1 Jọn 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kohwo kohwo rẹ Ọghẹnẹ vwiẹri se ruẹ umwemwu-u; kidie omamọ uruemu rẹ Ọghẹnẹ na hẹ evun rọye, o rhe se ru umwemwu-u fikiridie Ọghẹnẹ ri vwiẹrẹ.

1 Jọn 3:9 ပူးပေါင်းရင်းမြစ်များ

ỌBE RẸ JOB 19:28

Ọda dianẹ wa tare nẹ, Mavọ ma vwọ tua wẹ te vwo! gbenẹ, amrẹ otọ rẹ ota na vwẹ evun rọye,

Une rẹ Ejiro 119:3

I ri ruẹ oruchọ-ọ, ẹkẹvuọvo re yan phihọ evun rẹ idjerhe rọye!

Livitikọs 11:37

I de rhe she teye emamọ ra cha kọn jovwo ka je kọn ayen yọ fonro,

Matiu 7:18

Urhe esiri sa mọ omamọ ọbrabra-a, urhe ọbrabra sa mọ emamọ esiri-i.

Iyẹnrẹ Esiri ri Jọn 1:13

Ihwo re vwiẹri, ọ dia ọ rẹ obara-a eyẹ vwẹ ọhọre rẹ ugboma-a eyẹ ọhọre rẹ ohwo-o, ẹkẹvuọvo ọ rẹ Ọghẹnẹ.

Iyẹnrẹ Esiri ri Jọn 3:3

Jesu da kpahe kẹ, Uyota, uyota, me ta kẹ wẹ, jokpa nẹ e rhivwi vwiẹ ohwo-o, o sa mrẹ Ọghẹnẹ-ẹ.

Iruo rẹ Iyinkọn na 4:20

Kidie obo rẹ avwanre mrẹre kugbe ọ rẹ nyori na o vwo ọke re vwọ jẹ ayen ẹta-a.

Ọbe ri Pọl si rhe Ihwo ri Rom 6:2

Kaka vwo! Komavọ avwanre ri ghwu kẹ umwemwu obọvo nure na rhe vwo ru imwemwu ọfa?

Galesha 5:17

Kidie ẹguọnọ rẹ ugboma na mu kpahe Erhi na ọtiọye ẹguọnọ rẹ Erhi na ji mu kpahe ugboma na; kidie, ayen ivẹ na ivwighrẹ kẹ ohwohwo, o gbi jẹ uwe ru obo wọ guọnọ ru-u.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

1 Pita 1:23

A rhoma vwiẹ ovwan ọkpokpọ, ọ dianẹ kẹ ọ rẹ omamọ rọ ghwọrọ-ọ ẹkẹvuọvo ọ ro jẹ ghwọrọ, vwẹ oma rẹ ota rẹ Ọghẹnẹ rẹ arhọ na rọ dia bẹdẹ na.

1 Jọn 2:29

Ọ da dianẹ ovwan riẹnre nẹ ọvwata o ruẹ, gbe jo mu ovwan ẹro nẹ kohwo kohwo rọ dia ọvwata ejobi kẹ ọmọ rọye o ruẹ.

1 Jọn 3:6

Kohwo kohwo rọ hẹ evun rọye se ruẹ umwemwu-u; kohwo kohwo ro ruẹ umwemwu yọ je mrẹ-ẹ yọ je riẹn rhe-e.

1 Jọn 4:7

Imoni re ghare, e jẹn avwanre guọnọ ohwohwo; kidie ẹguọnọ hẹ ọ rẹ Ọghẹnẹ, ohwo ro vwo ẹguọnọ yẹ Ọghẹnẹ ri vwiẹrẹ kọ riẹn Ọghẹnẹ.

1 Jọn 5:1

Kohwo kohwo ro sere gbuyota nẹ Jesu ghine hẹ Kristi yẹ ọmọ rẹ Ọghẹnẹ o ruẹ, kohwo kohwo rọ guọnọ ọsẹ kugbe oni kọ je guọnọ ọmọ rẹ ayen vwiẹri.

1 Jọn 5:18

Avwanre riẹnre nẹ kohwo kohwo rẹ Ọghẹnẹ vwiẹri se ruẹ umwemwu-u, ẹkẹvuọvo ohwo rẹ Ọghẹnẹ vwiẹri na ọ nabọ yọnrọn, ohwo umwemwu gbe sa vwẹ obọ te-e.

1 Jọn 5:4

Kidie kohwo kohwo rẹ Ọghẹnẹ vwiẹri se phiẹ akpọ na kua; Ọnana kọye obọẹkparọ ro phi akpọ na kua na, kọye hẹ esegbuyota rẹ avwanre.

3 Jọn 1:11

Ọ rọ ghare, wọ vwẹ ẹro kere ohwo umwemwu-u ẹkẹvuọvo vwẹ ẹro kere ohwo esiri. Ohwo ro ru emu esiri yẹ ọye ọ rẹ Ọghẹnẹ; ohwo ro ruẹ umwemwu yọ je mrẹ Ọghẹnẹ-ẹ.