1 Jọn 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Emọ mẹ, mi si eta nana rhe ovwan rere ovwan vwo jẹ umwemwu eruo; ẹkẹvuọvo ohwo de ru umwemwu, avwanre vwo obruche ọvo vwẹ obọ rẹ Ọsẹ, Jesu Kristi rẹ ọvwata na;

1 Jọn 2:1 ပူးပေါင်းရင်းမြစ်များ

Une rẹ Ejiro 4:4

Mu ophu, ẹkẹvuọvo wọ ru umwemwu-u; nene udu wẹn gbe ikun vwẹ enu rẹ ehwa wẹn, re wọ fọ gbiẹi.

Izikiẹl 3:21

Ẹkẹvuọvo wo de rhe ghwoghwo kẹ ọvwata nẹ o ruẹ imwẹmwm-u, o rhe ghine ru umwemwu-u kọ ghene rhọ, fikiridie ọ reyọ eghwoghwo wẹn, yẹ ekpuyovwi wẹn ji sivwi arho wẹn rhọ.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Iyẹnrẹ Esiri ri Luk 10:22

Ọsẹ mẹ vwẹ emu na ejobi kẹ vwẹ; yẹ ohwo ọvuọvo riẹn ọmọ na-a jokpa rẹ Ọsẹ na, eyẹ ohwo ọvuọvo riẹn Ọsẹ na-a jokpa rẹ ọmọ na kugbe ohwo rẹ ọmọ na vwe rọ phia kẹ.

Iyẹnrẹ Esiri ri Jọn 10:15

kirobo rẹ Ọsẹ na riẹn vwẹ na eriyin me je riẹn Ọsẹ na; me da vwẹ arhọ mẹ kpahe otọ kẹ igodẹ na.

Iyẹnrẹ Esiri ri Jọn 13:33

Emọ na, ọmọke krẹ ri chekọ re mẹ vẹ ovwan vwọ dia. Ovwan cha guọnọ ovwẹ; kirobo re me ta kẹ otu ri Ju na ọtiọye me je ta kẹ ovwan na. Asan re me ra na ovwan se te-e.

Iyẹnrẹ Esiri ri Jọn 14:16

Ke me rẹ Ọsẹ na, kọ vwẹ Obruche ọfa kẹ ovwan, rọ vẹ ovwan gbe dia bẹdẹ,

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iyẹnrẹ Esiri ri Jọn 21:5

Jesu da ta kẹ ayen, Emọ na, we vwo emeri? Ayen da kpahe kẹ, Ẹjo.

Iyẹnrẹ Esiri ri Jọn 5:14

Ukuko rọye re, Jesu da mrẹ vwẹ evun rẹ uwevwi rẹ ẹga na, ọ da ta kẹ, Nighe, oma wẹ kpo re. Wo gbi ruẹ imwemwu ọfa-a, rere emu ro miovwi nọ ọtiọna vwo jẹ uwe ẹvwa.

Iyẹnrẹ Esiri ri Jọn 5:36

Ẹkẹvuọvo iseri ri mi vwori rhonọ ọ ri Jọn; kidie iruo rẹ Ọsẹ mẹ vwọ kẹ vwẹ ni mi ru gba, iruo nana dẹn ri mi ruẹ na, se oseri kẹ vwẹ nẹ Ọsẹ na ri ji vwe rhe.

Iyẹnrẹ Esiri ri Jọn 6:27

Ovwan wian owian fiki rẹ emuọre rọ ghwọrọ-ọ; ẹkẹvuọvo fiki rẹ emuọre rọ tọn re te arhọ ri bẹdẹ, rẹ Ọmọ rẹ ohwo cha vwọ kẹ ovwan; kidie enu rọye ọye Ọghẹnẹ Ọsẹ na ka oka rọye phihọ.

Iyẹnrẹ Esiri ri Jọn 8:11

Ọ da ta, Kaka ohwo, Ọrovwohwo. Jesu da ta, Yi mi ji bruhwe we rhe-e; kpo, wo gbi ru umwemwu ọfa-a.

Iruo rẹ Iyinkọn na 7:52

Ono vwẹ usun re emraro na rẹ esẹ rẹ ovwan je kpokpo? Ayen de hwe otu re ke ji rhi ghwoghwo ẹcha rẹ ọvwata ọvuọvo na, ohwo rẹ ovwan vwọ re odọvwẹ we de ji hwe.

