1 Jọn 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Imoni mẹ, ọ dia urhi ọkpokpọ mi siẹ rhe ovwa-an, ẹkẹvuọvo urhi rẹ awanre na rẹ ovwan nyori notọrhe na; urhi rẹ awanre na ọye hẹ ota na rẹ ovwan nyori na.

1 Jọn 2:7 ပူးပေါင်းရင်းမြစ်များ

Livitikọs 19:18

Wa reihri-i eyẹ we phi ota rẹ emọ rẹ ihwo rẹ owwan phihọ evu-un, ẹkẹvuọvo ovwan guọnọ erivẹ rẹ ovwan kere omaobọ rẹ ovwan. Mẹvwẹ Ọrovwohwo na.

Livitikọs 19:34

Ọrhorha rọ kua bru we rhe kọ dia kerẹ ọmotọ vwẹ obaro wẹn, wọ Me guọnọ kirobo wọ guọnọ oma wẹn; kidie ovwan je dia erhorha vwẹ otọ rẹ Ijipt. Mẹvwẹ Ọrovwohwo rẹ Ọghẹnẹ wẹn .

Matiu 5:43

Wo ji nyo ra vwọ ta nẹ, guọnọ igbeyan wẹn, rere wọ vẹ ivwighrẹ wẹn ghwọ.

Iyẹnrẹ Esiri ri Jọn 13:34

Urhi ọkpokpọ mi ji kẹ ovwan nẹ, ovwan guọnọ ohwohwo; kirobo re me guọnọ ovwan na ọtiọye ovwan je guọnọ ohwohwo rhe.

Iruo rẹ Iyinkọn na 17:19

Ayen de shahọ phihọ ayen de kpono rhe obo Areopagọs, tanẹ, Kẹ avwanrẹ sa riẹn uyono ọkpokpọ nana ru wo yono na?

Urhi Rivẹ 6:5

wọ Me vwẹ udu wẹn ejobi, vẹ ẹnwẹn wẹn ejobi, kugbe ogangan wẹn ejobi, guọnọ Ọrovwohwo Ọghẹnẹ wẹn.

Hibru 6:9

Ẹkẹvuọvo fiki rẹ ovwan na, imoni re ghare, ọtiobo rẹ avwanre vwẹ unu kpotọ ta kẹ ovwan na, o ji mu avwanre ẹro nẹ emu esiri buebu hẹ oma rẹ ovwan ro fo esivwo.

1 Jọn 2:24

E gbe jẹn obo rẹ ovwan nyori notọrhe na dia evun rẹ ovwan. Ọ da dianẹ obo rẹ ovwan nyori notọrhe na da dia evun rẹ ovwan, ovwan ke dia evun rẹ Ọmọ na kugbe evun rẹ Ọsẹ na.

1 Jọn 3:11

Kidie Ọnana hẹ ovuẹ ra vuẹ ovwan nọtọrhe nẹ, avwanre guọnọ ohwohwo,

1 Jọn 3:2

Imoni re ghare, asakiephana avwanre kẹ emọ rẹ Ọghẹnẹ; yẹ obo rẹ avwanre cha dia vwẹ obọ e ji vughe-e, yẹ ẹkẹvuọvo avwanre riẹnre nẹ ọke rọ da phia, avwanre ke dia kerẹ ọye, kidie avwanre ki rhie ẹro mrẹ obo rọ epha.

1 Jọn 3:21

Imoni re ghare, udu rẹ avwanre rhe bruhwe avwanre-e, avwanre ki se yivwi si kẹre Ọghẹnẹ;

1 Jọn 3:23

Ọnana kọye hẹ urhi rọye, nẹ avwanre se odẹ rẹ Ọmọ rọye Jesu Kristi gbuyota ra guọnọ ohwohwo, kirobo ro ji urhi kẹ avwanre.

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

1 Jọn 4:11

Imoni re ghare, ọ da dianẹ Ọghẹnẹ guọnọ avwanre te ọtiọye, avwanre ke je guọnọ ohwohwo rhe.

1 Jọn 4:21

Urhi nana kọye avwanre reyọ mie, nẹ ohwo rọ guọnọ Ọghẹnẹ ọ je guọnọ oniọvo rọye rhe.

1 Jọn 4:7

Imoni re ghare, e jẹn avwanre guọnọ ohwohwo; kidie ẹguọnọ hẹ ọ rẹ Ọghẹnẹ, ohwo ro vwo ẹguọnọ yẹ Ọghẹnẹ ri vwiẹrẹ kọ riẹn Ọghẹnẹ.