1 Jọn 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Vwẹ oma rẹ ọnana ovwan vwọ riẹn Erhi rẹ Ọghẹnẹ; erhi kerhi rọ rhọvwere nẹ Jesu Kristi ghine rhe vwẹ ugboma yọ rẹ Ọghẹnẹ,

1 Jọn 4:2 ပူးပေါင်းရင်းမြစ်များ

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

1 Kọrẹnt 12:3

Fiki rẹ ọtiọye na mi jẹ ovwan riẹn nẹ o vwo ohwo rọ vwẹ Ẹrhi rẹ Ọghẹnẹ ta ota rọ tanẹ, Jesu eghwobi-i! O vwo ohwo rọ je sa tanẹ, Jesu hẹ Ọrovwohwo jokpa nẹ Erhi Ọfuanfon ri suro.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

1 Jọn 1:2

arhọ ra vwọ phia na, avwanre mrẹrẹ, avwanre dia oseri kẹ, arhọ yena ri bẹdẹ na rọ hẹ obọ rẹ Ọsẹ na ra vwọ phia kẹ avwanre na kọye e ghwoghwo kẹ ovwan na–

1 Jọn 2:23

O vwo ohwo ọvuọvo rọ sen Ọmọ na nu rọ de vwo Ọsẹ na-a. Ohwo rọ rhọvwọ Ọmọ na yọ je ghwa rhọvwọ Ọsẹ na rhe.

1 Jọn 4:15

Kohwo kohwo rọ rhọvwere nẹ Jesu hẹ Ọmọ rẹ Ọghẹnẹ, Ọghẹnẹ ke dia evun rọye, kọ je dia evun rẹ Ọghẹnẹ.

1 Jọn 4:3

erhi kerhi rọ gbe rhọvwe Jesu-u yọ dia ọ rẹ Ọghẹnẹ-ẹ. Ọnana hẹ erhi ri Kristi rẹ ofian na, rẹ ovwan nyori nẹ ọcha na, asakiephana e hẹ evun rẹ akpọ na nure.

1 Jọn 5:1

Kohwo kohwo ro sere gbuyota nẹ Jesu ghine hẹ Kristi yẹ ọmọ rẹ Ọghẹnẹ o ruẹ, kohwo kohwo rọ guọnọ ọsẹ kugbe oni kọ je guọnọ ọmọ rẹ ayen vwiẹri.

2 Jon 1:7

Kidie otu re phiẹn ihwo buebu ro evun rẹ akpọ na re, otu re sian nẹ Jesu Kristi rhere vwẹ ugboma-a; ohwo ọtiọye na hẹ ọphiẹn ohwo kugbe Kristi rẹ ofian na.