1 Jọn 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Avwanre ki siẹ ọnana rere aghọghọ rẹ avwanre vwọ gba.

1 Jọn 1:4 ပူးပေါင်းရင်းမြစ်များ

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Iyẹnrẹ Esiri ri Jọn 15:11

Imu nana me ta kẹ ovwan, rere aghọghọ mẹ vwọ sa dia evun rẹ ovwan, rere aghọghọ rẹ ovwan yena vwọ vọn.

Iyẹnrẹ Esiri ri Jọn 16:24

Rhi te ọke nana ovwan je nọ emuọvo vwẹ odẹ mẹ-ẹ; nọ, kẹ ovwan mrẹ reyọ, rere aghọghọ rẹ ovwan vwọ vọn.

Iyẹnrẹ Esiri ri Jọn 3:29

Ọ rọ yanvwe ọpha ọye hẹ ọshare rẹ ọpha; ugbeyan rẹ ọshare rẹ ọpha na, ro mudia kẹrẹ ro nyo ota rọye, oma ra vwerhọn vwẹ urhuru rẹ ọpha na ro nyo; vwẹ ọtiọye na aghọghọ mẹ na kẹ ọvọnvọn.

2 Kọrẹnt 1:24

O dianẹ avwanre suẹn esegbuyota rẹ ovwa-an, avwanre nene ovwan ruẹ iruo fiki rẹ aghọghọ rẹ ovwan, kidie we mudia gan vwẹ esegbuyota rẹ ovwan.

Ẹfesọs 3:19

kugbe ra riẹn ẹguọnọ ri Kristi rọ rhonọ erianriẹn, rere wa vwọ sa vọn vẹ ọvọnvọn rẹ Ọghẹnẹ.

1 Jọn 2:1

Emọ mẹ, mi si eta nana rhe ovwan rere ovwan vwo jẹ umwemwu eruo; ẹkẹvuọvo ohwo de ru umwemwu, avwanre vwo obruche ọvo vwẹ obọ rẹ Ọsẹ, Jesu Kristi rẹ ọvwata na;

2 Jon 1:12

Dede nẹ mi vwo emu buebu ri mi che si rhe we, ye me sa vwẹ ọbe vẹ amu vwo sio-o, ẹkẹvuọvo mi phiẹrohọ rẹ me cha mrẹ wẹ ke me vẹ owẹ hirhe aro ku ohwohwo da ta ota, rere aghọghọ rẹ avwanre vwọ gba.