1 Jọn 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ rẹ avwanre mrẹre rẹ avwanre nyori kọye avwanre ghwoghwo kẹ ovwan na, rere avwanre vẹ ovwan vẹ ovwan vwo okugbe ọvo; okugbe rẹ avwanre ọ hẹ obọ rẹ Ọsẹ na kugbe Ọmọ rọye Jesu Kristi.

1 Jọn 1:3 ပူးပေါင်းရင်းမြစ်များ

ỌBE RẸ JOB 13:1

No, ẹro mẹ mrẹ enana ejobi re, erhọn mẹ nyori mi de vughe.

Une rẹ Ejiro 2:7

Mi gbe ikun rẹ urhi rẹ Ọrovwohwo, Ọ ta kẹ vwẹ nẹ, we ọmọ mẹ, nonẹ na mi vwiẹ wẹ.

Une rẹ Ejiro 22:22

Mi se odẹ wẹn kẹ imoni mẹ vwẹ uherevie rẹ ukoko rode mi de jiri uwe.

Aizaya 66:19

ke Me cha vwẹ oka vi vwẹ uherevie rẹ ayen. Vwẹ uherevie rẹ ayen ri ghwu chekọ na mi de ji ihwo kpo ẹgborho na, kpo Tarshish, Put, kugbe Lud, ri siẹ umurhabọ, kpo Tubal kugbe Javan, re te erhuru re hẹ ogboko na, ri ji nyo usi mẹ-ẹ eyẹ mrẹ urinrin mẹ-ẹ; ayen ki che ghwoghwo urinrin mẹ vwẹ ohri re ẹgborho na.

Ukeri 10:32

Ọ da dianẹ wọ vẹ avwanre rare, obo ri yovwiri ejobi rẹ Ọrovwohwo che ru kẹ avwanre, ọtiọye rhe avwanre ji ru kẹ ovwan.

Iyẹnrẹ Esiri ri Jọn 17:11

Asakiephana me gbe hẹ akpọ na ọfa-a, ẹkẹvuọvo ayen hẹ evun rẹ akpọ na, mi bru uwe cha. Ọsẹ Ọfuanfon, sẹro rayen vwẹ odẹ wẹn ru wọ vwọ kẹ ovwẹ, rere ayen sa vwọ dia ọvo, mrẹmrẹ kirobo rẹ avwanre hẹ ọvo na.

Iyẹnrẹ Esiri ri Jọn 17:21

rere ayen ejobi vwọ dia ọvo; kirobo rẹ owẹ, rẹ Ọsẹ, hẹ evun mẹ, re me da hẹ evun wẹ, rere ayen je vwọ dia evun rẹ avwanre rhe, ọtiọye na akpọ na ki segbuyota nẹ wọwẹ ri ji vwe rhe.

Iyẹnrẹ Esiri ri Jọn 17:25

E Ọsẹ rẹ ọvwata, akpọ na je riẹn wẹ-ẹn, ẹkẹvuọvo me riẹn wẹn; yẹ enana riẹnre nẹ wẹ ri ju vwe rhe.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iyẹnrẹ Esiri ri Jọn 19:35

Ọ rọ mrẹrẹ na ri se iseri–iseri rọye uyota–rere ovwan vwo se segbuyota.

Iruo rẹ Iyinkọn na 13:32

Iyẹnrẹ esiri na kọye avwanre ghwa rhe ovwan na nẹ obo rẹ Ọghẹnẹ vẹ kẹ esẹ na,

Iruo rẹ Iyinkọn na 13:41

Nighe, ovwan ejejefian, jo gbe ovwan unu, re ovwan ghwọrọ kidie mi ru iruo vwẹ ọke rẹ ovwan, iruo rẹ ovwan che se segbuyota-a, ọ da dianẹ ohwo djere kẹ ovwan.

Iruo rẹ Iyinkọn na 2:42

Kọke kọke ayen vwo koko vwẹ uyono rẹ iyinkọn na ayen me re kugbe ayen me nẹ ẹrhovwo kugbe.

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.

Iruo rẹ Iyinkọn na 4:20

Kidie obo rẹ avwanre mrẹre kugbe ọ rẹ nyori na o vwo ọke re vwọ jẹ ayen ẹta-a.

