1 Ivie 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Idibo me ke cha ghwẹ ayen nẹ Lebanọn rhe rhi te abadi; ke si ayen rhi te asan re wọ guọnọre, kẹ etiyin a da bẹrẹ ayen, vwo rhe we; obo wo ru ku wọ ghwẹ ẹmuọre rhe ekru mẹ.

1 Ivie 5:9 ပူးပေါင်းရင်းမြစ်များ

1 Ivie 3:12

nighe, asakiephana ki mi ru kirobo rẹ ota wẹn epha. Nighe, Me kẹ wẹ aghwanre vẹ udu rẹ evughe, ọtiọye na a mrẹ ọkpọ wẹ rọ ka obaro kẹ wẹ-ẹ eyẹ ọkpọ wẹ rọ ka obuko kẹ wẹ-ẹ.

1 Ivie 4:20

Juda vẹ Izrẹl epha buebu kerẹ ibiekpẹn re hẹ oma rẹ urhie; ayen ria ayen, ayen je da, oma ghwa vwerhe ayen.

1 Ivie 5:10

Ọtiọye Hiram da ghwẹ uche igedu kugbe owangha ri Solomọn guọnọre vwo rhe,

1 Ivie 5:8

Hiram de ji ohwo bru Solomọn, tanẹ, Mi nyo ovuẹ ru wọ vuẹ rhe vwe; me choma mi vwo ru obo ru wọ guọnọre vwẹ oma rẹ ota re igedu na kugbe owangha.

1 Ivie 9:27

Hiram de ji idibo rọye nene ekpo na, ihwo ri biekọ rẹ abadi riẹriẹ oma, vwo kugbe idibo ri Solomọn;

2 Ikun rẹ Ivie 1:15

Ovie na de ru idọnọ vẹ oro kueku kerẹ ibieragha vwi Jerusalẹm, ọ de rhe ru igedu kueku kerẹ sikamọ ri Shẹfela

2 Ikun rẹ Ivie 2:16

avwanre ki she kurhe kurhe ru wọ guọnọre vwi Lẹbanọn, rere e phorho ayen wan urhie re fi Jọpa, rere wa dia etiyin da ghwa ayen kpo Jerusalẹm.

2 Ikun rẹ Ivie 9:22

Kẹnẹ Ovie Solomọn vwo fe nọ ivie rẹ akpọ na ọ ke je ghwanre nọ ayen.

Ezra 3:7

Ọtiọye ayen da vwẹ igho kẹ otu re ma uwevwi na vẹ otu rẹ ewena, kugbe emuọre, idi, kugbe evwri kẹ ihwo ri Sidọn kugbe ihwo ri Taya, rere ayen ghwa igedu nẹ Lẹbanọn rhe kpo obo abadi, kpo Jọpa, kirobo Sairọs ovie ri Pẹsha rhọvwe kẹ ayen.

ỌBE RẸ JOB 32:8

Ẹkẹvuọvo erhi rọ hẹ evun rẹ ohwo, ẹnwẹ rẹ Ọrovwoẹgba na, re sa vwẹ ọhọ vwọ kẹ.

Aghwoghwo 1:16

Me da ta kẹ oma mẹ, Mi vwo aghwanre rode rọ rhonọ ọ rẹ ihwo ri ke su vwi Jerusalẹm; iroro mẹ da mrẹ emu rẹ aghwanre buebu kugbe erianriẹn.

Izikiẹl 27:17

Juda kugbe otọ rẹ Izrẹl vẹ owẹ chueki; ayen me vwẹ ọka, oliv, kugbe owe re ka mọ, ọnyọn evwri kugbe udẹ vwo wene ekuakua rẹ eki wẹn.

Iruo rẹ Iyinkọn na 12:20

Vwẹ asakiephana ophu rẹ ihwo ri Taya kugbe Saidọn ko muẹ Herọd; ayen da ghwiẹ bro rhe, rẹ ayen vwo yovwunu kẹ Blastọs ọrhẹrẹ-ighẹn rẹ ovie, ayen da guọnọ arhuẹrẹ fikiridie emuorẹ rayen vwenẹ otọ rẹ ovie na a ghwa ayen nẹcha.

Urhi Rivẹ 3:25

Me rẹ wẹ, ju vwe wanvrẹn ra mrẹ otọ esiri rọ hẹ ovrẹn ri Jọdan na, ugbenu esiri yena, kugbe Lẹbanọn na.