1 Ivie 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Solomọn guọnọ Ọrovwohwo, ọ da yan nene iji ri Devid ọsẹ rọye; jẹ, o ji ze izobo, ọ je torhẹ insẹns vwẹ asan ri kpenu na.

1 Ivie 3:3 ပူးပေါင်းရင်းမြစ်များ

1 Ivie 11:34

Dede na ye me cha ghwa reyọ uvie na ejobi mie-e; ẹkẹvuọvo mi ruo vwọ dia osun vwẹ ẹdẹ rẹ akpọ rọye ejobi, fiki ri Devid odibo mẹ re me jẹreyọ, rọ yọnrọn irhi mẹ kugbe iji;

1 Ivie 11:38

Wọ da kerhọn rẹ urhi ri mi ji kẹ wẹ ejobi, wọ da yan nene idjerhe mẹ, wo de ru obo ri she phihọ vwẹ ẹro mẹ wọ da yọnrọn iji mẹ kugbe irhi mẹ, kirobo ri Devid odibo mẹ ruru, ki mi nene uwe dia, ke me bọn uwevwi rẹ uchivwo rọye ghwaotọ kẹ wẹ, kirobo re me bọn kẹ Devid, ke me vwẹ Izrẹl kẹ wẹ.

1 Ivie 11:4

Kidie ọke ri Solomọn rhe vwọ ghwore eya rọye da rhe rhẹriẹ udu rọye rhi nene ẹdjọ efa; udu rọye ki ghevweghe kpahe Ọrovwohwo Ọghẹnẹ rọye, kirobo rẹ udu ri Devid ọsẹ rọye epha.

1 Ivie 11:6

Ọtiọye na Solomọn de rhi ru obo re brare vwẹ obaro rẹ Ọrovwohwo, ọ gbe vwẹ udu rọye ejobi nene Ọrovwohwo, kirobo ri Devid ọsẹ rọye ruru-u.

1 Ivie 14:23

Kidie ayen je bọn asan ri kpenu kẹ oma rayen kugbe isunsun, vẹ ighriki vwẹ enu rẹ ugbenu kugbenu ro kpenu kugbe otọ kotọ rẹ irhe ekpokpọ;

1 Ivie 14:8

Me da bẹrẹ uvie na nẹ uwevwi ri Devid vwọ kẹ wẹ; dede na wọ rha họhọ odibo mẹ Devidi-i, rọ yọnrọn irhi mẹ, rọ da vwẹ udu rọye ejobi vwo nene uvwe, ro ruẹ obo ri yoma ọvo vwẹ ẹro mẹẹ,

1 Ivie 15:11

Asa de ru obo ri shephihọ vwẹ obaro rẹ Ọrovwohwo, kirobo ri Devid ọsẹ rọye ruru.

1 Ivie 15:14

Ẹkẹvuọvo o kporo asan ri kpenu na-a. Dede na udu rẹ Asa da dia uyota kpahe Ọrovwohwo vwẹ ẹdẹ rẹ akpọ rọye ejobi.

1 Ivie 15:3

Ọ de nene imwemwu rẹ ọsẹ rọye ru phihọ otọ jovwo; udu rọye gbe rha dia ọsoso vẹ uyota kẹ Ọrovwohwo Ọghẹnẹ rọye-e, kirobo rẹ udu ri Devid ọsẹ rọye epha.

1 Ivie 15:5

fikiridie Devid ru obo ri shephihọ vwẹ obaro rẹ Ọrovwohwo, o gbobọnyẹ urhi ro ji kẹ vwẹ ẹdẹ rẹ akpọ rọye ejobi-i, jokpa rẹ ota rẹ Yuraya rẹ ohwo ri Hẹt na ọvo.

1 Ivie 22:43

Ọ da vwọ kpahe idjerhe ejobi rẹ ọsẹ rọye Asa; o gbobọ nyẹ-ẹ, o de ru obo ri yovwiri vwẹ obaro rẹ Ọrovwohwo; dede na a sa guọghọ asa ri kpenu na-a, yẹ ihwo na ji ze izobo ayen je torhẹ insẹns vwẹ asan ri kpenu na.

1 Ivie 22:44

Jehoshafat vẹ ovie rẹ Izrẹl da rhuẹrẹ kugbe.

1 Ivie 3:14

Ọ da dianẹ wọ yan phihọ idjerhe mẹ, re wọ da yọnrọn iji mẹ kugbe irhi mẹ, kirobo rẹ ọsẹ wẹn Devid yanre, etiyin ke Me kẹ wẹ otọnvwe.

1 Ivie 3:6

Solomọn da ta, Wọ nabọ vwẹ ẹguọnọ ro jẹ rhẹriẹ kẹ odibo wẹn Devid ọsẹ mẹ, fikiridie ọ yan nene uwe vwẹ esegbuyota, ọvwata kugbe udu esiri ro vwo kpahe owẹ. wo de ji vwo ẹguọnọ ro jẹ rhẹriẹ rode na kẹ, wọ da vwẹ ọmọ kẹ rere o tidia vwẹ ekete rọye kirobo rọ epha nonẹ na.

