1 Jọn 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Erhi na ri se oseri, fikiridie Erhi na hẹ uyota na.

1 Jọn 5:7 ပူးပေါင်းရင်းမြစ်များ

Une rẹ Ejiro 33:6

Vwẹ ota rẹ Ọrovwohwo na ọye odjuvwu na vwọ mama, obo re vọnrọ ejobi kẹ ẹnwẹ rẹ unu rọye.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Matiu 18:16

Ẹkẹvuọvo o gbi nyo-o, reyọ ihwo ivẹ efa boma, kidie iseri rẹ amwarha re ma sẹ.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Iyẹnrẹ Esiri ri Jọn 1:1

Notọrhe ọye Ota na vwọ herọ, Ota na vẹ Ọghẹnẹ gba herọ, Ota na ye hẹ Ọghẹnẹ.

Iyẹnrẹ Esiri ri Jọn 10:30

Mẹvwẹ vẹ Ọsẹ mẹ ọvuọvo.

Iyẹnrẹ Esiri ri Jọn 12:28

Ọsẹ, vwẹ urinrin kẹ odẹ wẹn. Etiyin urhuru ọvo de nẹ odjuvwu rhe, me vwẹ urinrin kẹ nure, me je rhoma vwẹ urinrin kẹ.

Iyẹnrẹ Esiri ri Jọn 14:17

mrẹmrẹ kọye hẹ Erhi rẹ uyota na, rẹ akpọ na sa reyọ na-a, fikiridie ọ mrẹ rẹ-ẹ eyẹ ọ je riẹ-ẹn; ovwan riẹnrẹ kidie ọ vẹ ovwan gba dia, kọ je dia evun rẹ ovwan.

Iyẹnrẹ Esiri ri Jọn 15:26

Ẹkẹvuọvo ọke rẹ Obruche na da rhe, ri mi che ji nẹ obọ rẹ Ọsẹ na rhe, mrẹmrẹ kọye hẹ Erhi rẹ uyota na, ro nẹ obọ rẹ Ọsẹ na rhe, ọye ri che se oseri kẹ vwẹ.

Iyẹnrẹ Esiri ri Jọn 5:26

Kidie kirobo rẹ Ọsẹ na vwo arhọ vwẹ oma rọye, ọtiọye ọ je vwẹ arhọ na kẹ oma rọye rhe,

Iyẹnrẹ Esiri ri Jọn 8:18

Mi se oseri kẹ oma mẹ, Ọsẹ na ro ji vwe rhe na ji se oseri kẹ vwẹ.

Iyẹnrẹ Esiri ri Jọn 8:54

Jesu da kpahe, Me da vwẹ urinrin kẹ oma mẹ, yẹ urinrin mẹ kẹ odiodi; Ọsẹ mẹ re vwẹ urinrin kẹ ovwẹ, kọye ovwan tanẹ ọye hẹ Ọghẹnẹ rẹ ovwan na.

Iruo rẹ Iyinkọn na 2:33

Eriyin na a da kparọ kpenu vwẹ obọrhe rẹ Ọghẹnẹ Ọsẹ na ro ji ru ive rẹ Erhi Ọfuanfon na kẹ, kọye o ji kuẹ avwanre rẹ ovwan mrẹ na re ovwan ji nyo na.

Iruo rẹ Iyinkọn na 5:32

Avwanre kẹ iseri rẹ emu nana ejobi, ọtiọye je hẹ Erhi Ọfuanfon na rẹ Ọghẹnẹ vwọ kẹ ayen otu ri mu ọghọ kẹ.

2 Kọrẹnt 13:14

Ẹserọphẹ rẹ Ọrovwohwo Jesu Kristi kugbe ẹguọnọ rẹ Ọghẹnẹ kugbe ugbeyan rẹ Erhi Ọfuanfon nene ovwan ejobi dia.

Urhi Rivẹ 6:4

E nyo, E Izrẹl; Ọrovwohwo Ọghẹnẹ avwanre na Ọrovwohwo ọvuọvo;

1 Jọn 1:1

Ọ rọ herọ notọrhe, rẹ avwanre nyori na, rẹ avwanre vwẹ ẹro mrẹ na, rẹ avwanre vugheri rẹ obọ rẹ avwanre mu yọnre na, vwọ kpahe ota rẹ arhọ na–

1 Jọn 5:6

Ọnana hẹ ohwo re vwiẹri vwẹ ame vẹ ọbara, ọye hẹ Jesu Kristi, ọ dianẹ ọ rẹ ame ọvo-o ẹkẹvuọvo ọ rẹ ame kugbe ọbara.

1 Jọn 5:8

Iseri erha re herọ, Erhi na, ame na, kugbe ọbara na; iseri rẹ ayen erha ọvuọvo.

Ẹvwọphia 19:13

O de ku ewun re duvwu phihọ ọbara phihọ, odẹ re mu se kọye hẹ Ota rẹ Ọghẹnẹ na.