1 Kọrẹnt 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọghẹnẹ ohwo rẹ uyota, oma rọye a wan se ovwan rhe okugbe rẹ Ọmọ roye, Jesu Kristi Ọrovwavwanre.

1 Kọrẹnt 1:9 ပူးပေါင်းရင်းမြစ်များ

2 Tẹsalonaika 3:3

Ẹkẹvuọvo Ọrovwohwo vwo esegbuyota; kọ kẹ ovwan ogangan ọ me rha sẹro rẹ ovwan nẹ obọ rẹ emu umwemwu.

Hibru 10:23

E gbe jẹn yọnre esegbuyota rẹ iphiẹrohọ rẹ avwanre na gan e phieghe-e, kidie ohwo ro ve ive kẹ avwanre na ohwo rẹ uyota;

Urhi Rivẹ 7:9

Vwẹ ọtiọye na wọ Me riẹn nẹ Ọrovwohwo Ọghẹnẹ wẹn na, yẹ Ọghẹnẹ; Ọghẹnẹ rẹ uyota, rọ yọnrọn ọphọ vẹ arodọvwẹ kẹ otu re guọnerọ re je yọnrọn irhi rọye ra ro uvwiẹ uriori; ro ọ Me hwa osa kẹ ohwo ri mu kpahọ gbonozẹ,

1 Jọn 1:3

rẹ avwanre mrẹre rẹ avwanre nyori kọye avwanre ghwoghwo kẹ ovwan na, rere avwanre vẹ ovwan vẹ ovwan vwo okugbe ọvo; okugbe rẹ avwanre ọ hẹ obọ rẹ Ọsẹ na kugbe Ọmọ rọye Jesu Kristi.

1 Kọrẹnt 10:13

O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

Aizaya 49:7

Enẹ Ọrovwohwo tare, Ọtan rẹ Izrẹl kugbe Ọfuanfon Ọvuọvo rọye na, vwọ ke ọvo ra jẹfia gangan, ro tu ẹgborho na oma, odibo rẹ isun na. Ivie ke mrẹ ki vrẹn; isun, kugbe ayen ki she diguẹ; fiki rẹ Ọrovwohwo, rẹ ohwo rẹ uyota, Ọfuanfon Ọvuọvo rẹ Izrẹl na, rọ je wẹn reyọ na.

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Ẹvwọphia 19:11

Etiyin me da mrẹ odjuvwu ro rhie phihọ, mi vwo ni, me da mrẹ esi ọfuanfon! E de se ọ ro tidia vwẹ enu rọye na Ọresiri kugbe Uyota, vwẹ evun rẹ ọvwata ọye o de guẹdjọ ọye o de ji phiẹ ofovwi.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.

Une rẹ Ejiro 100:5

Kidie Ọrovwohwo na yoma; ẹguọnọ rọye ro jẹ rhẹriẹ dia rhiri bẹdẹ, esegbuyota rọye re te uvwiẹ na ejobi.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

2 Kọrẹnt 1:18

Kirobo ro muẹro nẹ Ọghẹnẹ ohwo rẹ uyota, eta rẹ avwanre ta kẹ ovwan na dia eta ri E vẹ Ẹjo-o.

1 Pita 5:10

Ọke rẹ ovwan da reoja nu emerha, Ọghẹnẹ rẹ ẹserọphẹ ejobi, ro se ovwan rhe urinrin rọye ri bẹdẹ na vwi Kristi, okpuyovwi rọye kọ rhoma vọn, kọ vwẹ owọ rẹ ovwan muotọ, kọ kẹ ovwan ogangan.

1 Jọn 4:13

Oma rẹ Ọnana kọye avwanre vwọ riẹn nẹ avwanre hẹ evun rọye yẹ okpuyovwi rọye je hẹ evun rẹ avwanre, fikiridie ọ vwẹ Erhi rọye na vwọ kẹ avwanre.

Hibru 11:11

Vwẹ esegbuyota ọye Sera rhi vwo vwo ogangan ro vwọ mrevun, vwẹ ọke ro vwo bru afe nure, fikiridie o se ohwo ro ve ive na gbuyota.