1 Ivie 8:25

Asakiephana, E Ọrovwohwo, Ọghẹnẹ rẹ Izrẹl, gba yọnrọn ive ru wo ve kẹ odibo wẹn Devid ọsẹ mẹ obo ru wo ve kẹ, tanẹ, nẹ ohwo cha kanre owẹ rọ tidia vwẹ enu rẹ ekete rẹ Izrẹl na-a, rọ da dianẹ emọ wẹn kẹnẹ oma kẹ idjerhe rayen, vwọ yan nene uvwe kirobo wọ yan nene uvwe na.

1 Ivie 8:61

Gbe jẹn udu wẹn dia ọsoso kẹ Ọrovwohwo Ọghẹnẹ rẹ avwanre, vwọ yan nene iji rọye kugbe vwọ yọnrọn irhi rọye, kirobo rọ epha nonẹ na.

1 Ivie 9:4

Vwọ kẹ wẹ, wọ da yan nene uvwe, kirobo ri Devid ọsẹ wẹn yanre, vẹ udu esiri kugbe ọvwata, wo de ru kirobo ri mi ji urhi kẹ wẹ ejobi, ru wọ da yọnrọn iji mẹ kugbe egha mẹ,

Ivie rẹ Ivẹ 12:3

Ẹkẹvuọvo e se si asan ri kpenu na no-o; ihwo na ki ji ze izobo ayen je torhẹ insens vwẹ asan ro kpenu na.

Ivie rẹ Ivẹ 12:4

Jehoash da ta kẹ irherẹn na, Igho rẹ ekuakua efuanfon ra ghwa rhe uwevwi rẹ Ọrovwohwo na, igho re bru kẹ ọshare ọvuọvo rọ dia igho re bru kẹ ihwo ejobi na kugbe igho rẹ udu rẹ ohwo ọvuọvo vuẹrẹ nẹ ọ hwa kpo uwevwi rẹ Ọrovwohwo na,

Ivie rẹ Ivẹ 14:3

O de ru obo ri yovwiri vwẹ obaro rẹ Ọrovwohwo, ọ ghwa dia kerẹ Devid rẹ ọsẹ rọye-e. O ru emu buebu ejobi kirobo ri Joash rẹ ọsẹ rọye ruru.

Ivie rẹ Ivẹ 14:4

Ẹkẹvuọvo e ghwie egbada rẹ ayen nu-u; ihwo na je gọ iye torhẹ insẹns vwẹ enu rẹ agbada.

Ivie rẹ Ivẹ 15:35

Dede na e ji se ghwie egbada na no-o; ihwo na ji ze izobo ayen je torhẹ incẹns vwẹ enu rẹ egbada na. Ọ bọn anurhoro rọ hẹ enu rẹ uwevwi rẹ Ọrovwohwo na.

Ivie rẹ Ivẹ 15:4

Ẹkẹvuọvo egbada na e ghwie ayen nu-u, ihwo na ji ze izobo ayen je torhẹ insẹns vwẹ enu rẹ agbada na.

Ivie rẹ Ivẹ 18:22

Ẹkẹvuọvo wọ da ta kẹ vwẹ, Avwanrẹ vwẹ ẹro so Ọrovwohwo Ọghẹnẹ rẹ avwanre, ọ dia ọye Hẹzikaya ghwiẹ ekuakua rẹ asan ri kpenu kugbe egbada rọye reyọ, rọ da ta kẹ Juda vi Jerusalẹm nẹ, Obaro rẹ agbada nana ovwan da cha gọ vwi Jerusalẹm?

Ivie rẹ Ivẹ 18:4

Ọ de kporo egbada na ejobi, o de rhe kporo ẹshẹ na, ọ da nyavwe Ashera na she teye otọ. Ọ da guọghọ ọrọdekọ ri Mosis vwẹ ẹronvwo duvwu na ivwivwuvwu kidie ihwo rẹ Izrẹl torhẹ izobo kẹ ri te ẹdẹ yena; e de se Nehushitan.

2 Ikun rẹ Ivie 15:17

Ẹkẹvuọvo o se si asan ri kpenu na nẹ evun rẹ Izrẹli-i. Ẹkẹvuọvo kaka abe ọvuọvo hẹ udu rẹ Asa-a vwẹ ẹdẹ rẹ akpọ rọye ejobi.

Une rẹ Ejiro 145:20

Ọrovwohwo sẹro rayen otu re guọnerọ ejobi; ẹkẹvuọvo ihwo umwemwu ejobi ka ghwọrọ ayen.

Une rẹ Ejiro 31:23

Guọnọ Ọrovwohwo, ovwan ihwo efuanfon rọye ejobi! Ọrovwohwo na sẹro re ihwo ri sere gbuyota, ẹkẹvuọvo ọ me rha hwa osa buebu ke ihwo re vwe evun ọnko nene yeri.

