1 Jọn 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kohwo kohwo ro ru umwemwu yọ reabe rẹ ogbeku; umwemwu ọye hẹ ogbeku rẹ urhi.

1 Jọn 3:4 ပူးပေါင်းရင်းမြစ်များ

1 Ivie 8:47

ayen da rhe karohọ vwẹ otọ rẹ mu ayen ighuvwu ra na, ayen de kurhẹriẹ, rẹ ayen da rẹ wẹ vwẹ otọ re mu ayen ra na, tanẹ, Avwanre ru imwemwu, avwanre ru chọ brabra;

1 Ikun rẹ Ivie 10:13

Etiyin Sọl de ghwu fiki ri je segbuyota rọye, o se Ọrovwohwo gbuyota-a kidie ijẹmienyo, ọ yọnrọn urhi rẹ Ọrovwohwo-o, ọ je ra guọnọ uchuko vwẹ asan ọfa ọ je ra bọ epha

2 Ikun rẹ Ivie 24:20

Etiyin Erhi rẹ Ọghẹnẹ de re mu Zekaraya ọmọ ri Jehoiada rẹ orherẹn na; o de mudia kenu kẹ ihwo na, ọ da ta kẹ ayen, E nẹ Ọghẹnẹ tare, Die wa vwọ chọ urhi rẹ Ọrovwohwo, vwẹ ọtiọye na o rhe yovwi kẹ ovwa-an? Fikiridie wa sen Ọrovwohwo na kọ je sen ovwan.

Aizaya 53:8

Vwẹ oshenyẹ vẹ obruhwe a vwo reyọ yanran; vwọ kẹ uvwiẹ rọye, kono ro roiro nẹ e bruro kufia nẹ otọ rẹ ihwo ekpokpọ, a ghwiẹrẹ fiki rẹ ogbeku rẹ ihwo Mẹ.

Daniẹl 9:11

Izrẹl ejobi gbe urhi wẹn ku, ayen bi oma phihọ akakọ, ayen mu ọghọ kẹ urhuru wẹ-ẹn. Te ekan te iyori re duvwuru phihọ urhi ri Mosis odibo rẹ Ọghẹnẹ, keye rhi mu avwanre na, fikiridie avwanre ru umwemwu kpahọ.

Ukeri 15:31

Fikiridie ọ jẹ ota rẹ Ọrovwohwo fia, o miovwo urhi rẹ Ọrovwohwo, ke si ohwo yena nẹ oma tototo, orukuruku rọye kọ dia enu rẹ uyovwi rọye.

Matiu 5:19

Kohwo kohwo ro miovwo ọvo vwẹ irhi nana, ro de yono ihwo ghwru, ọye cha ma hanvwe vwẹ uvie rẹ odjuvwu; ẹkẹvuọvo kohwo kohwo ro ru ayen gba ro de yono ayen gba, ohwo yena re cha ma rho vwẹ uvie rẹ odjuvwu.

Iruo rẹ Iyinkọn na 23:3

Etiyin Pọl da ta kẹ, Ọghẹnẹ cha ghwiẹ wẹ, wẹ ọvwareidjotọ na! Wo tidia vwẹ ovwẹ guẹdjọ nene urhi yu wo rhe gbobọnyẹ urhi na ta nẹ a ghwiẹ vwẹ?

Ọbe ri Pọl si rhe Ihwo ri Rom 3:20

Kidie ọ vwo ohwo ọvuọvo rọ rease vwẹ obaro rọye fiki rẹ iruo rẹ urhi-i, fikiridie urhi na re nẹrhẹ e vwo eriẹnriẹn kpahe umwemwu.

Ọbe ri Pọl si rhe Ihwo ri Rom 4:15

Kidie urhi na ghwa ophu cha, ẹkẹvuọvo asan rẹ urhi epha-a urhiẹchọ sa dia-a.

2 Kọrẹnt 12:21

Oshọ mu uvwe nẹ ọke me da rhoma rhe Ọghẹnẹ mẹ gbe ru uvwe vwọ vwẹ oma kpotọ vwẹ obaro rẹ ovwan, ki mi rhe che muoma phihọ kẹ ayen otu buebu ri ru umwemwu jovwo yẹ ayen ji kurhẹriẹ nẹ ijẹfuọn, ọfaurhiẹ, kugbe ozighi rẹ ayen gbe.

Jems 5:15

Omamọ rẹ ẹrhovwo rẹ esegbuyota ko sivwi ohwo rọ họnvwan na, Ọrovwohwo kọ kparọ vrẹn; ọ da dianẹ o ru imwemwu jovwo, kẹ vwo ghovwo.

1 Jọn 5:17

Oruchọ ejobi ọye hẹ umwemwu, yẹ umwemwu ọvo herọ rọ dia o re ughwu-u.

1 Samuẹl 15:24

Sọl da ta kẹ Samuẹl, Mi ru umwemwu; kidie me cho urhi rẹ Ọrovwohwo kugbe eta wẹn, fikiridie me djẹ oshọ rẹ ihwo na mi de mu ọghọ kẹ urhuru rayen.