Ọbe ri Pọl si rhe Ihwo ri Rom 15:27

O je ayen nẹ ayen ruo, uyota ayen reosa rẹ ayen, ọ da dianẹ otu ri Keferi na rhi vwo ẹkẹn vwẹ ebruphihọ rẹ erhi na, ke je vwẹ abọvo rẹ iruo rẹ ayen rẹ ayen vwọ vwẹ ebruphihọ rẹ ugboma rẹ ayen vwọ ga ayen.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

1 Kọrẹnt 1:9

Ọghẹnẹ ohwo rẹ uyota, oma rọye a wan se ovwan rhe okugbe rẹ Ọmọ roye, Jesu Kristi Ọrovwavwanre.

1 Kọrẹnt 15:1

Imoni, me guọnọre nẹ me karohọ ovwan, iyẹnrẹ esiri ri mi ghwoghwo kẹ ovwan, rẹ ovwan reyọre, rẹ ovwan mudia phihọ,

2 Kọrẹnt 13:14

Ẹserọphẹ rẹ Ọrovwohwo Jesu Kristi kugbe ẹguọnọ rẹ Ọghẹnẹ kugbe ugbeyan rẹ Erhi Ọfuanfon nene ovwan ejobi dia.

Ẹfesọs 3:6

Kọye hẹ, obo ri Keferi na koko reuku na kugbe, rẹ ayen da dia ekuakua rẹ ugboma ọvuọvo na, kugbe ayen otu ri ji vwo obọ vwẹ ive na vwẹ evun ri Kristi Jesu vwẹ oma rẹ iyẹnrẹ esiri na.

Filipae 1:7

O shehọ kẹ vwẹ mi vwo vwo iroro nana kpahe ovwan ejobi, fikiridie ovwan epha ghaghare vwẹ obọ mẹ, kidie ovwan ejobi vẹ ovwẹ ri gbe koko vwo obọ vwẹ ẹserọphẹ na, te evun rẹ uwodi re me epha kugbe ochọ ẹchọ kugbe orugan rẹ iyẹnrẹ esiri na.

Filipae 2:1

Vwẹ ọtiọye na ọ da dianẹ uchebro herọ vwẹ evun ri Kristi, oruru rẹ ẹguọnọ da herọ, we de vwo obọ vwẹ evun rẹ Erhi na, ọhoho kugbe uvwerhe,

Filipae 3:10

rere me vwọ riẹn vẹ ogangan rẹ evrẹnushi rọye, rere me je ghare ẹkẹn reyọ vwẹ oja rọye, re me vwọ họhọ vwẹ evun rẹ ughwu rọye,

Kolose 1:13

Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

1 Tẹsalonaika 1:10

rere a hẹrhẹ Ọmọ rọye ro che nẹ odjuvwu rhe, rọ kpare nẹ ughwu rhe, Jesu ro sivwi avwanre nẹ ophu rọ cha.

1 Timoti 6:2

Ihwo ri vwo inini ri segbuyota wa jẹ ayen fia-a kidie imoni ovwan ruẹ; ẹkẹvuọvo we rhie evun ga ayen fikiridie ihwo re cha re erere rẹ owian rẹ ovwan na je vwẹ ihwo ri segbuyota imoni re ghare. Vwẹ imu nana yono ayen.

Hibru 2:12

tanẹ Mi ghwoghwo odẹ wẹn kẹ imoni mẹ, vwẹ uherevie rẹ otu buebu mi de jiri uwe.

Hibru 3:1

Fiki rẹ ọtiọye na, imoni re fonro, ri vwo obọ vwẹ use rẹ obo odjuvwu na, gbe roro Jesu, ọyinkọn kugbe orherẹn rode rẹ avwanre rhọvwere na.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

2 Pita 1:16

Kidie avwanre nene ona rẹ esia ẹrhọghọ-ọ vwẹ ọke rẹ avwanre vwo dje ogangan na kugbe ẹcha rẹ Ọrovwavwanre Jesu Kristi kẹ ovwa-an, ẹkẹvuọvo avwanre rhie ẹro mrẹ avwanre jẹ dia iseri rẹ ọrho rọye.

1 Jọn 1:1

Ọ rọ herọ notọrhe, rẹ avwanre nyori na, rẹ avwanre vwẹ ẹro mrẹ na, rẹ avwanre vugheri rẹ obọ rẹ avwanre mu yọnre na, vwọ kpahe ota rẹ arhọ na–

1 Jọn 1:5

Ovuẹ nana rọ vuẹ avwanre na kọye avwanre ghwoghwo kẹ ovwan na, nẹ Ọghẹnẹ hẹ urhukpẹ kaka emebri ọvuọvo rhere-e.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.