1 Jọn 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Nighe didi ẹguọnọ Ọsẹ na vwo kẹ avwanre, rere e vwo se avwanre emọ rẹ Ọghẹnẹ; kẹ ọtiọye avwanre epha. Fiki rẹ ọtiọye na akpọ na rha riẹn avwanre-e, fikiridie ọ je riẹ-ẹn.

1 Jọn 3:1 ပူးပေါင်းရင်းမြစ်များ

2 Samuẹl 7:19

Ọnana jẹn nẹ emu otete vwẹ obaro wẹn Ọrovwohwo Ọghẹnẹ, Wọ je ta ota kpahe oma rẹ uwevwi rẹ odibo wẹn, vwẹ ọke grogro rọ cha, wọ da rha vwẹ uvwiẹ rọ cha dia vwẹ ẹdẹfa vwọ nẹ vwẹ E Ọrovwohwo Ọghẹnẹl

Une rẹ Ejiro 31:19

E mavọ erhuvwu wẹn bute, ru wọ rhuẹrẹ kpahe kẹ ihwo re dje oshọ wẹn, ru wo ru kẹ ihwo ri si oma rayen nu vwẹ evun wẹn, vwẹ obaro rẹ emọ rẹ ihwo.

Jerimaya 3:19

Mi de roro nẹ komavọ mi vwo se phi we phihọ ohri rẹ emọ mẹ, re me vwẹ otọ esiri na kẹ ovwan uku ro me yovwi vwẹ irere na ejobi. Ki mi ji roro nẹ ovwan che se vwe, Ọsẹ mẹ, nẹ ovwan gbi che nene uvwe-e

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Iyẹnrẹ Esiri ri Luk 20:36

Kidie ayen gbi che se ghwu ọfa-a, fikiridie ayen vẹ emakashe na kẹ abavo ayen kẹ emọ rẹ Ọghẹnẹ, ayen kẹ emọ rẹ evrẹnushi.

Iyẹnrẹ Esiri ri Jọn 1:12

Ẹkẹvuọvo vwọ kẹ ihwo re reyerọ ejobi, ri se odẹ rọye gbuyota, ọ kẹ ayen ogangan rere ayen rhe vwọ dia emọ rẹ Ọghẹnẹ.

Iyẹnrẹ Esiri ri Jọn 11:52

ọ je dia ẹgborho na ọvo-o, ẹkẹvuọvo ro vwo se emọ rẹ Ọghẹnẹ re hrabọ ro isi na ejobi koko phihọ ọvuọvo.

Iyẹnrẹ Esiri ri Jọn 15:21

Ẹkẹvuọvo enana ejobi na ayen che vwo ru ovwan vwi fiki mẹ, fikiridie ayen riẹn ọ ro ji vwe rhe na-a.

Iyẹnrẹ Esiri ri Jọn 16:3

Ayen che ru ọnana fikiridie ayen je riẹn Ọsẹ na vwo, siẹvo kẹ omẹvwẹ-ẹ.

Iyẹnrẹ Esiri ri Jọn 17:25

E Ọsẹ rẹ ọvwata, akpọ na je riẹn wẹ-ẹn, ẹkẹvuọvo me riẹn wẹn; yẹ enana riẹnre nẹ wẹ ri ju vwe rhe.

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Ọbe ri Pọl si rhe Ihwo ri Rom 5:8

Ẹkẹvuọvo Ọghẹnẹ dje ẹguọnọ rọye kẹ avwanre nẹ ọke rẹ avwanre vwọ hẹ iruimwemwu Kristi de rhi ghwu kẹ avwanre.

Ọbe ri Pọl si rhe Ihwo ri Rom 8:19

Kidie emama na ra hẹrhẹ i ro rhẹro gangan vwọ kpahe ọke rẹ ẹvwọphia rẹ emọ rẹ Ọghẹnẹ;

Ọbe ri Pọl si rhe Ihwo ri Rom 8:21

fikiridie a cha rhan emama na nẹ ọviẹn vẹ egbo ko che vwo urinrin rẹ egbemọphẹ rẹ emọ rẹ Ọghẹnẹ.

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

2 Kọrẹnt 6:18

ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.

Galesha 3:26

Kidie vwẹ oma ri Jesu Kristi ovwan ejobi kẹ emọ rẹ Ọghẹnẹ, fiki rẹ esegbuyota.

Galesha 3:29

O da dianẹ ovwan ọ ri Kristi, yẹ ovwan kẹ uvwiẹ rẹ Ebraham ọreuku kirobo rẹ ive epha.

Urhi Rivẹ 14:1

Ovwan emọ rẹ Ọrovwohwo Ọghẹnẹ rẹ ovwan. we bru oma rẹ ovwa-an, wa je wanre uyovwi phihọ orivwi-i.

Kolose 3:3

Kidie ovwan ghwuru arhọ rẹ ovwan da hẹ obọ ri Kristi vwẹ evun rẹ Ọghẹnẹ.

1 Jọn 3:10

Vwẹ oma rẹ Ọnana kọye e vwo vughe emọ rẹ Ọghẹnẹ, kugbe emọ rẹ idẹbono. kohwo kohwo ro ru umwemwu eyẹ ro tuoma rẹ oniọvo rọye yọ dia ọmọ rẹ Ọghẹnẹ-ẹ.

1 Jọn 3:2

Imoni re ghare, asakiephana avwanre kẹ emọ rẹ Ọghẹnẹ; yẹ obo rẹ avwanre cha dia vwẹ obọ e ji vughe-e, yẹ ẹkẹvuọvo avwanre riẹnre nẹ ọke rọ da phia, avwanre ke dia kerẹ ọye, kidie avwanre ki rhie ẹro mrẹ obo rọ epha.

1 Jọn 4:17

Vwẹ evun rẹ Ọnana ẹguọnọ vwọ gba vwẹ oma rẹ avwanre, rere avwanre sa vwẹ ẹro suọ vwẹ ẹdẹ rẹ ẹdjọegno na, fikiridie obo rọ epha na ọtiọye avwanre je epha vwẹ akpọ na.

Ẹvwọphia 21:7

Ọ ro phi kparobọ kọ reuku nana, ke me dia Ọghẹnẹ rọye kọ dia ọmọ mẹ.