Ọbe ri Pọl si rhe Ihwo ri Rom 5:10

Ọ da dianẹ ọke rẹ avwanre vẹ ọye vwọ hẹ ọvweghrẹ na a da vwẹ ughwu rẹ Ọmọ rọye vwọ rhuẹrẹ avwanre vẹ Ọghẹnẹ kugbe, kẹ eriyin na, vwẹ asakiephana rẹ avwanre vwọ rhuẹrẹ kugbe nu na, avwanre ke rhọ fiki rẹ arhọ rọye.

Ọbe ri Pọl si rhe Ihwo ri Rom 6:15

Kidie ọfa? Avwanre gbe rhoma ru umwemwu fikiridie avwanre gbe hẹ otọ rẹ urhi-i ẹkẹvuọvo otọ rẹ ẹserọphẹ? Kaka vwo!

Ọbe ri Pọl si rhe Ihwo ri Rom 8:34

Kono e bruhwe? Ki Kristi Jesu, ro ghwuru, e, ra kpare nẹ ughwu rhe, rọ hẹ obọrhe rẹ Ọghẹnẹ, rọ ghene rẹ kẹ avwanre na?

1 Kọrẹnt 15:34

Nabọ vwẹ udu kpotọ, wo gbi ruẹ imwemwu ọfa-a. Kidie ẹvo vwọ erianriẹn rẹ Ọghẹnẹ na-a. Me ta ọnana rere oma vwọ vo ovwan.

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Galesha 4:19

Emọ mẹ, re me chuẹ uvwiẹ rayen, bẹsiẹ ri Kristi vwọ dia oma rẹ ovwan!

Ẹfesọs 2:18

Kidie oma rọye avwanre ivẹ na wan mrẹ asan vwẹ evun rẹ Erhi ọvo na vwo bru Ọsẹ na.

Ẹfesọs 4:26

Mu ophu ẹkẹvuọvo wo ru umwemwu-u; wo jẹn ọnre she kpotọ ghene ophu wẹ-ẹn,

1 Timoti 2:5

Kidie Ọghẹnẹ ọvnọvo re herọ, ovwrohọnre ọvuọvo re hẹ uvwre rẹ Ọghẹnẹ vẹ ihwo rẹ akpọ, ohwo na hẹ Kristi Jesu,

1 Timoti 3:14

Mi si eta nana rhe we kidie mi phiẹrohọ nẹ mi bru uwe cha nanana,

Hibru 9:24

Kidie Kristi ro ẹshẹ ra vwẹ obọ ru-u, uhoho rẹ ọ rẹ omamọ na, ẹkẹvuọvo okpoyovwi rẹ odjivwu dẹn, asakiephana kọ phia vwẹ obaro rẹ Ọghẹnẹ rọ rẹ kẹ avwanre.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

Jems 3:9

Ọye ọvo na me vwo jiri Ọrovwohwo rẹ ọsẹ na; ọye avwanre vwọ harha ihwo efa rẹ Ọghẹnẹ vwẹ uhoho rọye ma.

1 Pita 2:22

Ọ ru umwemwu ọvuọvo-o; a mrẹ abe vwẹ unu rọye-e.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

1 Jọn 3:18

Emọ na, we vwo ẹguọnọ rẹ unu ọvo-o eyẹ unu ẹrarọ-ọ ẹkẹvuọvo ọ rẹ uruemu kugbe uyota.

1 Jọn 3:5

Yẹ ovwan riẹnre nẹ ọ rhere rere ọ rhe ghwẹ imwemwu kufia, ye kaka umwemwu rhere-e.

1 Jọn 3:7

Emọ na, e jẹn ohwo ọvuọvo phiẹn ovwa-an. Ohwo ro ru emu esiri ọye hẹ ọvwata, kirobo rẹ ekpuyovwi rọye hẹ ọvwata na.

1 Jọn 4:4

Emọ na, ovwan kẹ emọ rẹ Ọghẹnẹ, ovwan ji phi ayen kua nure; kidie ohwo rọ hẹ evun rẹ ovwan na rhonọ ohwo rọ hẹ evun rẹ akpọ na.

1 Jọn 5:17

Oruchọ ejobi ọye hẹ umwemwu, yẹ umwemwu ọvo herọ rọ dia o re ughwu-u.

1 Jọn 5:21

Emọ na, we si oma rẹ ovwan nẹ ẹdjọ.

3 Jọn 1:4

O rhe vwo omavwerhe ọfa mi vwo nẹ ọnana-a, ri mi vwo nyo nẹ emọ mẹ nene uyota na.