1 Jọn 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² arhọ ra vwọ phia na, avwanre mrẹrẹ, avwanre dia oseri kẹ, arhọ yena ri bẹdẹ na rọ hẹ obọ rẹ Ọsẹ na ra vwọ phia kẹ avwanre na kọye e ghwoghwo kẹ ovwan na–

1 Jọn 1:2 ပူးပေါင်းရင်းမြစ်များ

Iyẹnrẹ Esiri ri Jọn 1:18

Ohwo ọvuọvo je mrẹ Ọghẹnẹ na dẹvo-o; Ọmọ ọvuọvo na, rọ hẹ agada rẹ Ọsẹ na, ọye re nẹrhẹ a riẹn.

Iyẹnrẹ Esiri ri Jọn 1:4

Oma rọye arhọ epha, arhọ na kọye hẹ urhukpẹ rẹ ihwo.

Iyẹnrẹ Esiri ri Jọn 10:28

me da kẹ ayen arhọ ri bẹdẹ, ayen gbe ghwọrọ-ọ, ohwo ọvuọvo se fru ayen nẹ obọ mẹ-ẹ.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iyẹnrẹ Esiri ri Jọn 15:27

Ovwan je hẹ Iseri rhe, fikiridie ovwan vẹ ovwẹ gba herọ notọrhe.

Iyẹnrẹ Esiri ri Jọn 16:28

Obọ rẹ Ọsẹ na mi nurhe me da rhe evun rẹ akpọ na; ọfa, mi ji che nẹ akpọ na rhivwi bru Ọsẹ na ra.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Iyẹnrẹ Esiri ri Jọn 17:5

vwẹ asakiephana, Ọsẹ, gba vwẹ oma wẹn ọvo wan vwẹ urinrin kẹ vwẹ vẹ urinrin ri mi vwori vwẹ obaro wẹn tavwẹ rẹ a ke ma akpọ na.

Iyẹnrẹ Esiri ri Jọn 19:35

Ọ rọ mrẹrẹ na ri se iseri–iseri rọye uyota–rere ovwan vwo se segbuyota.

Iyẹnrẹ Esiri ri Jọn 21:14

Asakiephana ọnana kọye asiarha ri Jesu vwẹ oma phia kẹ idibo na ro vwo vrẹn nẹ ughwu na.

Iyẹnrẹ Esiri ri Jọn 3:13

Ohwo ọvuọvo ji yeri kpo obo odjuvwu dẹvo-o ẹkẹvuọvo ọ ro wotọ nẹ obo odjuvwu rhe na, ọye hẹ Ọmọ rẹ ohwo na.

Iyẹnrẹ Esiri ri Jọn 7:29

Me riẹnrẹ, kidie obọ rọye mi nurhe, ọye ri ji vwe rhe.

Iyẹnrẹ Esiri ri Jọn 8:38

Me ta ota rẹ obo re me mrẹre vwẹ obọ rẹ Ọsẹ mẹ, yẹ ovwan ruẹ obo ru we nyo mie ọsẹ rẹ ovwan.

Iruo rẹ Iyinkọn na 1:22

nẹ ẹtuohọ rẹ ame–ereyọ ri Jọn–bẹsiẹ ra vwọ reyọ kpo odjuvwu jẹ avwanre vwo na, re je herọ rhi te nonẹ na, a gba reyọ ohwo ọvo vwẹ usun rayen na rere o nene avwanre se oseri rẹ evrẹnushi rọye na.

Iruo rẹ Iyinkọn na 10:41

ọ dianẹ kẹ ihwo na ejobi-i ẹkẹvuọvo vwọ kẹ avwanre ọvo rẹ Ọghẹnẹ jẹreyọ ne dia iseri, ihwo re vẹ ọye gba re re vẹ ọye gba da vwẹ ọke ro vwo vrẹn nẹ ughwu nu.

Iruo rẹ Iyinkọn na 2:32

Jesu nana ọye Ọghẹnẹ kpare vrẹn, avwanre ejobi nana iseri kẹ.

