1 Jọn 5:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Kohwo kohwo ro sere gbuyota nẹ Jesu ghine hẹ Kristi yẹ ọmọ rẹ Ọghẹnẹ o ruẹ, kohwo kohwo rọ guọnọ ọsẹ kugbe oni kọ je guọnọ ọmọ rẹ ayen vwiẹri.

1 Jọn 5:1 ပူးပေါင်းရင်းမြစ်များ

Matiu 16:16

Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na.

Iyẹnrẹ Esiri ri Luk 7:5

Kidie ọ guọnọ ẹgborho rẹ avwanre, ekpuyovwi rọye da bọn sinagọg kẹ avwanre.

Iyẹnrẹ Esiri ri Jọn 1:3

oma rọye a wan mama imu na ejobi, ọ gbe dia ọye-e emu ọvuọvo ra mare na a gbe mama-a.

Iyẹnrẹ Esiri ri Jọn 15:23

Ọ ro tuoma mẹ ji tuoma rẹ Ọsẹ mẹ rhe.

Iyẹnrẹ Esiri ri Jọn 3:3

Jesu da kpahe kẹ, Uyota, uyota, me ta kẹ wẹ, jokpa nẹ e rhivwi vwiẹ ohwo-o, o sa mrẹ Ọghẹnẹ-ẹ.

Iyẹnrẹ Esiri ri Jọn 6:69

avwanre ji segbuyota, avwanre je rhe riẹn nẹ, wẹ hẹ Ọfuanfon Ọvuọvo rẹ Ọghẹnẹ.

Iyẹnrẹ Esiri ri Jọn 8:42

Jesu da ta kẹ ayen, Ọ da dianẹ Ọghẹnẹ hẹ Ọsẹ rẹ ovwan, kẹ ovwan a guọnọ ovwẹ, kidie obọ rẹ Ọghẹnẹ na mi nurhe; me vwẹ ọhorobọ mẹ rhe-e, ẹkẹvuọvo ọye ji vwe rhe.

Iruo rẹ Iyinkọn na 8:36

Rẹ ayen vwo nene idjerhe yanran ayen de rhi te asan ame ọvo, ọghwara na da ta, Nighe, ame hẹ etinẹ! Kidie rha djẹ vwẹ ame ẹreyọ? [

Iruo rẹ Iyinkọn na 8:37

Filip da ta, Wo de ghine segbuyota vwẹ udu wẹ, ku wọ sa reyọ; ọ da kpahe, Mi segbuyota nẹ Jesu Kristi hẹ Ọmọ rẹ Ọghẹnẹ.]

Jems 1:18

Ọhọre obọ rọye o vwọ reyọ avwanre ru emọ vwẹ oma rẹ ota rẹ uyota na, o de ru avwanre rere, avwanre vwọ dia oka rẹ emamọ rẹsosuọ rẹ ihwo rọ ka ma.

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

1 Jọn 2:10

Ohwo rọ guọnọ oniọvo rọye yọ hẹ evun rẹ urhukpẹ na, yẹ emu ọvuọvo rọ so eshe rhere-e.

1 Jọn 2:29

Ọ da dianẹ ovwan riẹnre nẹ ọvwata o ruẹ, gbe jo mu ovwan ẹro nẹ kohwo kohwo rọ dia ọvwata ejobi kẹ ọmọ rọye o ruẹ.

1 Jọn 3:14

Avwanre riẹnre nẹ avwanre nẹ abọ rẹ ughwu kpo arhọ nure, fikiridie avwanre guọnọ imoni na. Ohwo ro vwo ẹguọnọ-ọ yọ hẹ evun rẹ ughwu.

1 Jọn 3:17

Ẹkẹvuọvo ọ da dianẹ ohwo vwo efe rẹ akpọ na ejobi rọ da mrẹ omoni rọye rẹ akpọ bẹn, ro de chuko kuo, komavọ ẹguọnọ rẹ Ọghẹnẹ vwọ sa dia evun rọye?

1 Jọn 3:9

Kohwo kohwo rẹ Ọghẹnẹ vwiẹri se ruẹ umwemwu-u; kidie omamọ uruemu rẹ Ọghẹnẹ na hẹ evun rọye, o rhe se ru umwemwu-u fikiridie Ọghẹnẹ ri vwiẹrẹ.

1 Jọn 4:2

Vwẹ oma rẹ ọnana ovwan vwọ riẹn Erhi rẹ Ọghẹnẹ; erhi kerhi rọ rhọvwere nẹ Jesu Kristi ghine rhe vwẹ ugboma yọ rẹ Ọghẹnẹ,

1 Jọn 4:20

Ohwo da tanẹ, Me guọnọ Ọghẹnẹ, yo tuoma re oniọvo rọye, yẹ ọvwọrọn ofian o ruẹ; kidiẹ ohwo rọ sa guọnọ oniọvo rọye ro rhie ẹro mrẹ-ẹ, komavọ o ru sa guọnọ Ọghẹnẹ re jẹ sa mrẹ.

1 Jọn 4:7

Imoni re ghare, e jẹn avwanre guọnọ ohwohwo; kidie ẹguọnọ hẹ ọ rẹ Ọghẹnẹ, ohwo ro vwo ẹguọnọ yẹ Ọghẹnẹ ri vwiẹrẹ kọ riẹn Ọghẹnẹ.

1 Jọn 5:18

Avwanre riẹnre nẹ kohwo kohwo rẹ Ọghẹnẹ vwiẹri se ruẹ umwemwu-u, ẹkẹvuọvo ohwo rẹ Ọghẹnẹ vwiẹri na ọ nabọ yọnrọn, ohwo umwemwu gbe sa vwẹ obọ te-e.

1 Jọn 5:4

Kidie kohwo kohwo rẹ Ọghẹnẹ vwiẹri se phiẹ akpọ na kua; Ọnana kọye obọẹkparọ ro phi akpọ na kua na, kọye hẹ esegbuyota rẹ avwanre.

1 Jọn 5:5

Kono hẹ ohwo ro phi akpọ na kparobọ na, ọ rha dia ohwo ro se Jesu Ọmọ rẹ Ọghẹnẹ na, gbuyota?