1 Jọn 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ohwo rọ tare nẹ ọye evun rẹ urhukpẹ nu o de rhe tuoma rẹ oniọvo rọye yọ je hẹ evun rẹ ebri rhi te ọke na.

1 Jọn 2:9 ပူးပေါင်းရင်းမြစ်များ

2 Samuẹl 13:22

Ẹkẹvuọvo Absalọm rha kpahe ota ọbrabra yẹrẹ oyoyovwi kẹ Amnọn rẹ omoni rọye-e. Kidie oma ri Amnọn ko tu Absalọm, fikiridie ọ gba oniọvo rọye Tama du.

Une rẹ Ejiro 82:5

Ayen vwẹ erianriẹn eyẹ ẹruọ-ọ, ayen ra yan vwẹ evun re ebri ighere rẹ akpọ na ejobi ki che kpogho.

Livitikọs 19:17

Wo tuoma rẹ omoni wẹn vwẹ udu wẹ-ẹn, ẹkẹvuọvo wa vẹ ọrivẹ rẹ ovwan jẹ iroro kugbe, o rha dia ọtiọye-e ku wo che ru umwemwu fiki rọye.

Iyẹnrẹ Esiri ri Jọn 9:41

Jesu da ta kẹ ayen, Ọ dianẹ kẹ ovwan rhuẹro, ovwan rha re abe-e; ẹkẹvuọvo asakiephana re ovwan vwọ ta nẹ, Avwanre mrẹ orẹ, kọye abe rẹ ovwan vwo chekọ na.

Iruo rẹ Iyinkọn na 1:15

Vwẹ ẹdẹ yena Pita de mudia uherevie rẹ imoni na unu rẹ ihwo na da dia oma rẹ ujosan, ọ da ta,

2 Pita 1:9

Kidie ohwo kohwo rẹ imu nana kanre yo rhuẹro yẹ orẹmrẹ rọye sheri-i yọ gbe rha karohọ nẹ a hworhẹ ọye nẹ imwemwu rẹ awanre na-a.

1 Jọn 1:6

Avwanre da ta nẹ avwanre vẹ ọye vwo okugbe yẹ avwanre rhoma yan vwẹ evun rẹ ebri, yẹ ofian avwanre vwọrọn yẹ avwanre gbe rha ta uyota-a;

1 Jọn 2:11

Ẹkẹvuọvo ohwo ro tuoma rẹ oniọvo rọye yọ hẹ evun rẹ ebri, evun rẹ ebri kọye o de muẹ yan, yọ riẹn asan rọ ra-a, fikiridie ebri na rhuro ẹro.

1 Jọn 2:4

Ohwo rọ tare nẹ, me riẹnrẹ, rọ gbe rha yọnre irhi rọye-e kẹ ọvwọrọn ofian, yẹ uyota na rhere-e;

1 Jọn 3:10

Vwẹ oma rẹ Ọnana kọye e vwo vughe emọ rẹ Ọghẹnẹ, kugbe emọ rẹ idẹbono. kohwo kohwo ro ru umwemwu eyẹ ro tuoma rẹ oniọvo rọye yọ dia ọmọ rẹ Ọghẹnẹ-ẹ.

1 Jọn 4:20

Ohwo da tanẹ, Me guọnọ Ọghẹnẹ, yo tuoma re oniọvo rọye, yẹ ọvwọrọn ofian o ruẹ; kidiẹ ohwo rọ sa guọnọ oniọvo rọye ro rhie ẹro mrẹ-ẹ, komavọ o ru sa guọnọ Ọghẹnẹ re jẹ sa mrẹ.