1 Jọn 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Avwanre da reyọ iseri rẹ ohwo rẹ akpọ, iseri rẹ Ọghẹnẹ kọye re marho vwo; kidie iseri rẹ Ọghẹnẹ na kẹ ọna nẹ ọye ri se oseri rẹ kẹ Ọmọ rọye na.

1 Jọn 5:9 ပူးပေါင်းရင်းမြစ်များ

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Iyẹnrẹ Esiri ri Jọn 10:38

ẹkẹvuọvo mi de ru ayen, dede na nẹ we se vwe gbuyota-a, gbe se iruo na gbuyota, rere ovwan riẹn re ọ ro ovwan nẹ Ọsẹ hẹ evun mẹ nẹ mi he evun rẹ Ọsẹ na.

Iyẹnrẹ Esiri ri Jọn 5:39

Wa guọnọ ẹbe efuanfon na, fikiridie we rori nẹ evun rẹ ayen we de vwo arhọ ri bẹdẹ na; ayen ri se oseri kpahe ovwẹ na;

Iruo rẹ Iyinkọn na 17:31

fikiridie o bru ẹdẹ ọvo ro che vwo guẹdjọ rẹ akpo na vwẹ evun rẹ ọvwata vwẹ obọ rẹ ohwo ro vwo mu, rere ọnana vwo mu ihwo ejobi ẹro kọye ọ vwọ kparọ vrẹn nẹ ughwu rhe.

Iruo rẹ Iyinkọn na 5:32

Avwanre kẹ iseri rẹ emu nana ejobi, ọtiọye je hẹ Erhi Ọfuanfon na rẹ Ọghẹnẹ vwọ kẹ ayen otu ri mu ọghọ kẹ.

Hibru 2:4

Yẹ Ọghẹnẹ ji se oseri vwẹ eka vẹ igbunu kugbe emuigbunu sansan kugbe okẹ rẹ Erhi Ọfuanfon na ghare kẹ ihwo kirobo rẹ ọhọre robọ rọye epha.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

1 Jọn 5:10

Ohwo ro se Ọmọ rẹ Ọghẹnẹ na gbuyota yọ reyọ iseri na phihọ oma rọye nure. Ohwo ro rhe se Ọghẹnẹ gbuyota-a yo sere ọvwọrọn ofian, fikiridie o rhe se oseri rẹ Ọghẹnẹ se kpahe Ọmọ rọye na gbuyota-a.

1 Jọn 5:8

Iseri erha re herọ, Erhi na, ame na, kugbe ọbara na; iseri rẹ ayen erha ọvuọvo.