1 Jọn 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Yẹ urhi ọkpokpọ mi siẹ rhe ovwan na, rọ hẹ uyota vwẹ oma rọye kugbe evun rẹ ovwan, fikiridie ebri na ra wanvrẹn re yẹ urhukpẹ rẹ uyota na hiro lo re.

1 Jọn 2:8 ပူးပေါင်းရင်းမြစ်များ

Une rẹ Ejiro 27:1

Ọrovwohwo ọye urhukpẹ mẹ kugbe esivwo mẹ, kono me djẹ oshọ rọye? Ọrovwohwo ọye ogba ogangan rẹ arhọ mẹ; kẹ oshọ rẹ ono ri rhe mu vwe?

Une rẹ Ejiro 36:9

Kidie obọ wẹn ọye ogbugbu rẹ arhọ epha, vwẹ evun rẹ urhukpẹ wẹn etiyin ma da mrorẹ.

Une rẹ Ejiro 84:11

Kidiẹ Ọrovwohwo rẹ Ọghẹnẹ ọyẹ ọnre vẹ ekpọfia; ọye kẹ ohwo ẹroesiri vẹ ọghọ. O vwo emuesiri ọvuọvo rẹ Ọrovwohwo se sinu kẹ ihwo re yanre phiọphiọ-ọ.

Aizaya 9:2

Ihwo re yan vwẹ evun rẹ ebri jovwo rhe mrẹ urhukpẹ rode, ihwo re dia otọ rẹ ebri hwi, ayen urhukpẹ la mu.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Matiu 4:16

Ihwo ri tidia vwẹ evun rẹ ebri ayen mrẹ urhukpẹ rode, kugbe ihwo re hẹ uhoho rẹ ughwu, Arhọ ọkpokpọ de bru ayen rhe.

Iyẹnrẹ Esiri ri Luk 1:79

ro lo mu ihwo re hẹ ebri kugbe uhoho rẹ ughwu, ro sun avwanre vwẹ idjerhe rẹ ufuoma.

Iyẹnrẹ Esiri ri Jọn 1:9

Urhukpẹ rẹ uyota rọ vwẹ elo kẹ ohwo kohwo rọ cha akpọ na.

Iyẹnrẹ Esiri ri Jọn 12:35

Jesu da ta kẹ ayen, Urhukpẹ na vẹ ovwan je dia kri emerha. Ovwan yan vwẹ ọke na rẹ urhukpẹ vwọ herọ na; ọ dia ọtiọye-e ebri na che muẹ ghene ovwan; ohwo rọ yan vwẹ evun rẹ ebri riẹn asan rọ ra-a.

Iyẹnrẹ Esiri ri Jọn 12:46

Me rhere kerẹ urhukpẹ vwẹ evun rẹ akpọ na, rere ohwo kohwo ro se vwe gbuyota vwo jẹ ebri ẹdia.

Iyẹnrẹ Esiri ri Jọn 13:34

Urhi ọkpokpọ mi ji kẹ ovwan nẹ, ovwan guọnọ ohwohwo; kirobo re me guọnọ ovwan na ọtiọye ovwan je guọnọ ohwohwo rhe.

Iyẹnrẹ Esiri ri Jọn 8:12

Jesu da rhoma ta kẹ ayen, tanẹ, Mẹvwẹ hẹ urhukpe rẹ akpọ na; ohwo ro nene uvwe ọ gbe sa yan vwẹ evun rẹ ebrii, ẹkẹvuọvo ko vwo urhukpe rẹ arhọ.

Iruo rẹ Iyinkọn na 17:30

Ọke rẹ ughẹghẹ Ọghẹnẹ vwo ku opharo fia, ẹkẹvuọvo asakiephana o de ji urhi kẹ ihwo ejobi vwi kasan kasan nẹ e kurhẹriẹ,

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ọbe ri Pọl si rhe Ihwo ri Rom 13:12

ọke na kpo krire, ọke na che rhiere. E gbe jẹn avwanre siobọ nẹ iruo rẹ ebri na re avwanre ku ewun rẹ urhukpẹ na phihọ.

2 Kọrẹnt 8:9

Kidie ovwan riẹn ẹserọphẹ rẹ Ọrovwavwanre Jesu Kristi na nẹ, dede nẹ obo ro fe te na, yẹ fiki rẹ avwanre ọ da rhe dia ogbere, rere vwẹ oma rẹ ogbere roye avwanre vwọ mrasan fe.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

2 Timoti 1:10

asakiephana kọ vwe rọ phia vwẹ oma rẹ ẹcha rẹ Ọsivwi rẹ avwanre Kristi Jesu, rọ guọghọ ogangan rẹ ughwu nu ọ da kẹ avwanre urhukpẹ rẹ arhọ vẹ ijeghwo fiki rẹ iyẹnrẹ esiri na.

1 Pita 1:21

Oma rọye ovwan wan vwẹ ẹro so Ọghẹnẹ, rọ kpaherọ nẹ ughwu rhe rọ da vwẹ urinrin kẹ, ọtiọye na te esegbuyota rẹ ovwan kugbe iphiẹrohọ rẹ ovwan e hẹ evun rẹ Ọghẹnẹ.

1 Jọn 3:23

Ọnana kọye hẹ urhi rọye, nẹ avwanre se odẹ rẹ Ọmọ rọye Jesu Kristi gbuyota ra guọnọ ohwohwo, kirobo ro ji urhi kẹ avwanre.

1 Jọn 4:11

Imoni re ghare, ọ da dianẹ Ọghẹnẹ guọnọ avwanre te ọtiọye, avwanre ke je guọnọ ohwohwo rhe.

1 Jọn 4:21

Urhi nana kọye avwanre reyọ mie, nẹ ohwo rọ guọnọ Ọghẹnẹ ọ je guọnọ oniọvo rọye rhe.