Livitikọs 17:5

Ọnana kọ dia ọtiọye rere ihwo rẹ Izrẹl vwọ reyọ eranvwe rayen hweri vwẹ evun rẹ aghwa, vwo rhe Ọrovwohwo na, vwo rhe orherẹn na vwẹ unurhoro rẹ utughẹ ra da vwa oma na, rere e hwe ayen vwo ze izobo rẹ ufuoma vwọ kẹ Ọrovwohwo na.

Matiu 22:37

Ọ da ta kẹ nẹ, Guọnọ Ọrovwohwo Ọghẹnẹ wẹn vwẹ udu wẹn ejobi, vwẹ ẹnwẹn wẹn ejobi, kugbe iroro wẹn ejobi.

Iyẹnrẹ Esiri ri Jọn 14:15

Ovwan da guọnọ ovwẹ, ovwan gba sẹro rẹ irhi mẹ.

Iyẹnrẹ Esiri ri Jọn 14:21

Ohwo rọ yọnrọn irhi mẹ rọ da sẹro rẹ ayen, oyẹ hẹ ohwo rọ guọnọ ovwẹ; ohwo rọ guọnọ ovwẹ Ọsẹ mẹ kọ guọnọ, ke me guọnọ ke me vwẹ oma mẹ phia kẹ.

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

1 Kọrẹnt 8:3

Ẹkẹvuọvo ohwo da guọnọ Ọghẹnẹ, ko riẹn ohwo yena.

Urhi Rivẹ 10:12

Kọna, Izrẹl, die Ọrovwohwo Ọghẹnẹ wẹn, tobọ guọnọ vwẹ obọ wẹn, ẹkẹvuọvo vwọ djẹ oshọ rẹ Ọrovwohwo Ọghẹnẹ wẹn, vwọ yan phihọ idjerhe rọye ejobi, je vwọ guọnọ, wọ je vwẹ udu wẹn ejobi kugbe ẹnwẹn wẹn ejobi ga Ọrovwohwo Ọghẹnẹ wẹn.

Urhi Rivẹ 10:13

Vwọ yọnrọn irhi rẹ Ọrovwohwo na vẹ ẹgha rọye, ri mi ji kẹ wẹ kẹ erhuvwu wẹn nonẹ na?

Urhi Rivẹ 11:13

Ọ da dianẹ wa yọnrọn irhi mẹ ri mi ji kẹ ovwan nonẹ na, wa da guọnọ Ọrovwohwo Ọghẹnẹ rẹ ovwan na, vwọ vwẹ udu rẹ ovwan ejobi kugbe ẹnwẹn rẹ ovwan ejobi ga,

Urhi Rivẹ 30:16

Ọ da dianẹ wọ kerhọ rẹ irhi rẹ Ọrovwohwo Ọghẹnẹ rẹ ovwan ri mi ji kẹ ovwan nonẹ na, vwọ guọnọ Ọrovwohwo Ọghẹnẹ rẹ ovwan, vwọ yan phihọ idjerhe rọye, ji vwọ yọnrọn irhi rọye vẹ ẹgha rọye ji kugbe iji rọye, kẹsiẹye wọ ke rhọ wo ki ji bu phihọ, Ọrovwohwo rẹ Ọghẹnẹ rẹ ovwan ko bruba kẹ ovwan vwẹ evun rẹ otọ rẹ ovwan ra dia na.

Urhi Rivẹ 30:20

vwọ guọnọ Ọrovwohwo Ọghẹnẹ, kerhọ rẹ urhuru rọye wọ je gba oma wẹn muo kidie, ọye vwẹ arhọ kugbe ẹdẹ ogrogro kẹ ovwan, re wọ sa dia otọ rẹ Ọrovwohwo veri kẹ esẹ rẹ ovwan, kẹ Ebraham kẹ Aizik, kugbe Jekọp, nẹ ọye vwọ kẹ ayen.

Urhi Rivẹ 30:6

Ọrovwohwo Ọghẹnẹ rẹ ovwan kọ yanvwe udu rẹ ovwan kugbe udu rẹ emọ rẹ ovwan, rere ovwan vwọ reyọ udu rẹ ovwan ejobi guọnọ Ọrovwohwo rẹ Ọghẹnẹ rẹ ovwan kugbe ẹnwẹn rẹ ovwan ejobi, re ovwan vwọ mrasan rhọ.

Urhi Rivẹ 6:5

wọ Me vwẹ udu wẹn ejobi, vẹ ẹnwẹn wẹn ejobi, kugbe ogangan wẹn ejobi, guọnọ Ọrovwohwo Ọghẹnẹ wẹn.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

1 Samuẹl 9:12

Ayen da kpahe, ọ herọ; nighe, ọye hẹ obaro rẹ ovwan na. Kpare awọ; nana nana o di kpo obo orere na, fikiridie ihwo na re ze izobo nonẹ na vwẹ obenu rẹ ugbenu.