1 Kọrẹnt 13:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ da dianẹ me vwẹ obo ri mi vwori ejobi ru ẹse, o da dianẹ mi phi oma mẹ phihọ erhanre nẹ ọ ton, ẹkẹvuọvo yi mi vwo ẹguọnọ-ọ, yo fi erere kẹ vwẹ-ẹ.

1 Kọrẹnt 13:3 ပူးပေါင်းရင်းမြစ်များ

Aizaya 57:12

Mi che gbe ikun rẹ ọvwata wẹn, kugbe uruemu wẹn, ẹkẹvuọvo e sa cha wẹ uko-o

Jerimaya 7:8

Nighe, ovwan vwẹ ẹro so eta ifefe ri fi emuọvo-o.

Matiu 23:5

Kidie ayen di ruẹ ọnana ghevweghe rere ihwo vwọ mrẹ ayen; kidie ayen ruẹ igbabọ hẹhẹre, ayen mi rhe ko iwun rẹ ayen reghereghe.

Iyẹnrẹ Esiri ri Luk 18:22

Ọke ri Jesu vwo nyo, ọ da ta kẹ, Emu ọvo je kanre owẹ. Shẹ obo wo vwori ejobi re wọ ghare ayen kẹ ivwiogbere, ku wo vwo efe vwẹ obo odjuvwu; re wọ rhe, ri nene uvwe.

Iyẹnrẹ Esiri ri Luk 18:28

Pita da ta, Nighe, avwanre yan je iwevwi rẹ avwanre vwo vwo nene uwe re.

Iyẹnrẹ Esiri ri Luk 19:8

Zakiọs mudia ọ da ta kẹ Ọrovwohwo, Nighe, Ọrovwohwo, abọvo rẹ ekuakua mẹ me vwẹ ayen kẹ ivwiogbere; ọ da dianẹ me rha ghwa ohwo ọvo re, ke me rhan rhivwi ọhwọhwọ ẹne.

Iyẹnrẹ Esiri ri Jọn 12:43

kidie ayen guọnọ ejiro rẹ ihwo nọ ejiro rẹ Ọghẹnẹ.

Iyẹnrẹ Esiri ri Jọn 13:37

Pita da ta kẹ, Ọrovwohwo, kidie mi vwo jẹ uwe enene vwẹ asakiephana? Me vwẹ arhọ mẹ kpahe otọ kẹ wẹ.

Iyẹnrẹ Esiri ri Jọn 15:13

Ẹguọnọ rẹ ohwo vwori rọ rhonọ ọnana gbe herọ-ọ, rẹ ohwo da vwẹ arhọ rọye kpahe otọ kẹ igbeyan rọye.

Iyẹnrẹ Esiri ri Jọn 6:63

Erhi na re kẹ arhọ, uvwo fi erere ọvuọvoo; eta na re me ta kẹ ovwan na eye hẹ erhi kugbe arhọ.

Iruo rẹ Iyinkọn na 21:13

Etiyin Pọl da kpahe, Die ovwan ruẹ, rẹ ovwan vwọ vwẹ oviẹ miovwẹ udu mẹ? Kidie me choma ọ dianẹ kẹ uwodi ọvo-o ẹkẹvuọvo tobọ ughwu dede vwi Jerusalẹm vwi fiki rẹ odẹ rẹ Ọrovwohwo Jesu.

Galesha 5:26

E jẹn avwanre ta nẹ oma mẹ te ke vwẹ-ẹ ohwohwo kpare ohwohwo-o ophu-u a reoma kpahe ohwohwo-o.

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

1 Timoti 4:8

kidie rẹ cha ẹha vwo vwo eme erere na, uyoyovwi kọye me vwo erere vwẹ idjerhe kidjerhe, o vwo osa vwẹ akpọ nana nu o ki ji vwo osa vwẹ akpọ rọ cha.

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.