Iruo rẹ Iyinkọn na 3:15

Ovwan de hwe ọ ro vwo arhọ, ohwo rẹ Ọghẹnẹ kpare vrẹn nẹ ughwu na. Ọna avwanre hẹ iseri rọye na.

Iruo rẹ Iyinkọn na 5:32

Avwanre kẹ iseri rẹ emu nana ejobi, ọtiọye je hẹ Erhi Ọfuanfon na rẹ Ọghẹnẹ vwọ kẹ ayen otu ri mu ọghọ kẹ.

Ọbe ri Pọl si rhe Ihwo ri Rom 8:3

Kidie obo rẹ urhi na se ru-u, rọ vwọ hẹ ọvwiẹrẹ fiki rẹ ugboma na, Ọghẹnẹ de ji Ọmọ rọye rhe vwẹ oma rẹ ohwo rẹ akpọ rọ vọnre vẹ umwemwu, o de vwo ze kẹ umwemwu, rere o vwo bruhwe umwemwu vwẹ ugboma,

Galesha 4:4

Ẹkẹvuọvo, rẹ ọke na rhe vwọ gbare, Ọghẹnẹ de ji ọmọ rọye na rhe, rẹ aye vwiẹri, re vwiẹri vwẹ otọ rẹ urhi na,

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

2 Timoti 1:10

asakiephana kọ vwe rọ phia vwẹ oma rẹ ẹcha rẹ Ọsivwi rẹ avwanre Kristi Jesu, rọ guọghọ ogangan rẹ ughwu nu ọ da kẹ avwanre urhukpẹ rẹ arhọ vẹ ijeghwo fiki rẹ iyẹnrẹ esiri na.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

1 Pita 5:1

Vwẹ ọtiọye na mi bru ekpako re hẹ ohri rẹ ovwan uche, kidie okpuyovwi mẹ je vwẹ okpako kugbe oseri rẹ oja ri Kristi kugbe ohwo ro ji vwo obọ vwẹ urinrin ra cha vwọ phia na.

1 Jọn 1:1

Ọ rọ herọ notọrhe, rẹ avwanre nyori na, rẹ avwanre vwẹ ẹro mrẹ na, rẹ avwanre vugheri rẹ obọ rẹ avwanre mu yọnre na, vwọ kpahe ota rẹ arhọ na–

1 Jọn 2:25

Ọnana kọye hẹ ive ro ve phihọ otọ kẹ avwanre na, kọye hẹ arhọ ri bẹdẹ na.

1 Jọn 3:5

Yẹ ovwan riẹnre nẹ ọ rhere rere ọ rhe ghwẹ imwemwu kufia, ye kaka umwemwu rhere-e.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

1 Jọn 4:14

Avwanre mrẹrẹ avwanre je hẹ iseri nẹ Ọsẹ na ji Ọmọ na rhe nẹ ọ rhe dia Osivwi rẹ akpọ na.

1 Jọn 4:2

Vwẹ oma rẹ ọnana ovwan vwọ riẹn Erhi rẹ Ọghẹnẹ; erhi kerhi rọ rhọvwere nẹ Jesu Kristi ghine rhe vwẹ ugboma yọ rẹ Ọghẹnẹ,

1 Jọn 5:11

Iseri na kẹ ọna, nẹ Ọghẹnẹ vwẹ arhọ ri bẹdẹ na kẹ avwanre, arhọ na kẹ evun rẹ Ọmọ rọye na ọ epha.

1 Jọn 5:13

Mi si ọnana rhe ovwan ri se odẹ rẹ Ọmọ rẹ Ọghẹnẹ na gbuyota, rere ovwan vwọ riẹn nẹ ovwan vwo arhọ ri bẹdẹ na.

1 Jọn 5:20

Yẹ avwanre riẹnre nẹ Ọmọ rẹ Ọghẹnẹ na rhe nure ọ da kẹ avwanre ẹruọ, ra vwọ riẹn ohwo rẹ uyota; evun rẹ ohwo rẹ uyota na kọye avwanre epha, evun rẹ Ọmọ rọye na Jesu Kristi. Ọnana hẹ Ọghẹnẹ rẹ uyota kugbe arhọ ri bẹdẹ na.