1 Kọrẹnt 15:57 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵⁷ Ẹkẹvuọvo ẹkpẹvwẹ kẹ Ọghẹnẹ, rọ kẹ avwanre obọẹkparọ vwẹ oma rẹ Ọrovwavwanre Jesu Kristi.

1 Kọrẹnt 15:57 ပူးပေါင်းရင်းမြစ်များ

Ivie rẹ Ivẹ 5:1

Neman, onotu rẹ unuofovwi rẹ ovie ri Siria, okpohwo rode vwẹ obọ rẹ onini rọye ọ ke je mrẹ aroesiri rọye, fikiridie oma rọye Ọrovwohwo da vwẹ obọ ẹkparo kẹ Siria. Ẹkpuyovwi rọye ọgba rọ yivwaro ẹkẹvuọvo kẹ ọhonvwoti.

1 Ikun rẹ Ivie 22:11

Asakiephana ọmọ mẹ, Ọrovwohwo vẹ owẹ dia, rere wo se phi kparobọ vwẹ uwevwi ẹbọn rẹ Ọrovwohwo rẹ Ọghẹnẹ wẹn kirobo rẹ ọ tare kpahe owẹ.

Une rẹ Ejiro 98:1

E so une kẹ Ọrovwohwo une ọkpokpọ, kidie o ru imu re igbunu! Obọrhe rọye vẹ ugbobọ ọfuanfon rọye eye o vwo phi kparobọ.

Isẹ 21:31

A rhuẹrẹ iyesi kpahe hẹrhẹ ẹdẹ rẹ ofovwi, ẹkẹvuọvo obọẹkparo kẹ ọ rẹ Ọrovwohwo na.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Iruo rẹ Iyinkọn na 27:35

Ọke rọ vwo ta ọnana nu, ọ da reyọ ikara, rọ vwo kpẹvwẹ Ọghẹnẹ vwẹ irharo rẹ ayen ejobi o de bro ọ da riọ.

Ọbe ri Pọl si rhe Ihwo ri Rom 7:25

Me kpẹvwẹ Ọghẹnẹ fiki ri Jesu Kristi Ọrovwavwanre. Vwẹ ọtiọye na, me vwẹ oma mẹ ga urhi rẹ Ọghẹnẹ vẹ udu mẹ ejobi, ẹkẹvuọvo ugboma mẹ ke me vwọ ga urhi rẹ umwemwu.

Ọbe ri Pọl si rhe Ihwo ri Rom 8:37

Ejo, vwẹ evun rẹ imu na ejobi avwanre rhonọ ihwo re kpare obọ fiki rẹ ohwo rọ guọnọ avwanre.

1 Kọrẹnt 15:51

Nighe igbunu me ta kẹ ovwan na. Avwanre ejobi cha vwerhẹ-ẹ, ẹkẹvuọvo e che wene avwanre ejobi,

2 Kọrẹnt 1:11

Ovwan ke je vwẹ ẹrhovwo cha avwanre uko, rere buebu sa vwọ kpevwe fiki rẹ avwanre fiki rẹ ebruphihọ ra vwọ kẹ avwanre vwẹ ẹrhovwo rẹ avwanre buebu re nyori.

2 Kọrẹnt 2:14

Ẹkẹvuọvo ẹkpẹvwẹ kẹ Ọghẹnẹ, rọ wan oma ri Kristi kẹ avwanre obọekparọ, vwẹ oma rẹ avwanre avwerhe rẹ eriariẹn rọye de rhi te asan ejobi.

2 Kọrẹnt 9:15

Ẹkpẹvwẹ kẹ Ọghẹnẹ fiki rẹ ẹse rọye rẹ unu se gbe-e.

Ẹfesọs 5:20

Ọke kọke vwi kemu kemu ejobi vwẹ ẹkpẹvwẹ vwẹ odẹ rẹ Ọrovwavwanre Jesu Kristi kẹ Ọghẹnẹ Ọsẹ na.

Hibru 2:14

Kirobo rẹ emọ na herọ vwẹ oma vẹ obara na, eriyin okpuyovwi rọye ji vwo oma ọvo na, rere vwẹ oma rẹ ughwu ọ vwọ guọghọ ohwo ro vwo ogangan rẹ ughwu na, kọye hẹ, idẹbono na.

Ẹvwọphia 12:11

Ayen da vwẹ ọbara rẹ Omogodẹ na phio kparobọ kugbe ota rẹ iseri rayen, ayen se ẹnwẹn rayen gbe emuọvo-o ayen je davwerhọn rẹ ughwu-u.

Ẹvwọphia 21:4

ko ririe ameoviẹ nẹ ẹro rayen, ughwu gbe cha dia ọfa-a, eyẹ omaemuohọ eyẹ oviẹ eyẹ odjadja ọfa-a, kidie emu rẹ awanre na wanvrẹn nure.