1 Kọrẹnt 11:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ẹkẹvuọvo mi jẹ ovwan riẹn nẹ Kristi hẹ uyovwi rẹ ọshare kọshare, uyovwi rẹ ayen ke rha vwẹ ọshare rọye, uyovwi ri Kristi ke rha vwẹ Ọghẹnẹ.

1 Kọrẹnt 11:3 ပူးပေါင်းရင်းမြစ်များ

Jẹnẹsis 3:16

Vwọ kẹ aye na ọ da ta, Me kẹ wẹ odjadja buebu vwẹ ọke rẹ evwiẹ wẹn, vwẹ odjadja wo de vwiẹ emọ, ẹguọnọ wẹn kẹ obọ rẹ ọshare wẹn onurhe, ko sun we.

Aizaya 52:13

Nighe, odibo Mẹ ko che yovwi, ke muo kpenu phelephele, ko kpenu gangan.

Aizaya 55:4

Nighere, Mi vwi ro se oseri kẹ ihwo na, Osun kugbe onotu vwọ kẹ ihwo ejobi.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Iyẹnrẹ Esiri ri Jọn 14:28

Wẹ nyo obo re me ta kẹ ovwan, me yanran, mi ji che bru ovwan rhe. Wọ da guọnọ ovwẹ, mane kẹ ovwan a ghọghọ, fikiridie mi bru Ọsẹ na ra; kidiẹ Ọsẹ na rhonọ ovwẹ.

1 Kọrẹnt 3:23

Ovwan e ri Kristi; Kristi ke rha ọ rẹ Ọghẹnẹ.

Ẹfesọs 4:15

Kpe rọ yena, ta uyota na vwẹ ẹguọnọ, avwanre ke rho bro ra vwẹ idjerhe kidjerhe re te ohwo na rọ hẹ uyovwi na, re te Kristi.

Kolose 1:18

Ọye hẹ uyovwi rẹ oma na, kọye hẹ ishoshi na; ọye hẹ ẹtuọhọ, ọye hẹ ọmọ ọkpako ro ke vrẹn nẹ ughwu rhe, rere ekpuyovwi rọye ọvo vwọ dia ọ ro me kpenu vwẹ enu rẹ emu na ejobi.

Kolose 2:10

Kọye rha vọn ro avwanre oma, ọye hẹ uyovwi rẹ isuesun ejobi kugbe ogangan ejobi.

Kolose 2:19

ri gbobonyẹ uyovwi na rẹ ayen yọnre gan, ohwo rọ tan oma na ejobi kugbe, rọ ghẹrẹ oma kugbe erhọn na ejobi, e me rho ọrho ro nẹ obọ rẹ Ọghẹnẹ rhe.

Kolose 3:18

Eya ri kpo orọvwe wa vwẹ oma kpotọ kẹ eshare rẹ ovwan, kirobo ro fori kẹ Ọrovwohwo.

1 Pita 3:1

Ovwan eya ri kpo orọvwe, wa vwẹ oma kpotọ kẹ eshare rẹ ovwan, rere otu evo, ri se ota na gbuyota-a dede, a sa vwi fiki rẹ uruemu rẹ eya na ku ayen rhẹriẹ,