1 Jọn 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Emọ na, ovwan kẹ emọ rẹ Ọghẹnẹ, ovwan ji phi ayen kua nure; kidie ohwo rọ hẹ evun rẹ ovwan na rhonọ ohwo rọ hẹ evun rẹ akpọ na.

1 Jọn 4:4 ပူးပေါင်းရင်းမြစ်များ

Iyẹnrẹ Esiri ri Jọn 12:31

Asakiephana hẹ ẹdjọeguo rẹ akpọ nana, asakiephana a vwọ djẹ osun rẹ akpọ na kufia,

Iyẹnrẹ Esiri ri Jọn 14:30

Mi gbi che nene ovwan ta ota buebu ọfa-a, kidie osun rẹ akpọ nana cha re. O vwo ogangan vwẹ enu mẹ-ẹ.

Iyẹnrẹ Esiri ri Jọn 16:11

ọ rẹ ẹdjọeguo vwenẹ, fikiridie e guẹdjọ rẹ osun rẹ akpọ nana nure.

Iyẹnrẹ Esiri ri Jọn 17:23

Me hẹ evun rẹ ayen yu wọ hẹ evun mẹ, rere ayen vwọ dia ọvo gbae, ọtiọye na akpọ na kẹ riẹn nẹ we ri ji vwẹ rhe me da rha guọnọ ayen kirobo ru wọ guọnọ ovwẹ.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Ọbe ri Pọl si rhe Ihwo ri Rom 8:37

Ejo, vwẹ evun rẹ imu na ejobi avwanre rhonọ ihwo re kpare obọ fiki rẹ ohwo rọ guọnọ avwanre.

1 Kọrẹnt 2:12

Asakiephana ọ dia erhi rẹ akpọ na avwanre vwori-i, ẹkẹvuọvo Erhi na ro nẹ obọ rẹ Ọghẹnẹ rhe na, rere avwanre se vwo ẹruọ rẹ ẹse na rẹ Ọghẹnẹ ru kẹ avwanre na.

1 Kọrẹnt 6:13

A ma emuọre vwọ kẹ egede egede vwọ kẹ emuọre–yẹ Ọghẹnẹ cha guọghọ tọna tọye. A ma oma na kẹ ọfanrhiẹ egbe-e, ẹkẹvuọvo vwọ kẹ Ọrovwohwo, Ọrovwohwo rha vwọ kẹ oma na.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Ẹfesọs 3:17

rere Kristi sa rhe wan esegbuyota dia udu rẹ ovwan; rẹ ẹguọnọ rẹ ovwan da rhe ghwaotọ kokoroko nure,

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

1 Jọn 2:1

Emọ mẹ, mi si eta nana rhe ovwan rere ovwan vwo jẹ umwemwu eruo; ẹkẹvuọvo ohwo de ru umwemwu, avwanre vwo obruche ọvo vwẹ obọ rẹ Ọsẹ, Jesu Kristi rẹ ọvwata na;

1 Jọn 2:13

Esẹ, mi siẹ ọbe nana rhe ovwan, fikiridie ovwan riẹnrẹ rọ herọ notọrhe na. Mi siẹ ọbe nana rhe ovwan, imighene, fikiridie ovwan phi ohwo umwemwu na kparobọ nure. Mi si rhe ovwan, emọ na, fikiridie ovwan riẹn Ọsẹ na.

1 Jọn 3:20

yẹ udu rẹ avwanre ji ghwe brẹhwe avwanre; kidie Ọghẹnẹ rhonọ udu rẹ avwanre, ọ ke rha je riẹn emu ejobi re.

1 Jọn 3:24

Ihwo ejobi re yọnrọn urhi rọye ke dia vwẹ evun rọye, okpuyovwi rọye kọ dia evun rẹ ayen. Vwẹ oma rẹ Ọnana kọye avwanre vwọ riẹn nẹ ọ hẹ evun rẹ avwanre, vwẹ oma rẹ Erhi na rọ vwọ kẹ avwanre.

1 Jọn 4:13

Oma rẹ Ọnana kọye avwanre vwọ riẹn nẹ avwanre hẹ evun rọye yẹ okpuyovwi rọye je hẹ evun rẹ avwanre, fikiridie ọ vwẹ Erhi rọye na vwọ kẹ avwanre.

1 Jọn 4:16

Ọtiọye na avwanre ke riẹn ji segbuyota oghẹre rẹ ẹguọnọ rẹ Ọghẹnẹ vwo kẹ avwanre. Ọghẹnẹ hẹ ẹguọnọ, ohwo rọ herọ vwẹ evun rẹ ẹguọnọ yọ herọ vwẹ evun rẹ Ọghẹnẹ, yẹ Ọghẹnẹ herọ vwẹ evun rọye.

1 Jọn 4:6

Avwanre ihwo rẹ Ọghẹnẹ. Ohwo rọ riẹn Ọghẹnẹ kerhọn rẹ avwanre, ohwo rọ rha dia ọ rẹ Ọghẹnẹ-ẹ rha kerhọn rẹ avwanre-e. Vwẹ oma rẹ Ọnana kọye avwanre vwọ riẹn erhi rẹ uyota vẹ erhi rẹ ọchọre.

1 Jọn 5:19

Avwanre riẹnre nẹ avwanre kẹ ihwo rẹ Ọghẹnẹ, yẹ akpọ na ejobi hẹ obọ rẹ ogangan rẹ ohwo umwemwu na.

1 Jọn 5:4

Kidie kohwo kohwo rẹ Ọghẹnẹ vwiẹri se phiẹ akpọ na kua; Ọnana kọye obọẹkparọ ro phi akpọ na kua na, kọye hẹ esegbuyota rẹ avwanre.

Ẹvwọphia 12:11

Ayen da vwẹ ọbara rẹ Omogodẹ na phio kparobọ kugbe ota rẹ iseri rayen, ayen se ẹnwẹn rayen gbe emuọvo-o ayen je davwerhọn rẹ ughwu-u.