Ọbe ri Pọl si rhe Ihwo ri Rom 9:24

mrẹmrẹ vwọ kẹ avwanre ro seri nẹ ohri ri Ju ọvo rhe-e ẹkẹvuọvo ji nẹ ohri ri Keferi rhe?

Ọbe ri Pọl si rhe Ihwo ri Rom 8:30

Ihwo rọ kẹ atarhe jovwo na ọye o ji se; ihwo ro seri eye o brorhiẹ kẹ; ayen otu ro brorhiẹ kẹ eye ọ je vwẹ urinrin kẹ rhe.

Aizaya 25:1

E Ọrovwohwo, wẹ ọye Ọghẹnẹ mẹ, Me kpare owẹ kpenu, mi Jiri ode wẹn; kidie wo ru emu rẹ igbunu, iroro wọ jẹre awanre rhe, uyota gbagba.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

2 Tẹsalonaika 2:14

Ọnana kọye o se ovwan rhe vwẹ oma rẹ iyẹnrẹ esiri rẹ avwanre, ọtiọye na rere ovwan vwo se vwo urinrin rẹ Ọrovwohwo Jesu Kristi.

Iyẹnrẹ Esiri ri Jọn 17:21

rere ayen ejobi vwọ dia ọvo; kirobo rẹ owẹ, rẹ Ọsẹ, hẹ evun mẹ, re me da hẹ evun wẹ, rere ayen je vwọ dia evun rẹ avwanre rhe, ọtiọye na akpọ na ki segbuyota nẹ wọwẹ ri ji vwe rhe.

Aizaya 11:5

Ọvwata kọye cha dia umuamwa ro vwo mu ehun, esegbuyota kọye dia umuamwa ro vwo fiẹbe,

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

Ẹfesọs 3:6

Kọye hẹ, obo ri Keferi na koko reuku na kugbe, rẹ ayen da dia ekuakua rẹ ugboma ọvuọvo na, kugbe ayen otu ri ji vwo obọ vwẹ ive na vwẹ evun ri Kristi Jesu vwẹ oma rẹ iyẹnrẹ esiri na.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Hibru 2:17

Fiki rẹ ọtiọye na kọye a vwọ ma họhọ imoni rọye vwẹ idjerhe kidjerhe, rere ọ vwọ sa dia orherẹn rode ro nẹ aruẹdọn ro vwo esegbuyota vwẹ evun rẹ ẹga rẹ Ọghẹnẹ, rọ vwọ go ese rẹ imwemwu nẹ ihwo oma.

2 Timoti 1:9

ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Galesha 1:15

Ẹkẹvuọvo ohwo rọ sanọ ovwẹ nẹ evun rẹ oni mẹ rhe jovwo na, ro se vwe vwẹ ẹserọphẹ rọye,

1 Kọrẹnt 10:16

Uko rẹ ebruba na rẹ avwanre nẹ ẹrhovwo phihọ na, ọ dia ọdakugbe vwẹ evun rẹ ọbara ri Kristi? Ikara rẹ avwanre bruru na, ọ dia ọrekugbe vwẹ evun rẹ oma ri Kristi?

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

Ọbe ri Pọl si rhe Ihwo ri Rom 11:17

Ọ da dianẹ a nyavwe eghọn rẹ urhe na evo kufia, ra da vwẹ owẹ, oghọn rẹ urhe ọfa vwọ tamuo, rọ da vwẹ ame rẹ urhe rẹ ọliv na vwọ ghẹrẹ oma rọye,

1 Tẹsalonaika 2:12

Avwanre rẹre rere eyere rẹ ovwan se vwo she phihọ kerẹ emọ rẹ Ọghẹnẹ re se rhe re uvie robọ rọye kugbe urinrin rọye.

Kolose 1:24

Asakiephana me ghọghọ vwẹ evun rẹ oja mẹ fiki rẹ ovwan, ri mi vwo mu oghwa rẹ oja nana ri Kristi re chekọ na kpahe oma mẹ fiki rẹ ishoshi rọye.

2 Timoti 2:13

ọ da dianẹ avwanre vwo esegbuyota-a dede, yo vwo esegbuyota kidie ọ sa sen omaobọ rọye-e.