẹkẹvuọvo rẹ Erhi na yonori, re fan otọ rẹ uyota rẹ erhi na vwọ kẹ ayen otu ri vwo Erhi na.

1 Kọrẹnt 4:20

Kidie uvie rẹ Ọghẹnẹ na dia ọ rẹ ota-a ẹkẹvuọvo ọ rẹ ogangan.

2 Kọrẹnt 6:6

vwẹ evun ẹfuọn, erianriẹn, odiri, arodọvwẹ, Erhi Ọfuanfon na, omamọ rẹ ẹguọnọ,

Galesha 1:10

Ugbeyan rẹ ihwo me guọnọ dia vwo, gbenẹ ugbeyan rẹ Ọghẹnẹ? Eyẹ me guọnọ re mi ru obo ri je ihwo? Mi de ru obo ri je ihwo ye me gbe dia odibo ri Kristi-i.

Kolose 2:4

Me ta ọnana rere ohwo kohwo vwo jẹ ovwan ẹphiẹn ghwro.

1 Tẹsalonaika 1:5

Kidie iyẹnre esiri rẹ avwanre bru ovwan rhe vwẹ ọ rẹ ota ọvo-o, ẹkẹvuọvo vwẹ evun rẹ ogangan kugbe evun rẹ Erhi Ọfuanfon rọ nabọ dje ota na rọ vwọ ro ovwan. Ovwan je riẹn oghẹre rẹ ihwo rẹ avwanre phi oma rẹ avwanre phihọ fiki rẹ ovwan.

1 Pita 1:12

A da vwọ phia kẹ ayen nẹ ọ dia omobọ rẹ ayen ayen ga na-a ẹkẹvuọvo ovwan, vwe oma rẹ emu rẹ ayen ghwoghwo kẹ ovwan vwẹ asakiephana rẹ ihwo ri gbe ikun rẹ iyẹnrẹ esiri na kẹ ovwan vwẹ oma rẹ Erhi Ọfuanfon na re ji nẹ odjuvwu rhe na, emu rẹ emakashe guọnọre nẹ ayen mrẹ.

2 Pita 1:16

Kidie avwanre nene ona rẹ esia ẹrhọghọ-ọ vwẹ ọke rẹ avwanre vwo dje ogangan na kugbe ẹcha rẹ Ọrovwavwanre Jesu Kristi kẹ ovwa-an, ẹkẹvuọvo avwanre rhie ẹro mrẹ avwanre jẹ dia iseri rẹ ọrho rọye.

2 Pita 2:18

Kidie, ọke rẹ ayen da vwẹ ugbeghẹ yan eyan, yẹ ayen vwẹ ọfanrhiẹ vẹ urhuru si vwe riẹriẹ ihwo re je sa vabọ rẹ oruchọ rẹ aye-en.

Iguẹdjọ 14:15

Vwẹ ẹdẹ rẹne ayen da ra ta kẹ aye ri Samsin nẹ, Riẹriẹ ọshare wẹn rere ọ fa otọ rẹ ido na kẹ avwanre, wo rhe ru ọtiọye-e avwanre cha vwẹ erhanre torhẹ owẹ kugbe uwevwi rẹ ọsẹ wẹn Gbenẹ wo rhi se esọn hwe avwanre

Iguẹdjọ 16:5

Etiyin ihwo ride ri Filistia da rhe ta kẹ aye na nẹ, Gha riẹriẹ, rere wọ riẹn asan rẹ ogangan rọye rode na epha, kugbe ogangan rẹ avwanre vwo muo, rere avwanre mrẹ asan rhe nyẹ muotọ gba; avwanre ọhwo ọvuọvo ke cha kẹ wẹ ibro rẹ igho efuanfon ujori uhwọvo.