1 Jọn 2:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ ẹkẹvuọvo kohwo kohwo rọ reyọ ota rọye, uyota yẹ ẹguọnọ rẹ Ọghẹnẹ ghare vwẹ evun rọye. Kẹ etiyin o vwo mu avwanre ẹro nẹ avwanre hẹ evun rọye.

1 Jọn 2:5 ပူးပေါင်းရင်းမြစ်များ

Une rẹ Ejiro 105:45

rere ayen vwọ sa yọnrọn iji rọye re ayen sẹro rẹ irhi rọye. Jiri Ọrovwohwo na!

Une rẹ Ejiro 106:3

Ebruba kẹ ayen otu re guọnọ ọsoso, ri ruẹ ọvwata vwẹ ọke ejobi!

Une rẹ Ejiro 119:146

Mi bunu se we, sivwi uvwe, rere me vwọ sẹro rẹ iseri wẹn.

Une rẹ Ejiro 119:2

Ebruphihọ kẹ ayen otu re yọnrọn iseri rọye, re vwẹ udu rayen ejobi guọnọ,

Une rẹ Ejiro 119:4

Wọwẹ ri ji iji kẹ avwanre nẹ, a vwẹ oma kpotọ yọnrọn.

Isẹ 28:7

Ohwo rọ yọnrọn urhi ọye omamọ rẹ ọmọ rọ ghwanre; ẹkẹvuọvo ohwo rọ dia ọgbọre nẹrhẹ oma vua ọsẹ rọye.

Isẹ 8:32

Asakiephana, emọ mẹ, kerhọn mẹ, aghọghọ kẹ ihwo ri nene idjerhe mẹ.

Aghwoghwo 8:5

Ohwo rọ yọnrọn urhi rha sa mrẹ odjadja-a, udu re ọvwaghwanre riẹn ọke vẹ idjerhe

Izikiẹl 36:27

Ki mi phi erhi mẹ phihọ evun wẹn, ki mi ru we vwọ yan nene iji mẹ wọ me rha jomaotọ sẹrọ rẹ irhi me.

Iyẹnrẹ Esiri ri Luk 11:28

Ẹkẹvuọvo ọ da ta, Ofori wọ vwọ ta, Ebruba kẹ ihwo ri nyo eta rẹ Ọghẹnẹ re da yọnrọn.

Iyẹnrẹ Esiri ri Jọn 14:21

Ohwo rọ yọnrọn irhi mẹ rọ da sẹro rẹ ayen, oyẹ hẹ ohwo rọ guọnọ ovwẹ; ohwo rọ guọnọ ovwẹ Ọsẹ mẹ kọ guọnọ, ke me guọnọ ke me vwẹ oma mẹ phia kẹ.

Iyẹnrẹ Esiri ri Jọn 14:23

Jesu da kpahe kẹ, Ọ da dianẹ ohwo guọnọ ovwẹ, ko sẹro rẹ ota mẹ, Ọsẹ mẹ kọ guọnọ avwanre ki bro rhe avwanre vẹ ọye ke gba dia uwevwi.

Iyẹnrẹ Esiri ri Jọn 15:5

Mẹvwẹ hẹ vain na, ovwan kẹ ẹghọn na. Ọ rọ herọ vwẹ evun mẹ, re me da hẹ evun rọye, ọye ọ rọ sa mọ ini buebu, kidie ovwan de si oma nẹ uvwe ovwan se ru emuọvo-o.

Iyẹnrẹ Esiri ri Jọn 6:56

Ohwo rọ re uvwo mẹ rọ da da ọbara mẹ kọ dia vwẹ evun mẹ, ke me je dia evun rọye.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

2 Kọrẹnt 5:17

Vwẹ ọtiọye na, ọ da dianẹ ohwo hẹ evun ri Kristi, ohwo yena kẹ ẹma ọkpokpọ; ọ rẹ awanre wanvrẹn re, nighere ọkpokpọ na rhire.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Jems 2:22

Wọ mrẹre nẹ esegbuyota vwọ ba iruo rọye vwi fiki rẹ iruo na kọye a vwọ mrẹ esegbuyota na vughe.

1 Jọn 3:24

Ihwo ejobi re yọnrọn urhi rọye ke dia vwẹ evun rọye, okpuyovwi rọye kọ dia evun rẹ ayen. Vwẹ oma rẹ Ọnana kọye avwanre vwọ riẹn nẹ ọ hẹ evun rẹ avwanre, vwẹ oma rẹ Erhi na rọ vwọ kẹ avwanre.

1 Jọn 4:17

Vwẹ evun rẹ Ọnana ẹguọnọ vwọ gba vwẹ oma rẹ avwanre, rere avwanre sa vwẹ ẹro suọ vwẹ ẹdẹ rẹ ẹdjọegno na, fikiridie obo rọ epha na ọtiọye avwanre je epha vwẹ akpọ na.

1 Jọn 4:18

Ẹguọnọ vwo oshọ-ọ, ẹkẹvuọvo omamọ rẹ ẹguọnọ rọ ghare djẹ oshọ kuẹfia; kidie oshọ vẹ ehwe re gba yan, yẹ ohwo rọ djẹ oshọ ẹguọnọ rọye gbare-e.

1 Jọn 5:2

Vwẹ oma rẹ Ọnana avwanre vwọ riẹn nẹ avwanre guọnọ emọ rẹ Ọghẹnẹ, vwẹ ọke rẹ avwanre da guọnọ rẹ avwanre de mu ọghọ kẹ urhi rọye.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.

2 Jon 1:6

Ọnana hẹ ẹguọnọ na, nẹ avwanre nene urhi rọye; Ọnana kọye hẹ urhi na, kirobo ru wo nyori notọrhe na, nẹ wo nene ẹguọnọ.

Ẹvwọphia 12:17

Ophu de rhi mu Okpodje kpahe ayen na gangan o de re nene emọ rọye ri chekọ phi ofovwi, e re yọnrọn irhi rẹ Ọghẹnẹ na kugbe iseri ri Jesu. O de mudia vwẹ enu rẹ ehavwo rẹ abadi na.

Ẹvwọphia 14:12

Kẹ etinẹ a da mrẹ odiri rẹ ihwo efuanfon na vugbe, ayen otu re yọnre irhi rẹ Ọghẹnẹ kugbe esegbuyota ri Jesu.